பகுதி நேர ஆசிரியர்கள் பணி நிரந்தரம்.. அமைச்சர் அன்பில் மகேஷிடம் கோரிக்கை மனு!

தமிழக பள்ளிக் கல்வித் துறை அமைச்சர் அன்பில் மகேஷ் பொய்யாமொழியை சந்தித்து பல்வேறு ஆசிரியர்கள் மற்றும் பணியாளர் சங்கங்களை கோரிக்கை மனு கொடுத்தனர். தமிழக முதல்வர் மு.க.ஸ்டாலினிடம் அனைத்து சங்கங்களின் கோரிக்கையை கொடுத்து பரிந்துரை செய்வதாக அமைச்சர் அன்பில் மகேஷ் பொய்யாமொழி நம்பிக்கை தெரிவித்தார்.

இதில் பகுதி நேர ஆசிரியர்கள் கூட்டமைப்பு சார்பில் மாநில ஒருங்கிணைப்பாளர் எஸ்.செந்தில்குமார் தலைமையில் மாநில நிர்வாகிகள் தண்டபாணி, சித்ரா, கீதா, காயத்திரி, பாண்டியன், ராஜ்குமார் உள்ளிட்டோர் கலந்து கொண்டனர்.

திமுக தேர்தல் வாக்குறுதி 181ஐ நிறைவேற்றி 12 ஆயிரம் பகுதி நேர ஆசிரியர்களை முதல்வர் பணி நிரந்தரம் செய்ய வேண்டும் என வலியுறுத்தப்பட்டது. 13 ஆண்டுகளாக தற்போது ரூபாய் 12,500 தொகுப்பூதியத்தில் பகுதி நேர ஆசிரியர்கள் உடற்கல்வி, ஓவியம், தொழிற்கல்வி உள்ளிட்ட பாடங்களை மாணவர்களுக்கு கற்பித்து வருகின்றனர்.

இந்த 12 ஆயிரம் பகுதி நேர ஆசிரியர்கள் குடும்பங்கள் வாழ்வாதாரம் மேம்பட அவர்களின் வேலையை முறைப்படுத்தி காலமுறை சம்பளம் வழங்கி பணி நிரந்தரம் செய்ய வேண்டும் என்பதே அனைவரின் கோரிக்கையாக உள்ளது. விரைவில் இந்த கோரிக்கை நிறைவேற்றப்படும் என்ற எதிர்பார்ப்பில் உள்ளனர்.

தமிழக முதல்வர் மு.க.ஸ்டாலின் திமுகவின் தேர்தல் வாக்குறுதி 181இல் பகுதி நேர ஆசிரியர்களை பணி நிரந்தரம் செய்வதாக சொன்னதை நம்பி, 12 ஆயிரம் குடும்பங்கள் எதிர்பார்த்து விடியல் கிடைக்கும் என எதிர்பார்த்து காத்திருக்கின்றனர். நான்காவது ஆண்டில் முதல்வர் ஸ்டாலின் ஆட்சி செய்து கொண்டுள்ளார்.

திமுக தலைவராக தாம் கொடுத்த இந்த பணி நிரந்தரம் வாக்குறுதியை முதல்வர் ஸ்டாலின் அவர்கள் தான் நிறைவேற்ற ஆணையிட வேண்டும் எனவும், அமைச்சரவையைக் கூட்டி அரசு கொள்கை முடிவாக அறிவிக்க வேண்டும் எனவும் கோரிக்கை வைத்துள்ளனர்.

கடந்த 2012ஆம் ஆண்டு அரசுப் பள்ளிகளில் நியமித்த உடற்கல்வி, ஓவியம், கணினி, தையல், இசை, தோட்டக்கலை, கட்டிடக்கலை, வாழ்வியல் திறன் உள்ளிட்ட பாடங்களை நடத்தும் பகுதி நேர ஆசிரியர்கள் தற்போது வழங்கப்படும் 12,500 ரூபாய் என்ற சொற்ப சம்பளத்தோடு 14 கல்வியாண்டுகளாக தற்காலிகப் பணியில்தான் உள்ளனர். தற்காலிகமாக பணிபுரிவதை காலிப் பணியிடங்களாக்கி அவற்றை நிரந்தரப் படுத்தவேண்டும் என்று அவர்கள் கோரிக்கை வைத்துள்ளனர்

Read More

மாணவர் எண்ணிக்கையை நேரடியாக ஆய்வு செய்ய மாவட்ட அலுவலர்களுக்கு தொடக்கக் கல்வித் துறை உத்தரவு..!

