12th tamil important அணி இலக்கணம்(Ani ilakkanam)

 இலக்கணம் மொழிப் பயிற்சி வினாக்கள்

12th tamil important அணி இலக்கணம்(Ani ilakkanam)

1.பொருள் வேற்றுமை அணியைச் சான்றுடன் விளக்குக

அணி விளக்கம் : 

                           இருவேறு பொருள்களுக்கு இடையே உள்ள ஒற்றுமையை முதலில் கூறி பின் வேறுபடுத்திக் காட்டுவது பொருள் வேற்றுமை அணி. 

சான்று : 

ஓங்கலிடை வந்து உயர்ந்தோர் தொழ விளங்கி

ஏங்கொலிநீர் ஞாலத்து இருளகற்றும் ஆங்கவற்றுள் 

மின்னேர் தனியாழி வெங்கதிரொன்று ஏனையது 

தன்னே ரிலாத தமிழ் .

(தண்டியலங்கார உரை மேற்கோள் பாடல்)

பொருத்தம்

  ஒற்றுமை : 

                கதிரவனும் தமிழும் இருளைப் போக்குகிறது 

வேற்றுமை : 

               கதிரவன், உலகின் புற இருளைப் போக்குகிறது.

தமிழ், மக்களின் அறியாமை என்னும் அக இருளைப் போக்குகிறது.

எனவே, கதிரவனை விட தமிழ் உயர்ந்தது.

**********************************************

2.நிரல்நிறை அணி சான்று தந்து விளக்குக.

அணி விளக்கம் : 

                       சொல்லையும் பொருளையும் வரிசையாக நிறுத்தி, அவ்வரிசைப்படியே பொருள் கொள்ளச் செய்வது நிரல்நிறை அணி.

சான்று :  

அன்பும் அறனும் உடைத்தாயின் இல்வாழ்க்கை 

பண்பும் பயனும் அது.

பொருத்தம் :

 'அன்பும் அறனும் உடைய இல்வாழ்க்கை

பண்புடையதாகவும் பயன் மிக்கதாகவும் அமையும் என வரிசை முறைப்படி பொருள் கொள்ளப்படுவதால், இது நிரல்நிறை அணி ஆயிற்று.

**********************************************

3.ஏகதேச உருவக அணியைச் சான்றுடன் விளக்குக:-

 அணி விளக்கம் : 

                         ஒரு பொருளை உருவகம் செய்து, அதற்கு இணையான மற்றொரு பொருளை உருவகம் செய்யாது விட்டுவிடுவது ஏகதேச உருவக அணி.

சான்று : 

சினமென்னும் சேர்ந்தாரைக் கொல்லி இனமென்னும் 

ஏமப் புணையைச் சுடும்.

பொருத்தம் : 

             சினத்தை நெருப்பாகவும் இனத்தைத் தெப்பமாகவும் உருவகம் செய்த வள்ளுவர் உலக வாழ்க்கையைக் கடலாக உருவகம் செய்யாமல் விட்டுவிட்டேன்.

**********************************************

4.தொழில் உவமை அணியைச் சான்றுடன் விளக்குக .

அணி விளக்கம் : 

                                ஒரு பொருளின் தொழில் அல்லது செயல் காரணமாக அமையும் உவமை தொழில் உவமை எனப்படும்.

சான்று : 

அகலாது அணுகாது தீக்காய்வார் போல்க இகல்வேந்தர்ச் சேர்ந்தொழுகு வார்

பொருத்தம் : 

                   இக்குறளில் தீக்காய்தல்' என்னும் செயல் (தொழில்), அரசரோடு பழகுவதற்கு உவமையாகக் கூறப்பட்டுள்ளது. எனவே, இது தொழில் உவமையணி.

**********************************************

5.உவமை அணியைச் சான்றுடன் விளக்குக

அணி விளக்கம் : 

                       உவமை ஒரு தொடராகவும் உவமேயம் மற்றொரு தொடராகவும் அமைந்து உவம உருபு வெளிப்படையாக வருவது உவமையணி.

சான்று : 

உடம்பாடு இலாதவர் வாழ்க்கை குடங்கருள் பாம்போடு உடனுறைந் தற்று

பொருத்தம்:

உவமை : குடங்கருள் பாம்போடு உடனுறைதல் .

உவமேயம் : உடம்பாடு இலாதவர் வாழ்க்கை.

உவம உருபு : அற்று.

