பள்ளி காலை வழிபாட்டு செயல்பாடுகள்- 20.01.2023 - School Morning Prayer Activities - 20.01.2023
திருக்குறள் :
பால் :அறத்துப்பால்
இயல்:இல்லறவியல்
அதிகாரம்: செய்நன்றி அறிதல்
குறள் : 108
நன்றி மறப்பது நன்றன்று நன்றல்லது
அன்றே மறப்பது நன்று.
பொருள்:
ஒருவர் நமக்குச் செய்த நன்மையை மறப்பது நல்லதல்ல; அவர் தீமை செய்திருந்தால் அதை மட்டும் அக்கணமே மறந்து விடுவது நல்லது.
பழமொழி :
All things come to those who wait.
பொறுத்தவரே பூமியை ஆள்வார்
இரண்டொழுக்க பண்புகள் :
1. புத்தகம் மனித குலத்தின் குல சொத்து வாசிப்பேன்.
2. மனிதன் இறைவனின் அற்புத படைப்பு. நேசிப்பேன்.
பொன்மொழி :
சொற்கள் நம் சிந்தனையின் உடைகள். அவற்றை கந்தல்களாகவும், கிழிசல்களாகவும், அழுக்காகவும் உடுத்தக்கூடாது.
பொது அறிவு :
1. பாராசூட் பயிற்சிப் பள்ளி எங்கு அமைந்துள்ளது ?
ஆக்ராவில்.
2. இந்தியாவில் மொத்தம் எத்தனை மொழிகள் உள்ளன?
1652 மொழிகள்.
English words & meanings :
Meat - flesh of the animals. noun. விலங்குகளின் மாமிசம். பெயர்ச் சொல். Meet - happen to visit or go to the presence of some one. verb. ஒருவரை சந்தித்தல். வினைச் சொல்
ஆரோக்ய வாழ்வு :
மொச்சை பயிறில் உள்ள முக்கிய ஊட்டச்சத்துக்களில் தியமின், வைட்டமின் கே மற்றும் பி6, தாமிரம், செலினியம், இரும்புச்சத்து, நியசின், ரிபோஃப்ளவின், வைட்டமின் சி, வைட்டமின் ஏ, கோலின், சோடியம், செலினியம், துத்தநாகம், பொட்டாசியம் மற்றும் மக்னீசியம் போன்ற சத்துக்கள் உள்ளன. இது உங்களுக்கு மெலிந்த புரதத்தை வழங்குகிறது.
NMMS Q
கீழ்க்கண்டவற்றுள் எது உலோகப்போலி அல்ல?
a) போரான் b) நைட்ரஜன் c) சிலிக்கான் d) ஜெர்மனியம்.
விடை : நைட்ரஜன்
ஜனவரி 20 இன்று
எட்வின் யூஜின் ஆல்ட்ரின் அவர்களின் பிறந்தநாள்
எட்வின் யூஜின் ஆல்ட்ரின், Edwin Eugene Aldrin, Jr., பிறப்பு: ஜனவரி 20, 1930) என்பவர் அமெரிக்க விண்வெளி வீரரும் விமானியும் ஆவார். இவர் முதன் முதலாக மனிதரை சந்திரனில் ஏற்றிச் சென்ற அப்பல்லோ 11 விண்கலத்தில் நீல் ஆம்ஸ்ட்ரோங் உடன் பயணம் செய்து சந்திரனில் இறங்கிய இரண்டாவது மனிதர் என்ற பெருமையைப் பெற்றார்
நீதிக்கதை
இறைவனுக்கு நன்றி சொல்வோம்
ஒரு ஊரில் காகமொன்று இருந்தது. அது கருப்பு நிறத்தில் இருப்பதை வெறுத்தது. ஒரு நாள் ஒரு குளக்கரையில் இருந்த மரத்தின் மீது அமர்ந்திருந்தது அப்போது நீரில் இரு அன்னப்பறவைகள் நீந்திக் கொண்டிருந்தன.