அரசுப் பள்ளிகளில் மாணவர் எண்ணிக்கையை நேரடியாக ஆய்வு செய்ய வேண்டுமென மாவட்டக் கல்வி

 அலுவலர்களுக்கு தொடக்கக் கல்வித் துறை உத்தரவிட்டுள்ளது. தமிழகத்தில் அரசு மற்றும் அரசு உதவி பெறும் பள்ளிகளில் பயிலும் மாணவர்களின் முழு விவரங்களும் கல்வி மேலாண்மை தகவல் முகமை (எமிஸ்) தளம் வழியாக சேகரிக்கப்பட்டு பள்ளிக்கல்வித் துறையால் பராமரிக்கப்பட்டு வருகின்றன. இந்தத் தளத்தில் உள்ள மாணவர் எண்ணிக்கை அடிப்படையில்தான் பாடநூல், மிதிவண்டி, காலணி, சீருடைகள் போன்ற பல்வேறு நலத்திட்ட உதவிகள் வழங்கப்பட்டு வருகின்றன. மேலும், பள்ளிக்கான பராமரிப்பு மானியமும் மாணவர்கள் அளவுக்கு ஏற்பவே ஒதுக்கப்பட்டு வருகிறது.

இதற்கிடையே திருவள்ளூர் மாவட்டம் பம்மதுகுளம் அரசுப் பள்ளியில் மாணவர்கள் எண்ணிக்கை குறித்த புகார் மீதான ஆய்வில், போலியாக கணக்கு காட்டியுள்ளது கண்டறியப்பட்டது. இந்த விவகாரத்தில் தவறிழைத்த பள்ளியின் தலைமை ஆசிரியர் மற்றும் அதன் வட்டாரக் கல்வி அலுவலரை பணியிடை நீக்கம் செய்து துறைரீதியாக நடவடிக்கை எடுக்கப்பட்டது.

இதையடுத்து அரசுப் பள்ளிகளில் மாணவர் எண்ணிக்கையை நேரடியாக ஆய்வு செய்ய வேண்டுமென மாவட்டக் கல்வி அலுவலர்களுக்கு தொடக்கக் கல்வித் துறை சார்பில் சுற்றறிக்கை வாயிலாக அறிவுறுத்தல்கள் வழங்கப்பட்டுள்ளன. அதன்படி எமிஸ் தளத்தில் உள்ள தரவுகளுடன் ஒப்பிட்டு தொடக்க, நடுநிலைப் பள்ளிகளில் பணிபுரியும் ஆசிரியர்கள் மற்றும் மாணவர்களின் விவரங்களை உறுதிசெய்ய வேண்டும். அதில் ஏதேனும் மாற்றம் இருப்பின் அதன் தகவல்களை இயக்குநரகத்துக்கு அனுப்பிவைக்க வேண்டுமென துறை அதிகாரிகள் தகவல் தெரிவித்தனர்.

Read More

பாட ஆசிரியர்களின் பணிகளும், பொறுப்புகளும்

பாட ஆசிரியர்களின் பணிகளும், பொறுப்புகளும்

பள்ளிக் கல்வித் துறை வழங்கிய தலைமையாசிரியர் கையேட்டில் உள்ளபடி

1.4 பாட ஆசிரியர்களின் பணிகள்

i. மாணவர்களின் பாடக் குறிப்பேடு, மதிப்பெண் பதிவேடு, மாணவர் முன்னேற்ற அறிக்கை, மாணவர் நன்னடத்தை பதிவேடு முதலான அனைத்தையும் முறையாகப் பராமரித்தல்.

ii. NMMS, TRUST, NTSE, NEET, JEE, CUET தேர்வுகளில் மாணவர்கள் ஆர்வமுடன் பங்கேற்று வெற்றி பெற ஊக்குவித்தல் மற்றும் பயிற்சியளித்தல்.

iii. தன் வகுப்பிற்கு வரும் பிற பாட ஆசிரியர்களிடமும் மாணவர்களைப் பற்றிக் கலந்தாலோசித்து அவர்களின் திட்டமிடுதல். முன்னேற்றத்திற்குத்

iv. மாணவர்களின் நடத்தை மற்றும் உடல்நலம் குறித்து உற்றுநோக்கி பதிவுகள் மேற்கொள்ளல்.