**********************************************

6.எடுத்துக்காட்டு உவமை அணியைச் சான்றுடன் விளக்குக

அணி விளக்கம் : 

                 உவமை ஒரு தொடராகவும் உவமேயம் மற்றொரு தொடராகவும் அமைந்து,உவம உருபு மறைந்து வருவது எடுத்துக்காட்டு உவமையணி.

சான்று : 

துஞ்சினார் செத்தாரின் வேறல்லர் எஞ்ஞான்றும் 

நஞ்சுண்பார் கள்ளுண் பவர்

பொருத்தம்:

உவமை : துஞ்சினார் செத்தாரின் வேறல்லர்

உவமேயம் : நஞ்சுண்பார் கள்ளுண் பவர்

உவம உருபு : மறைந்து வந்துள்ளது

**********************************************

7.சொற்பொருள் பின்வருநிலையணியைச் சான்றுடன் விளக்குக. 

அணி விளக்கம் : 

                செய்யுளில், வந்த சொல்லே மீண்டும் மீண்டும் வந்து, தந்த பொருளையே தருவது சொற்பொருள் பின்வருநிலையணி.

சான்று 1 : 

எப்பொருள் யார்யார்வாய்க் கேட்பினும் அப்பொருள்

மெய்ப்பொருள் காண்ப தறிவு.

பொருத்தம் : 

           இக்குறளில், 'பொருள்' என்னும் சொல் மீண்டும் மீண்டும் வந்து, தந்த பொருளையே தருகிறது.

சான்று 2 : 

எண்ணிய எண்ணியாங்கு எய்துப எண்ணியார்

திண்ணியர் ஆகப் பெறின்

பொருத்தம் : 

              இக்குறளில், 'எண்ணிய' என்னும் சொல் மீண்டும் மீண்டும் வந்து, 'நினைத்த எனத் தந்த பொருளையே தருகிறது.

**********************************************

12th tamil Book back Answers

Samacheer book 12th Tamil Book Back Answers Unit-1 Guide

• இயல் 1.1 இளந்தமிழே!