அவற்றைப் பார்த்த காகம் அந்த அன்னப்பறவைகளைப் போல நான் வெள்ளையாக இல்லையே என வருந்தியது. அந்தப் பறவைகளைப்போல நாமும் தண்ணீரில் நீந்தினால் தன் சிறகுகளில் இருக்கும் கரிய நிறம் போய் வெண்மை நிறம் வந்துவிடலாம் என எண்ணியது.
உடனே அன்று முழுதும் அது தண்ணீரில் நீந்தியது. தன் இறகுகளை தேய்த்து தேய்த்து பார்த்தது. அதனால் சில இறகுகளையும் இழந்தது.
அதைப் பார்த்த அன்னப் பறவைகளில் ஒன்று காகத்திடம் இறைவன் படைப்பில் ஒவ்வொரு உயிரினமும் ஒவ்வொரு உருவம், நிறம் பெற்றவை. அதை மாற்ற நினைத்தால் நடக்காது என அறிவுரை கூறியது. மேலும், கடவுள் எந்த அங்கஹீனத்தையும் கொடுக்காமல் படைத்ததற்கு நன்றி சொல்லவேண்டும் என்றது.
இன்றைய செய்திகள் - 20.01.2023
* மின் இணைப்பு எண்ணுடன் 2 கோடி ஆதார் எண்கள் இணைப்பு: அமைச்சர் செந்தில்பாலாஜி தகவல்.
* நீட் விலக்கு மசோதா குறித்து விளக்கம் கேட்டு மீண்டும் மத்திய அரசு கடிதம்: மா.சுப்பிரமணியன் தகவல்.
* அரசுப் பள்ளிகளுக்கான என்எஸ்எஸ் நிதி, வங்கிக் கணக்கில் நேரடியாக செலுத்தப்படும் என்று பள்ளிக்கல்வித் துறை தெரிவித்துள்ளது.
* தவறான பயன்பாட்டை தடுக்க மனநோய் மற்றும் தூக்க மருந்துகளை மருத்துவரின் பரிந்துரை சீட்டு இருந்தால் மட்டுமே வழங்க வேண்டும் என்று மருந்துகட்டுப்பாடு இயக்குநரகம் அறிவுறுத்தியுள்ளது.
* விக்கிப்பீடியா ஆதாரங்கள் நம்பத் தகுந்தவை அல்ல - உச்ச நீதிமன்றம் அறிவுறுத்தல்.
* உலகம் முழுவதும் தொற்றை சமாளிக்க சுகாதார கட்டமைப்பு உருவாக்கப்பட வேண்டும்: ஜி-20 கூட்டத்தில் இந்தியா வலியுறுத்தல்.
* சீன புத்தாண்டு விடுமுறையில் தினசரி கரோனா உயிரிழப்பு 36 ஆயிரத்தை தாண்டும்: லண்டன் ஆய்வு நிறுவனம் கணிப்பு.
* ஐசிசி ஒருநாள் போட்டி தரவரிசை : விராட் கோலி, சிராஜ் முன்னேற்றம்.
* ஹாக்கி உலகக்கோப்பை: 14-0 என்ற கணக்கில் சிலி அணியை வீழ்த்தி காலிறுதி சுற்றுக்கு தகுதி பெற்றது நெதர்லாந்து.
Today's Headlines
* Minister SenthilBalaji informed that 2 crore Aadhaar numbers had been linked with electricity connection number.
* Central Government sent letter again asking for clarification on NEET Exemption Bill Information by Minister M. Subramanian
* The School Education said NSS funds for government schools will be paid directly into bank accounts said by the school education department .
* The Drug Control Directorate has advised that psychotropic and sleeping medicines should be dispensed only with a doctor's prescription to prevent misuse.
* Wikipedia sources are not trust worthy : an advice from Supreme Court
* Health infrastructure must be built to tackle the pandemic worldwide: India insists at G-20 meeting
* London Research Institute predicted that Corona death toll will exceed 36,000 during Chinese New Year holiday.
* ICC ODI Rankings: Virat Kohli and Siraj Progressed
* Hockey World Cup: Netherland beat Chile by14-0 and reached quarter-final round
Prepared by