V. அனைத்து மாணவர்களும் காலை, மதிய உணவு உண்பதை உறுதி செய்தல்.

vi. மாணவர்கள் உடல்நலக் குறைவால் பாதிக்கப்பட்டால் முதலுதவி செய்து அதன் விவரத்தினை உடனடியாகத் தலைமையாசிரியருக்கும், பெற்றோருக்கும் தெரிவித்தல்.

vii. வகுப்பில் உள்ள தனிக்கவனம் தேவைப்படும் மாணவர்களைத் தலைமையாசிரியர், பெற்றோர் மற்றும் SMC உதவியுடன் உளவியல் ரீதியிலான அறிவுரைகள் தந்து மனமாற்றத்தை ஏற்படுத்துதல்.

viii. சிறப்புக் கவனம் தேவைப்படும் மாணவர்களைக் இனம் கண்டறிந்து கற்றல் திறனை மேம்படுத்த இல்லம் தேடிக் கல்வித் (ITK) தன்னார்வலர்களை மாலை நேரங்களில் பயன்படுத்திக் கொள்ளல்.

ix. மாணவர் சேர்க்கை முடிவுற்றவுடன் சேர்க்கைப் பதிவேட்டில் விபரங்களைச் சரிபார்த்தல்.

X. சிறு இடைவேளை, உணவு இடைவேளை, உடற்கல்வி வகுப்பு நேரம் முடிந்தவுடன் மாணவர்கள் வகுப்பறைக்குள் செல்வதை உறுதி செய்தல்.

xi. தமது வகுப்பிற்கு வருகை புரிந்த மாணவர்கள் அனைவரும் வகுப்பு நேரம் முடிந்தபின் பள்ளியை விட்டு சென்று விட்டதை உறுதி செய்தல்.

xii. வகுப்பில் பாட கால அட்டவணை பாடத்திட்ட நகல் பராமரித்தலை உறுதி செய்தல்.

xiii. மாணவர்களின் தனித்திறன்களைக் கண்டறிந்து பயிற்சி அளித்தல், பாராட்டி ஊக்குவித்தல், திறமையை வெளிப்படுத்த வாய்ப்புகளை உருவாக்குதல்.

xiv. மீத்திறன் படைத்த ஊக்குவித்தல் மற்றும் மாணவர்களைக் கண்டறிந்து அவர்களை வழிகாட்டுதல்.

XV. கற்றலில் சிறப்பு கவனம் தேவைப்படும் மாணவர்களைக் கண்டறிந்து இணைப்புப் பயிற்சி வகுப்பறைக்கு அனுப்புதல்.

xvi. கல்வி சார்ந்த இணைச்செயல்பாடுகள், கல்வி சாரா செயல்பாடுகளில் மாணவர்கள் கலந்து கொள்ள ஊக்குவித்தல். ஒவ்வொரு மாணவனும் ஏதேனும் ஒரு செயல்பாட்டில் தன்னை ஈடுபடுத்திக் கொண்டிருப்பதை உறுதி செய்தல்.

xvii. மாணவர்களின் விடுப்பு விண்ணப்பங்களைப் பரிசீலித்து அனுமதி வழங்குதல்.

1.5 ஆசிரியரின் கடமைகளும் பொறுப்புகளும்

i ஆசிரியர்கள் நற்செயல்பாடுகள் நடை, உடை, பாவணை தோற்றம் முதலியன ) மாணவர்களின் மனதில் பதியும்படி இருத்தல்

ii. ஆசிரியர்கள் தனது பாடத்தில் மேம்படுத்தப்பட்ட அறிவுடையவராக இருத்தல்.

iii. பணி சார்ந்த நெறிமுறை கொண்டவராக இருத்தல். மாணவர்களிடம் ஆசிரியர்கள் அன்பும் பரிவும் உடையவர்களாக இருத்தல்

iv. ஆசிரியர்கள் புதுமையில் நாட்டமுள்ளவர்களாகவும் திறமைகளை வளர்த்துக் கொள்பவர்களாகவும் இருத்தல்.

V. ஆசிரியர்கள் பாரபட்சமின்றி வகுப்பறையில் செயல்பட்டு அனைத்து மாணவர்களையும் தன்பால் ஈர்க்கும் திறன் பெற்றிருத்தல்.

vi. காலை வழிபாட்டுக் கூட்டம் நடத்துவதற்கு உடற்கல்வி ஆசிரியர்கள், வகுப்பு ஆசிரியர்கள் மற்றும் மாணவர் தலைவர் உறுதுணையாக இருத்தல்.

vii. காலைவழிபாட்டுக்கூட்டத்தில் நாள்தோறும் ஒரு ஆசிரியர் ஒழுக்கம் பற்றி தெளிவான கருத்தை கதை/நிகழ்வுகள் மூலம் வலியுறுத்தல்.

viii. பள்ளியில் நடைபெறும் அனைத்து நிகழ்வுகளுக்கும் தலைமையாசிரியரால் அமைக்கப்பட்ட குழுக்கள் குறிப்பிட்ட பணிகளுக்குப் பொறுப்பேற்றுக் கொள்ளுதல்.

ix. NSS, NCC, JRC, SCOUT/Guides RRC, NGC, SPC की அமைப்புகளுக்கு ஆசிரியர்கள் பொறுப்பேற்றுக் கொள்ளுதல்.