• இயல் 1.2 தமிழ்மொழியின் நடை அழகியல்

• இயல் 1.3 தன்னேர் இலாத தமிழ்

• இயல் 1.4 தம்பி நெல்லையப்பருக்கு

• இயல் 1.5 தமிழாய் எழுதுவோம்

Samacheer book 12th Tamil Book Back Answers Unit-2 Guide

• இயல் 2.1 பெருமழைக்காலம்

• இயல் 2.2 பிறகொரு நாள் கோடை

• இயல் 2.3 நெடுநல்வாடை

• இயல் 2.4 முதல்கல்

• இயல் 2.5 நால்வகைப் பொருத்தங்கள்

Samacheer book 12th Tamil Book Back Answers unit-3 Guide

• இயல் 3.1 தமிழர் குடும்ப முறை

• இயல் 3.2 விருந்தினர் இல்லம்

• இயல் 3.3 கம்பராமாயணம்

• இயல் 3.4 உரிமைத்தாகம்

• இயல் 3.5 பொருள் மயக்கம்

• இயல் 3.6 திருக்குறள்

Samacheer book 12th Tamil Book Back Answers Unit-4 Guide

• இயல் 4.1 பண்டைய காலத்துப் பள்ளிக்கூடங்கள்

• இயல் 4.2 இதில் வெற்றி பெற

• இயல் 4.3 இடையீடு

• இயல் 4.4 புறநானூறு

• இயல் 4.5 பாதுகாப்பாய் ஒரு பயணம்

• இயல் 4.6 பா இயற்றப் பழகலாம்

Samacheer book 12th Tamil Book Back Answers Unit-5 Guide

• இயல் 5.1 மதராசப்பட்டினம்

• இயல் 5.2 தெய்வமணிமாலை

• இயல் 5.3 தேவாரம்

• இயல் 5.4 அகநானூறு

• இயல் 5.5 தலைக்குளம்

• இயல் 5.6 படிமம்

Samacheer book 12th Tamil Book Back Answers Unit-6 Guide

• இயல் 6.1 திரைமொழி

• இயல் 6.2 கவிதைகள்

• இயல் 6.3 சிலப்பதிகாரம்

• இயல் 6.4 மெய்ப்பாட்டியல்

• இயல் 6.5 நடிகர் திலகம்

• இயல் 6.6 காப்பிய இலக்கணம்

• இயல் 6.7 திருக்குறள்

Samacheer book 12th Tamil Book Back Answers Unit-7 Guide

• இயல் 7.1 இலக்கியத்தில் மேலாண்மை

• இயல் 7.2 அதிசயமலர்

• இயல் 7.3 தேயிலைத் தோட்டப் பாட்டு

• இயல் 7.4 புறநானூறு

• இயல் 7.5 சங்ககாலக் கல்வெட்டும் என் நினைவுகளும்

• இயல் 7.6 தொன்மம்

Samacheer book 12th Tamil Book Back Answers Unit-8 Guide

• இயல் 8.1 நமது அடையாளங்களை மீட்டவர்

• இயல் 8.2 முகம்

• இயல் 8.3 இரட்சணிய யாத்ரிகம்

• இயல் 8.4 சிறுபாணாற்றுப்படை

• இயல் 8.5 கோடை மழை

• இயல் 8.6 குறியீடு

Dear visitors we understand your expectations for tamilnadu state board samacheer book 12th Tamil Full Guide solutions book back answers guide.these 12th Tamil book answers guide help for your exam preparation for online study you can get good marks in your Examination.

12th Tamil இயல்-1 முதல் இயல்-9 வரை இலக்கண குறிப்புகள். Click here

12th Tamil important 4 mark -தமிழாக்கம்,கலைச்சொல் தருக:-Click here

Read More

12th Tamil - இயல்-1 முதல் இயல்-9 வரை - இலக்கண குறிப்பறிதல் அனைத்தும்

 இலக்கணக் குறிப்பு அறிக

12th Tamil - இயல்-1 முதல் இயல்-9 வரை - இலக்கண குறிப்பறிதல் அனைத்தும்

* பண்புத்தொகைகள்:-

1. அருந்திறல்
2. கருந்தடம், 
3. கொடுங்கோல்,
4.  செம்பரிதி, 
5. செந்தமிழ், 
6. செந்நிறம் 
7. தொல்நெறி, 
8. நன்கலம், 
9. நன் மொழி, 
10. நன்னாடு, 
11. நெடுவழி, 
12. நெடுவேல், 
13. பெருங்கடல், 
14. புதுப்பெயல்
15. வெங்கதிர், 
16. வெங்குருதி, 
17. வெள்ளருவி, 
18. வெண்குடை, 
19. சிறுகுடி

வினைத்தொகைகள் :-

1.  காய்நெல், 
2. தாழ்கடல், 
3. வயங்குமொழி, 
4. வளர்தலம், 
5. விரிகடல்

தொழிற்பெயர்கள் :-

1. நகை, 
2. அழுகை, 
3. இளிவரல், 
4. மருட்கை, 
5. அச்சம், 
6. பெருமிதம், 
7. வெகுளி, 
8. உவகை, 
9. சொல்லுதல், 
10. மலைதல், 
11. மறத்தல், 
12. அல்லல், 
13. மறத்தல்

வினையாலணையும் பெயர்கள் :-

1. உயர்ந்தோர், 
2. செற்றவர், 
3. பாதகர். 
4. வாழ்பவன்

அடுக்குத்தொடர்கள்:- - 

1. ஊன்ற ஊன்ற, 
2. முத்து முத்தாய், 
3. வேறு வேறு, 
4. யார் யார் 
5. கொஞ்சம் கொஞ்சமாக

உரிச்சொல் தொடர்கள்-:-

1. தடக்கை, 
2. மாதவம், 
3. மாமயிலை

எண்ணும்மைகள் - 

1. அறிவும் புகழும், 
2. அன்பும் அறமும், 
3. ஆடலும் பாடலும், 
4. பண்பும் பயனும்
5. வையகமும் வானகமும், 
6. நகையும் உவகையும், 
7. தேமாவும் புளிமாவும் 

இரண்டாம் வேற்றுமை உருபும் பயனும் உடன் தொக்க தொகை

1. அரவக்கடல்
2. கழற்கால்

பெயரெச்சம்  - 

1. ஈந்த, 
2. கொடுத்த, 
3. சொற்ற, 
4. திருந்திய, 
5. புக்க, 
6. வாய்த்த, 
7. கண்ட, 
8. கொல்லும் சினம்
9. சலிக்கும் காற்று

ஈறுகெட்ட எதிர்மறைப் பெயரெச்சம் - 

1. அடையா, 
2. அறியா, 
3. பொய்யா, 
4. உள்ளழிக்க லாகா
5. மறவா - 

வினையெச்சம்

1. சிவந்து, 
2. சினந்து, 
3. வெந்து, 
4. உவப்ப(மகிழ) (இயல் 8), 
5. போந்து (இயல் 8)
6. தொடங்க