X. ஆசிரியர்கள் காலம் தவறாமையைக் கடைபிடித்தல்.

xi. வகுப்பு மற்றும் பாடவாரியாக ஆண்டுச் செயல்திட்டம் தயாரித்தல்.

xii. ஒவ்வொரு மாணவனைப் பற்றிய முழு விவரங்களையும் ஆசிரியர் தெரிந்து வைத்திருத்தல்.

xiii. மாணவர்களை மனரீதியாக பாதிக்க கூடிய சொற்களை பயன்படுத்தாதிருத்தல்.

xiv. தலைமைப் பண்புகளை வளர்க்க ஒவ்வொரு மாணவருக்கும் ஆசிரியர் பயிற்சி அளித்தல்.

XV. பள்ளிமுடிந்தவுடன் மாணவர்களிடையே ஏற்படும் நெரிசலைத் தவிர்க்க மாடிப்படிகள் நுழைவாயில் ஆகிய பகுதிகளில் மாணவர்களை மாணவப் பிரதிநிதிகள் மூலம் ஒழுங்குபடுத்தலை ஆசிரியர்கள் கண்காணித்தல்

1.5.1 ஆசிரியர்களின் ஓய்வு பாடவேளைகள்(Leisure Period)

i. Teaching Aid தயாரித்தல். மற்றவர்களுக்கு Teaching Aid தயாரிக்க ஆலோசனை வழங்குதல்.

ii. மாணவர்களின் பாடம் சார்ந்த அனைத்து ஏடுகளையும் மதிப்பீடு செய்தல்.

iii. வினாத்தாள் தயாரித்தல்.

iv. பாடம் தொடர்பான, உளவியல் தொடர்பான. கல்வித் தொடர்பான பார்வை நூல்களை வாசித்தல்.

V. வலையொலியில் பாடச் சம்பந்தமான காணொலிகளை பார்த்தல்/ மதிப்பீடு செய்தல்/ உருவாக்குதல்.

vi. Power Point (PPT), Audio, Mobile app வீடியோ தயாரித்து வலையொலியில் (Youtube) பதிவேற்றம் செய்தல்.

Read More

TET வழக்கு - விசாரணை தேதிக்கு ஒத்திவைப்பு!

இன்று உச்ச நீதிமன்றத்தில் விசாரணைக்கு வந்த ஆசிரியர் தகுதித் தேர்வு வழக்கு.

*தொடக்கக் கல்வித் துறை மற்றும் பள்ளிக்கல்வித்துறையைச் சார்ந்த இடைநிலை ஆசிரியர்கள், பட்டதாரி ஆசிரியர்கள் மற்றும் தொடக்கப்பள்ளித் தலைமை ஆசிரியர்கள் ஆகியோர் பதவி உயர்வினைப் பெற ஆசிரியர் தகுதி தேர்வில் தேர்ச்சி பெறுவது கட்டாயம் என்ற சென்னை உயர்நீதிமன்ற தீர்ப்பினை எதிர்த்து உச்ச நீதிமன்றத்தில் தொடுக்கப்பட்ட மேல்முறையீட்டு வழக்கு இன்று விசாரணைக்கு வந்தது.

 *அதனையடுத்து இரு தரப்பினரின் முழுமையான விவாதங்களை முன்வைக்கும் பொருட்டு வருகின்ற 15.10.2024 அன்று விசாரணை ஒத்திவைக்கப்பட்டுள்ளதாக தகவல்.

TET case 15.10.2024 அன்று பட்டியலிடப்பட்டுள்ளது.

Read More

 நாளை நடக்கிறது குரூப்-2, 2ஏ முதல்நிலைத்தேர்வு: தேர்வர்கள் கட்டாயம் இதை மறக்காதீங்க..!

தமிழ்நாடு அரசு பணியாளர் தேர்வாணையம் (டி.என்.பி.எஸ்.சி), அரசு துறைகளில் காலியாக உள்ள பணியிடங்களை குரூப்-1, குரூப்-2, குரூப்-4 உள்பட பல்வேறு போட்டித்தேர்வுகள் வாயிலாக நிரப்பி வருகிறது. அந்த வகையில், 2024-ம் ஆண்டில், உதவி ஆய்வாளர், துணை வணிகவரி அலுவலர், வனவர் உள்பட பல்வேறு குரூப்-2 பதவிகளில் 507 காலிப்பணியிடங்களும், உதவியாளர், கணக்கர், நேர்முக உதவியாளர் உள்பட பல்வேறு குரூப்-2ஏ பதவிகளில் ஆயிரத்து 820 காலிப்பணியிடங்கள் என மொத்தம் 2 ஆயிரத்து 327 காலிப்பணியிடங்கள் உள்ளன. இதற்கான போட்டித்தேர்வு அறிவிப்பை டி.என்.பி.எஸ்.சி கடந்த மாதம் (ஜூன்) 20-ம் தேதி வௌியிட்டது.

இந்த பணியிடங்களுக்கு ஆன்லைன் வாயிலாக 7 லட்சத்து 93 ஆயிரத்து 966 பேர் விண்ணப்பித்து இருக்கின்றனர். இவர்களுக்கான முதல்நிலைத் தேர்வு நாளை (சனிக்கிழமை) தமிழகத்தின் அனைத்து மாவட்டங்களிலும் உள்ள 2 ஆயிரத்து 763 தேர்வு மையங்களில் நடக்க இருக்கிறது.

தேர்வர்கள் கவனத்திற்கு...

விண்ணப்பதாரர்கள் தேர்வு நடைபெறும் நாளன்று அவர்களுக்காக ஒதுக்கப்பட்ட தேர்வு மையத்துக்கு ஹால்டிக்கெட்டில் குறிப்பிட்டபடி காலை 9 மணிக்கு முன்னதாக வந்துவிட வேண்டும். 9 மணிக்கு மேல் வரும் விண்ணப்பதாரர்கள் யாராக இருந்தாலும், எக்காரணம் கொண்டும் தேர்வு மையத்தில் நுழைய அனுமதிக்கப்பட மாட்டார்கள் எனவும், தேர்வு அறைக்கு செல்லும்போது கட்டாயம் ஹால்டிக்கெட்டை எடுத்துச்செல்ல வேண்டும் எனவும் டி.என்.பி.எஸ்.சி. தேர்வு கட்டுப்பாட்டு அலுவலர் ஜான் லூயிஸ் திட்டவட்டமாக தெரிவித்துள்ளார்.

மேலும் விண்ணப்பதாரர்கள் ஹால்டிக்கெட்டில் குறிப்பிடப்பட்டுள்ள முக்கிய அறிவுரைகளை முறையாக பின்பற்ற வேண்டும் என்றும், தடை செய்யப்பட்ட மின்னணு சாதனங்கள் மற்றும் வேறு வகையான சாதனங்களை எடுத்துச்செல்ல அனுமதியில்லை என்றும், தேர்வின் அனைத்து நடவடிக்கைகளும் வீடியோ பதிவு செய்ய ஏற்பாடுகள் செய்யப்பட்டுள்ளது என்றும் டி.என்.பி.எஸ்.சி. தெரிவித்துள்ளது.

Read More

 6-9 வகுப்புகளுக்கு கற்றல் விளைவு / திறன் மதிப்பீட்டுத் தேர்வு நடத்துதல் - SCERT இயக்குநரின் செயல்முறைகள்..!

6-9 வகுப்புகளுக்கு கற்றல் விளைவு / திறன் மதிப்பீட்டுத் தேர்வு நடத்துதல் - SCERT இயக்குநரின் செயல்முறைகள்!

Read More

நல்லா இருந்த குடும்பத்திற்குள் நுழைந்த கவர்ச்சி புயல்.. குடும்பத்தை மறந்து நடிகர் எடுத்த முடிவு..!

தற்போது அந்த காதல் ஜோடியின் பிரிவு செய்திதான் சலசலப்பை ஏற்படுத்தி வருகிறது. நடிகர் இப்படி ஒரு முடிவு எடுக்க காரணமே அவருடன் நடித்த பிரபல நடிகை தான் என்கின்றனர்.

அவர் நடிக்க வந்த இத்தனை வருடங்களில் பெரிய அளவில் எந்த கிசுகிசுவிலும் சிக்கியது கிடையாது. அப்படிப்பட்ட நடிகர் தற்போது வேறு ஒரு நடிகையின் மயக்கத்தில் இருக்கிறார் என்றால் யாராலும் நம்ப முடியவில்லை தான்.