உவமைத்தொகை 

1. கடல்தானை, 
2. மலரடி

உருவகம் - 

1. வியர்வை வெள்ளம்

இசைநிறை அளபெடை - 

1. உழாஅது, 
2. கவாஅன், 
3. சிறாஅர்

இன்னிசை அளபெடை - 

1. எடுப்பதூஉம் 

சொல்லிசை அளபெடை - 

1. ஒரீஇ, வளைஇ, 
2. வெரீஇய

இடைக் குறை - 

1. இலாத, 
2. உளது

மரூஉ - 

1. நுந்தை

ஆகுபெயர் - 

1. உலகு, 
2. நீலம்

முன்னிலைப் பன்மை வினைமுற்று - 

1. உன்னலிர் 

ஏவல் வினைமுற்று - 

1. ஓர்மின், 
2. செலுத்து

இடைக்குறைவிகாரம்

• பொருள் எலாம்
• 
  
• நிகர் அலன்

. பண்புத்தொகை

1. 1. செங்கயல்
2. 
   
3. 2. வெண்சங்கு
4. 
   
5. 3. அரும்பிணி
6. 
   
7. 4. செஞ்ஞாயிறு
8. 
   
9. பெருங்கலம்
10. 
    
11. பெருவழி -
12. 
    
13. வெண்சுவை
14. 
    
15. தீம்பால் -
16. 
    
17. 9. பெரும்புகழ்
18. 
    
19. 10. தெண்டிரை 11. நெடுங்குன்று
20. 
    
21. 12. பேரன்பு
22. 
    
23. 13. நன்னாடு
24. 
    
25. கருங்கடல் ின்
26. 
    
27. 15. பெருந்துயர்
28. 
    
29. 16. வெங்கணை
30. 
    
31. 17. செங்கை
32. 
    
33. 18. வெவ்வினை
34. 
    
35. 19. இளமுகம்
36. 
    
37. நல்லூண்
38. 
    
39. 21. சிறுபுல்
40. 
    
41. பேரழகு -
42. 
    
43. 23. முந்நீர்
44. 
    
45. 24. நன்மண்
46. 
    
47. அருஞ்சமம்

12th Tamil இயல்-1 முதல் இயல் -9 வரை உள்ள தமிழாக்கம் தருக,கலைச்சொல் தருக அனைத்தும்.

Read More

12th std important 4 mark question- தமிழாக்கம் தருக

 12th std important 4 mark question- தமிழாக்கம் தருக

இயல்-1 (Iyal-1)

1. Learning is a treasure that will follow its owner everywhere.

கற்றவர்க்குச் சென்ற இடமெல்லாம் சிறப்பு.

2. A new language is a new life.

புதிய மொழியைக் கற்கும் போது புதிதாய்ப் பிறக்கிறோம்.

3. If you want people to understand you, speak their language.

மக்கள் உன்னை புரிந்து கொள்ள வேண்டுமானால், அவர்கள் மொழியில் உரையாடு.

4. Knowledge of languages is the doorway to wisdom.

மொழி அறிவு ஞானத்தின் வழி.

5. The limits of my language are the limits of my world.

மொழியறிவின் எல்லையே உனது உலக அறிவின் எல்லை.

கலைச்சொல் அறிதல்

12th Tamil இயல்-1 முதல் இயல்-9 வரை கலைச்சொல் தருக:-

1.Sabscription - உறுப்பினர் கட்டணம்.

2.Fiction -புனைவு.

3.Biography -வாழ்க்கை வரலாறு.

 4.Archive -ஆவணம்.

5.Manuscript - கையெழுத்துப் பிரதி .

6.Bibliography -நூல் நிரல்.

7.Lobby - ஓய்வறை.

8.Checkout - வெளியேறுதல்.

9.Tips - சிற்றீகை .

10.Mini meals - சிற்றுணவு.

11.Affidavit - ஆணை உறுதி ஆவணம்.

12.Allegation - சாட்டுரை.

13.Conviction - தண்டனை.

14. Jurisdiction - அதிகார எல்லை.

15.Plaintiff - வாதி.

16.Debit card - பற்று அட்டை

17.Demand draft - கேட்பு வரைவோலை.

18.Withdrawal slip - திரும்பப் பெறும் படிவம்.

19.Teller - விரைவுக் காசாளர்.

20.Mobile banking - அலைபேசி வழி வங்கி முறை.

21.Internet banking - இணைய வங்கு

22.Platfom - நடைமேடை.

23.Train track - இருப்புப் பாதை .

24.Railway signal - தொடர்வண்டி வழிக்குறி.

25.Ticket inspector - பயணச்சீட்டு ஆய்வாளர்.

26.Level crossing - இருப்புப் பாதையை

கடக்கும் இடம்.

27.Metro train - மாநகர தொடர்வண்டி.

28.Arrival - வருகை.

29.Departure - புறப்பாடு.

30.Conveyor belt - ஊர்திப் படை.

31.Take off - வானூர்தி கிளம்புதல்.

32.Passport - கடவுச்சீட்டு.

33.Visa - நுழைவு இசைவு.

34.Domestic flight - உள்நாட்டு வானூர்தி.

35.Artist - கவின் கலைஞர்.

36.Animation - இயங்குபடம் .

37.Newsreel - செய்திப்படம்.

38.Cinematography - ஒளிப்பதிவு.

39.Sound effect - ஒலி விளைவு.

40.Multiplex complex - ஒருங்கிணைந்த

திரையரங்க வளாகம்.

41.Stamp pad - மைப் பொதி .

42.Stapler - கம்பித் தைப்புக் கருவி.

43.Folder - மடிப்பு த்தாள்.

44.File - கோப்பு.

45.Rubber stamp - இழுவை முத்திரை.

 46.Eraser - அழிப்பான்.

12th Tamil இயல்-1 - உயிரினும் ஓம்பப்படும் - வினா விடை குறிப்புகள் அனைத்தும்.- Click Here

Read More

பள்ளி, கல்லூரிகள் எப்போது திறக்கப்படும் -உயர்நீதிமன்றம் கேள்வி

 பள்ளி, கல்லூரிகள் எப்போது திறக்கப்படும் என்பது குறித்து ஆகஸ்ட் 25-ம் தேதிக்குள் பதிலளிக்க வேண்டும் என்று தமிழக அரசுக்கு உயர்நீதிமன்றம் உத்தரவிட்டுள்ளது.

பள்ளிகளில் படிக்காமல் நேரடியாக பத்தாம் வகுப்புக்கு தேர்வு எழுத ஹால் டிக்கெட் பெற்றிருந்த தனித்தேர்வர்களும் தேர்ச்சி பெற்றதாக அறிவிக்க கோரி, கோவையை சேர்ந்த எஸ்.பாலசுப்ரமணியன் என்பவர் சென்னை உயர் நீதிமன்றத்தில் மனுத்தாக்கல் செய்திருந்தார்.

அந்த மனுவில், 11ம் வகுப்புக்கான மாணவர் சேர்க்கையும், பாலிடெக்னிக் மாணவர் சேர்க்கையும் ஆகஸ்ட் 24-ம் தொடங்க உள்ளதாக அறிவிக்கப்பட்டுள்ள நிலையில், தனி தேர்வர்களை தேர்ச்சி பெற்றதாக அறிவிக்காமல் அரசு பாரபட்சம் காட்டுவதாகவும், அதனால் அவர்கள் ஒராண்டை இழக்க நேரிடும்" என்று குறிப்பிட்டிருந்தார்.

மேலும் தனித்தேர்வர்களின் முடிவுகளை வெளியிடும் வரை, மேல் நிலைப் பள்ளி மாணவர் சேர்க்கையையும், பாலிடெக்னிக் கல்லூரிகளில் மாணவர் சேர்க்கையையும் தள்ளி வைக்க வேண்டும் எனவும், தனித்தேர்வர்களையும் தேர்ச்சி பெற்றதாக அறிவிக்க வேண்டும் என்றும் அவர் தனது சுட்டிக்காட்டியிருந்தார்.

இந்நிலையில் இந்த வழக்கு இன்று நீதிபதிகள் எம்.எம்.சுந்தரேஷ், ஆர்.ஹேமலதா ஆகியோர் முன்பு விசாரணைக்கு வந்தது. அப்போது, மேல்நிலை வகுப்புகளுக்கு வரும் 24ம் தேதி முதல் மாணவர் சேர்க்கை நடைபெறும் என அறிவிக்கப்பட்டுள்ளதால், தனித்தேர்வர்கள் பாதிக்கப்பட்டுள்ளனர் என மனுதாரர் தரப்பில் வாதிடப்பட்டது.

இதையடுத்து, பள்ளிகள், கல்லூரிகள் மற்றும் பாலிடெக்னிக் கல்லூரிகள் எப்போது திறக்கப்படும் என்று கேள்வி எழுப்பிய நீதிபதிகள், இதுகுறித்து ஆகஸ்ட் 25-ம் தேதி தமிழக அரசு பதிலளிக்க வேண்டும் என்று உத்தரவிட்டனர். மேலும் வழக்கு விசாரணையை வரும் 25ம் தேதிக்கு நீதிபதிகள் ஒத்தி வைத்தனர்.