ஆனால் அடுத்தடுத்த தோல்விகளின் காரணமாக நடிகருக்கு ஏற்பட்ட விரக்தி நடிகையின் பக்கம் செல்ல வைத்திருக்கிறது. அந்த ஹீரோயின் நடிகருக்கு ஆறுதல் சொல்கிறேன் என ரொம்பவும் நெருக்கம் காட்டியிருக்கிறார்.

நடிகையுடன் டேட்டிங் செய்த நடிகர்

இதுதான் குடும்பத்திற்குள் சூறாவளியாக சுழற்றி அடித்திருக்கிறது. ஏற்கனவே நடிகரின் மனைவிக்கு அவர் மீது ரொம்பவும் பொசசிஸ் இருக்கிறது. அதன் காரணமாக சில கேள்விகளை அவர் கேட்க அதற்கு சந்தேகம் என பெயர் வைத்து நடிகர் வெறுப்பு காட்டி இருக்கிறார்.

அதில் இந்த நடிகையின் சமாச்சாரமும் தம்பதிகளுக்குள் பெரும் சண்டையை மூட்டி இருக்கிறது. இதனால் பொறுத்து பார்த்த நடிகர் தற்போது இப்படி ஒரு முடிவை எடுத்து இருக்கிறாராம். இதன் பிறகு தன்னை யாரும் கேள்வி கேட்க முடியாது என்ற நினைப்புதான்.

ஆனால் இப்படி ஒரு திருப்பத்தை எதிர்பார்க்காத மனைவி உடனே பதிலடியும் கொடுத்திருக்கிறார். இதனால் நடிகர் பக்கம் ஒட்டு மொத்த பிரச்சனையும் திரும்பி இருக்கிறது. இதில் இன்னும் கூட சில விவகாரங்கள் வெளிவரும் என்கின்றனர்.

Read More

 தோல்விகளால் துவண்டு போன நடிகை.. வாய்ப்பு கொடுத்து அரவணைத்த ஹீரோ..

ஆரம்பத்தில் இந்த நடிகையின் அறிமுகமே தோல்வியாக தான் இருந்தது. இருந்தாலும் அக்கட தேசத்தில் கஷ்டப்பட்டு முன்னேறி தனக்கென ஒரு அந்தஸ்தை அடைந்தார். அதன் பிறகு நடிகைக்கு டாப் ஹீரோக்களுடன் ஜோடி போடும் வாய்ப்பு கிடைத்தது.

அப்படியே பாலிவுட் பக்கமும் சென்றார். அங்கு முரட்டு நடிகருடன் நடித்த இவர் அவரை வைத்து அடுத்தடுத்த வாய்ப்புகளை பிடிக்கவும் திட்டம் போட்டார். ஆனால் நடிகையின் நேரமோ என்னமோ படம் படுதோல்வி அடைந்தது.

அதேபோல் ட்ரெண்டிங் நடிகருடனும் இணைந்து நடித்த அந்த படமும் சொல்லிக் கொள்ளும்படி போகவில்லை. இதனால் நொந்து போன நடிகை சில காலம் ஆன்மீகப் பக்கம் தன் கவனத்தை திசை திருப்பி வந்தார்

மாஸ்டர் நடிகர் படத்தில் இணைந்த நடிகை

ஆனால் இப்போது அவருக்கு அதிர்ஷ்டம் கூரையை உடைத்துக்கொண்டு கொட்டி இருக்கிறது. தற்போது வாரிசு நடிகரின் படத்தில் நடிக்க இவர் கமிட் ஆகி இருக்கிறார். ஏற்கனவே மாஸ் ஹீரோவின் படத்தில் ரீ என்ட்ரி கொடுத்த இவருக்கு அது சொதப்பலில் தான்முடிந்தது.

ஆனால் இந்த முறை அம்மணி நிச்சயம் ஒரு ரவுண்டு வருவார். ஏனென்றால் அடுத்த படமும் அவருக்கு கை கூடி இருக்கிறது. மாஸ்டர் நடிகரின் சீரிஸ் படத்தில் நடிக்க அம்மணி சம்மதித்திருக்கிறாராம்.

இதனால் அவருக்கு பெரும் நம்பிக்கை வந்திருக்கிறது. இதை வைத்து கோலிவுட்டை கலக்கி விடுவேன் அடுத்த லேடி சூப்பர் ஸ்டார் நான் தான் என தனக்கு நெருக்கமானவர்களிடம் துள்ளி குதிக்காத குறையாக சந்தோஷப்பட்டு வருகிறாராம்.

Read More

தேசிய கல்விக் கொள்கையை எதிா்ப்பது ஏன்? மத்திய அமைச்சருக்கு அமைச்சா் அன்பில் மகேஸ் பதில்..!