Read More

10, 11,12ஆம் வகுப்பு செப்டம்பர் பொதுதுணைத்தேர்வு

  10, 11,12ஆம் வகுப்பு தனித்தேர்வர்கள், தோல்வியடைந்த மாணவர்களுக்கு மீண்டும் துணைத் தேர்வுகள் நடத்தப்படும் தேதி அறிவிக்கப்பட்டுள்ளது.

இதுதொடர்பாக அரசுத் தேர்வுத்துறை இயக்குனர் உஷாராணி வெளியிட்டுள்ள செய்திக் குறிப்பில் கூறிருப்பதாவது:

'மார்ச் 2020 இல் நடைபெற்ற பத்தாம் வகுப்பு, பதினோராம் வகுப்பு (+1), பன்னிரண்டாம் வகுப்பு (+2) பொதுத்தேர்விற்கு விண்ணப்பிக்க தவறிய தனித்தேர்வர்களிடமிருந்தும், மார்ச் பொதுத் தேர்விற்கு விண்ணப்பித்து தேர்வு எழுத தவறியவர்களிடம் இருந்து செப்டம்பர் மாதம் நடைபெறும் துணை தேர்விற்கு விண்ணப்பிக்கலாம்.

பத்தாம் வகுப்பு மார்ச் பொதுத் தேர்விற்கு விண்ணப்பித்து தனித்தேர்வர்கள் செப்டம்பர் மாதம் நடைபெறும் பத்தாம் வகுப்பு துணை தேர்வினை எழுத தற்போது மீண்டும் விண்ணப்பிக்க தேவையில்லை.

அதேபோல் மார்ச் 26ஆம் தேதி நடைபெறாமல் ரத்து செய்யப்பட்ட வேதியில், புவியியல், கணக்குப் பதிவியல், தொழிற்கல்வி கணக்குப் பதிவியல் பாடங்களுக்கான பதினோராம் வகுப்பு பொது தேர்வு எழுத ஏற்கனவே விண்ணப்பத்திருந்த தனித்தேர்வர்கள் மீண்டும் விண்ணப்பிக்க தேவையில்லை.

11 மற்றும் 12 ஆம் ஆண்டு பொதுத் தேர்விற்கு விண்ணப்பித்தவர்கள ஆகஸ்ட் 24ஆம் தேதி முதல் 27ஆம் தேதி வரை மாவட்ட கல்வி அலுவலகங்களில் உள்ள சேவை மையங்களில் விண்ணப்பிக்கலாம்.

2020 பத்தாம் வகுப்பு பொதுத்தேர்வு எழுத இயற்கையை அறிவியல் பாட செய்முறை தேர்விற்கு விண்ணப்பித்த தேர்வர்கள் ஆகஸ்ட் 24ஆம் தேதி முதல் 27ஆம் தேதி வரை மாவட்ட கல்வி அலுவலகங்களில் அமைக்கப்பட்டுள்ள சேவை மையங்களில் விண்ணப்பிக்கலாம்.

சிறப்பு அனுமதி திட்டத்தின் கீழ் ஆகஸ்ட் 28, 29 ஆகிய தேதிகளில் விண்ணப்பம் செய்யலாம். தேர்வர்கள் தேர்வு கட்டணத்தை சேவை மையத்தில் பணமாக செலுத்த வேண்டும். தேர்வர்கள் பொதுத் தேர்வுகளுக்கு விண்ணப்பிக்க தாங்கள் பயின்ற பள்ளிகள் மற்றும் தனித் தேர்வு மையங்கள், சேவை மையங்களுக்கு வரும்போது கட்டாயம் முக கவசம் அணிந்து, சமூக இடைவெளியை கடைபிடிக்க வேண்டும்.

கரோனோ முன்னெச்சரிக்கை தொடர்பாக அரசால் வெளியிடப்பட்டுள்ள மன்னித்து வழிகாட்டி நெறிமுறைகள் மற்றும் நிலையான செயல்பட்டு வழிமுறைகளை தவறாமல் பின்பற்ற வேண்டும். தேர்வு நடத்துவது தொடர்பான வழிமுறைகள் மற்றும் நெறிமுறையில் பின்னர் அறிவிக்கப்படும்.

செப்டம்பர் 21ஆம் தேதி முதல் 26 ஆம் தேதி வரை பத்தாம் வகுப்பு மாணவர்களுக்கும், 11 ம் வகுப்பு பேர்வழிகளுக்கு செப்டம்பர் 29ஆம் தேதி முதல் அக்டோபர் 7ஆம் தேதி வரையும்,12 ம் வகுப்பு மாணவர்களுக்கு செப்டம்பர் 21 ஆம் தேதி முதல் 29 ந் தேதி வரை தேர்வுகள் நடைபெறும்' இவ்வாறு அதில் தெரிவிக்கப்பட்டுள்ளது.

101 வகுப்பு மாணவர்களுக்கான துணைத்தேர்வு அட்டவணை:

10 ஆம் வகுப்பு மாணவர்களுக்கான துணைத்தேர்வு அட்டவணை:

12ஆம் வகுப்பு மாணவர்களுக்கான துணைத்தேர்வு அட்டவணை:

Read More

தனியார் பள்ளிகளில் 25 சதவிகித இட ஒதுக்கீட்டில்

 இலவச கட்டாய கல்வி உரிமைச்சட்டபடி, தனியார் பள்ளிகளில் 25 சதவிகித இட ஒதுக்கீட்டில் குழந்தைகளை சேர்க்க, வரும் 27 ஆம் தேதி முதல் விண்ணப்பிக்கலாம் என்று தமிழக அரசு அறிவித்துள்ளது.

உலகை அச்சுறுத்தி வரும் கொரோனா பாதிப்பு இந்தியாவில் அதிகரித்து வருகிறது. கடந்த மார்ச் மாதம் மத்தியில் இந்தியாவில் முழு ஊரடங்கு பிறப்பிக்கப்பட்டது. அப்போதே இருந்தே பள்ளிகளுக்கு விடுமுறை அறிவிக்கப்பட்டது. கொரோனா தொற்று அதிகரித்து வருவதால் 1 முதல் 10ம் வகுப்பு வரை ஆல் பாஸ் என்று தமிழக அரசு அறிவித்தது. விடுமுறைக்கு பிறகும் பள்ளிகள் இன்னும் திறக்கப்படவில்லை. தனியார்கள் ஆன் லைன் வகுப்புகளை நடத்தி வருகிறது. அரசு பள்ளி மாணவர்களுக்கு கல்வி தொலைக்காட்சி மூலம் தமிழக அரசு வகுப்பு நடத்த ஏற்பாடு செய்துள்ளது.

இதனிடையே, ஆகஸ்ட் 17ம் தேதிக்கு பிறகு மாணவர்கள் சேர்க்கை நடைபெறும் என்று பள்ளி கல்வித்துறை அமைச்சர் செங்கோட்டையன் தெரிவித்துள்ளார். தனியார்கள் பள்ளி ஏற்கெனவே கட்டணங்களை வசூலித்து வருவதோடு, மாணவர் சேர்க்கை நடத்தி வருகிறது.

இந்த நிலையில், இலவச கட்டாய கல்வி உரிமைச்சட்டபடி, தனியார் பள்ளிகளில் 25 சதவிகித இட ஒதுக்கீட்டில் குழந்தைகளை சேர்க்க, வரும் 27 ஆம் தேதி முதல் விண்ணப்பிக்கலாம் என்று தமிழக அரசு அறிவித்துள்ளது. இந்த இட ஒதுக்கீட்டின் கீழ் கல்வி பயிலும் மாணவர்களுக்கு, எட்டாம் வகுப்பு வரை மத்திய, மாநில அரசுகள் கல்வி கட்டணத்தை செலுத்தி வருகிறது. இதற்கான விண்ணப்பங்களை பள்ளிக்கல்வித்துறை இணையத்தளத்தில், வரும் 27 ம் தேதி முதல் செப்டம்பர் 25 ம் தேதி வரை பெற்றோர்கள் பதிவிறக்கம் செய்து விண்ணப்பிக்கலாம். இதன்படி குழந்தையின் வீட்டிலிருந்து தனியார் பள்ளி 1 கிலோ மீட்டர் தொலைவிலும், பெற்றோரின் ஆண்டு வருமானம் 2 லட்சத்திற்குள் இருக்க வேண்டும் எனவும் அறிவுறுத்தியுள்ளது தமிழக அரசு.

Read More

பள்ளிகளில் 1, 6, 9 மற்றும் 11-ம் வகுப்புகளில் புதிய மாணவர் சேர்க்கை

 தமிழகத்தில் உள்ள அனைத்து பள்ளிகளில் 1, 6, 9 மற்றும் 11-ம் வகுப்புகளில் புதிய மாணவர் சேர்க்கை தொடர்பாக தமிழக அரசு வழிகாட்டு நெறிமுறைகளை வெளியிட்டுள்ளது.