மத்திய கல்வி

 அமைச்சரின் கேள்விக்கு பதில் அளிக்கும் வகையிலும், தேசிய கல்விக் கொள்கையை தமிழக அரசு எதிா்ப்பதற்கான காரணத்தையும் பள்ளிக் கல்வித் துறை அமைச்சா் அன்பில் மகேஸ் தெரிவித்துள்ளாா்.

கல்வியில் பின்தங்கிய மாநிலங்களுக்கு அதிக நிதியை மத்திய அரசு தருவதாகவும், சிறப்பாக செயல்படும் தமிழகம் உள்ளிட்ட மாநிலங்களுக்கு நிதியை தர மறுப்பதாகவும் முதல்வா் மு.க.ஸ்டாலின் பல்வேறு புள்ளிவிவரங்களைச் சுட்டிக்காட்டி தனது எக்ஸ் வலைதள பக்கத்தில் பதிவிட்டிருந்தாா்.

இதற்கு பதிலளித்திருந்த மத்திய கல்வி அமைச்சா் தா்மேந்திர பிரதான், ‘தமிழக மாணவா்கள் மீது அக்கறை இருந்தால் தேசிய கல்விக் கொள்கையை தமிழகத்தில் அமல்படுத்த வேண்டும் என்றும், தமிழ் உள்பட தாய்மொழியில் கல்வி கற்றல், தமிழ் உள்பட தாய்மொழியில் தோ்வுகள் நடத்தப்படுதல் உள்ளிட்டவற்றை தமிழக முதல்வா் எதிா்க்கிறாரா?’ எனவும் கேள்விகளை முன்வைத்திருந்தாா்.

மத்திய அமைச்சா் தா்மேந்திர பிரதானின் கேள்விகளுக்குப் பதில் அளிக்கும் விதமாக பள்ளிக் கல்வித் துறை அமைச்சா் அன்பில் மகேஸ் பொய்யாமொழி தனது எக்ஸ் வலைதள பக்கத்தில் செவ்வாய்க்கிழமை பதிவிட்டுள்ளாா்.

அதில், ‘மொழிப் பாரம்பரியத்தை காத்திடும் வகையில் இரு மொழிக் கொள்கையை தமிழகம் ஏற்றுக் கொண்டுள்ளது. மேலும், தமிழ் எங்களின் அடையாளம்; எதிா்கால தலைமுறையினருக்கு ஆங்கிலத்தை கற்பிக்கிறோம்.

தமிழில் கற்பதையும், ஆங்கில அறிவை போதிப்பதையும் தமிழகம் உறுதி செய்துள்ளது. மத்திய அரசுப் பணிகளில் சமவாய்ப்பை உறுதிப்படுத்திடும் வகையில் போட்டித் தோ்வுகளை தமிழ் மொழியில் நடத்த வேண்டும் என தமிழக முதல்வா் பலமுறை மத்திய அரசுக்கு கோரிக்கை விடுத்தும் அதுகுறித்து மத்திய அரசு செவிசாய்க்கவில்லை’ எனப் பதிவிட்டுள்ளாா்.

Read More

கல்வித்தரத்தில் தமிழகம் தொடர்ந்து முதலிடம் வகிக்கிறது: மத்திய அமைச்சர் பாராட்டியுள்ளதாக தமிழக அரசு பெருமிதம்..!

கல்வித்தரத்தில் தமிழகம் தொடர்ந்து முதலிடம் வகிக்கிறது: மத்திய அமைச்சர் பாராட்டியுள்ளதாக தமிழக அரசு பெருமிதம்..!

கல்வித்தரத்தில் நாட்டிலேயே தமிழகம் சிறந்து விளங்குவதாக, மத்திய கல்வி

 அமைச்சர் பாராட்டியுள்ளதாக தமிழக அரசு பெருமிதம் தெரிவித்துள்ளது. இதுகுறித்து அரசு வெளியிட்டுள்ள

செய்திக்குறிப்பு:

அரசு பள்ளிகளின் கல்வித்திறனை மேம்படுத்த ரூ.1,086 கோடியில் 614 பள்ளிகளில் உட்கட்டமைப்பு வசதிகள் மேம்படுத்தும் பணிகள் நடைபெற்று வருகின்றன. ரூ.551.41 கோடியில் 28,794 பள்ளிகளில் திறன்மிகு வகுப்பறைகள் அமைக்கும் பணிகள் நடைபெற்று வருகின்றன. இதுதவிர, ரூ.436.74 கோடியில் உயர்நிலை, மேல்நிலைப்பள்ளிகளில் உயர் தொழில்நுட்ப ஆய்வகங்கள் அமைக்கப்பட்டு வருகின்றன.

முதல்வரின் காலை உணவுத்திட்டம் கடந்த 2022-ம் ஆண்டு மதுரையில் தொடங்கி வைக்கப்பட்டது. இத்திட்டத்தில் தற்போது அரசுமற்றும் அரசு உதவி பெறும் தொடக்கப்பள்ளிகளில் பயிலும் 20 லட்சத்துக்கும் மேற்பட்ட பள்ளிக்குழந்தைகள் பயன்பெறுகின்றனர்.

காட்டுப் பகுதிகளிலும் மலைப்பகுதிகளிலும் பள்ளிகளுக்குச் சென்று வரும் குழந்தைகளின் சிரமங்களை போக்க, போக்குவரத்து பாதுகாவலர்களுடன் வசதிகள் செய்யப்பட்டுள்ளது. அரசுப்பள்ளி மாணவர்களில் மாற்றுத்திறன் மாணவர்களை அடையாளம் காண ‘நலம் நாடி’ என்ற செயலி வடிவமைக்கப்பட்டுள்ளது.

‘நான் முதல்வன்’ திட்டத்தின் கீழ், 9 முதல் 12-ம் வகுப்பு வரை பயிலும் மாணவர்களுக்கு உயர்கல்வி தொழில் மற்றும் வேலைவாய்ப்புகள் குறித்து வழிகாட்டுதல்கள் வழங்கப்பட்டு, 10 லட்சம் மாணவர்கள் பயன் பெற்றுள்ளனர்.

தமிழக முதல்வர் திறனாய்வுத் தேர்வு மூலம், 11-ம் வகுப்பு பயிலும் 1,000 மாணவ மாணவியர் தேர்வு செய்யப்பட்டு ஊக்கத் தொகையாக மாதம் ரூ.1000 வீதம் இளநிலை பட்டப்படிப்பு வரை வழங்கப்படுகிறது.

கிராமப்புற மாணவ, மாணவியர் உரிய நேரத்தில் பள்ளி வந்து செல்ல வசதியாக, 3,44,144 பேருக்கு ரூ.165.84 கோடியில் இலவச சைக்கிள்கள் வழங்கப்பட்டுள்ளன. புதுமைப்பெண் மற்றும் தமிழ்ப்புதல்வன் திட்டங்களின் கீழ், 6 லட்சத்துக்கும் மேற்பட் மாணவ, மாணவியர் மாதம் ரூ.1,000 பெறுகின்றனர்.

டெல்லியில் கடந்த ஆக.13-ம்தேதி மத்திய கல்வித்துறை அமைச்சர் தர்மேந்திர பிரதான் வெளியிட்ட தேசிய கல்வி நிறுவனங்களுக்கான தரவரிசைப்பட்டியலில் இடம்பெற்றுள்ள செய்திகள் தமிழகத்தின் பெருமையை மேலும் உயர்த்தியுள்ளன.

அதாவது, தேசிய அளவில் தரவரிசைப்படுத்தப்பட்ட 926 கல்லூரிகளில் தமிழக கல்லூரிகள் மட்டும் 165. அதற்கு அடுத்த நிலைகளில் டெல்லியில் 88, மகாராஷ்டிரா - 80, கர்நாடகா - 78, உத்தரப்பிரதேசம் - 71, அசாம் - 15, மத்தியப்பிரதேசம், சண்டிகர், ஜார்க்கண்ட்,ஜம்மு-காஷ்மீர் ஆகிய மாநிலங்களில் தலா 12 கல்லூரிகள் என தரவரிசைப்படுத்தப்பட்டுள்ளன. இதன்மூலம், உயர்கல்வியில் தமிழகம் தலைசிறந்து விளங்குவது தெளிவாகிறது.

புதுமைப் பெண், தமிழ்ப் புதல்வன், நான் முதல்வன், திறன்மிகு வகுப்பறைகள், உயர்தொழில்நுட்ப ஆய்வகங்கள், காலை உணவு என பல்வேறு புதிய திட்டங்களை நடைமுறைப்படுத்தி வருவதால், அரசு பள்ளிகளுக்கு வரும் மாணவர்களின் எண்ணிக்கை உயர்ந்து, கல்வித்தரத்தில் நாட்டின் தலைசிறந்த மாநிலமாக தமிழகம் விளங்குகிறது. இவ்வாறு கூறப்பட்டுள்ளது.

Read More