இதுகுறித்து தலைமைச் செயலாளர் க.சண்முகம் வெளியிட்டுள்ள அரசாணையில், 1, 6, 9-ம் வகுப்புக்கான 2020-21-ம் கல்வியாண்டு மாணவர் சேர்க்கையும், ஒரு பள்ளியில் இருந்து மற்றொரு பள்ளிக்கு மாறுவதன் காரணமாக பிற வகுப்புகளுக்கான (2 முதல் 10-ம் வகுப்பு) மாணவர் சேர்க்கையும் வரும் 17-ம் தேதி முதல் நடைபெற இருப்பதாகவும், மேல்நிலைப் பள்ளிகளில் +1 வகுப்பு மாணவர் சேர்க்கை வரும் 24-ம் தேதி முதல் நடைபெற இருப்பதாகவும் பள்ளிக் கல்வித்துறை அமைச்சர் செங்கோட்டையன் அறிவித்துள்ளார்.

மேலும், அரசு உதவிபெறும் மற்றும் தனியார் பள்ளிகளில் இந்த மாணவர் சேர்க்கை செய்யவும், அரசு மற்றும் அரசு உதவிபெறும் பள்ளிகளில் புதிய சேர்க்கை செய்யும் நாளில் மாணவர்களுக்குரிய விலையில்லா பாடப் புத்தகங்கள், புத்தகப்பை, சீருடை மற்றும் இதர கல்வி சார்ந்த பொருட்களை வழங்கவும் அனுமதி அளிக்கப்படுகிறது என்று தெரிவித்துள்ளார். இலவச மற்றும் கட்டாயக்கல்வி உரிமைச் சட்டம் 2009-ன் படி, நலிவடைந்த பிரிவினரின் குழந்தைகளுக்கு 25% இட ஒதுக்கீடுக்கான சேர்க்கைக்கு மெட்ரிகுலேசன் பள்ளிகள் இயக்குனருக்கு அனுமதி வழங்கியும் அரசு உத்தரவிட்டுள்ளது.

பள்ளிகளில் மாணவர் சேர்க்கையின் போது பின்பற்ற வேண்டிய அரசின் நிலையான செயல்பாட்டு வழிமுறைகள் :

• 5 மற்றும் 8-ம் வகுப்பு படித்த மாணவர்களுக்கு மாற்றுச் சான்றிதழ்கள் (டி.சி) வழங்க உரிய நடவடிக்கைகளை பள்ளி தலைமை ஆசிரியர்கள் எடுத்து அதற்கான மாற்றுச் சான்றிதழ்கள் தயார் நிலையில் வைத்திருக்க வேண்டும். ஒவ்வொரு வகுப்புக்கும் குறிப்பிட்ட நாட்களை ஒதுக்கி, சமூக இடைவெளியை பின்பற்றி மாற்றுச் சான்றிதழ்கள் வழங்க வேண்டும்.
• பள்ளி தலைமை ஆசிரியர்கள், ஆசிரியர்கள் தங்களுடைய ஊட்டுப் பள்ளிகளில் (பீடர் ஸ்கூல்) 5, 8-ம் வகுப்பு படித்த மாணவர்களின்
•  பெற்றோர் 
• செல்போன் எண்கள், 
• வீட்டு முகவரியை பெற்று 6, 9-ம் வகுப்புகளில் குறிப்பிட்ட நாட்களில் சேர்க்கை செய்வதற்கு உரிய நடவடிக்கை எடுக்க வேண்டும்.
• மேலும் அதிக மாணவர்கள் இருந்தால் மாணவர்களின் எண்ணிக்கைக்கு ஏற்ப ஒரு நாளைக்கு காலை மற்றும் மாலையில் தலா 20 மாணவர்கள், பெற்றோரை அழைத்து மாணவர் சேர்க்கை செய்திட வேண்டும். 
• அதற்கேற்ப கூடுதல் நாட்களையும் ஒதுக்கீடு செய்து கொள்ளலாம் என்று தமிழக அரசு தெரிவித்துள்ளது.

Read More

பள்ளி,கல்லூரிகள் திறப்பு எப்போது - மத்திய அரசு

 

சீனாவின் நகரில் கடந்தாண்டு நவம்பர் மாதத்தில் தோன்றிய கொரோனா வைரஸ் 210 அதிகமான நாடுகளில் பரவி பெரும் பாதிப்பை ஏற்படுத்தி வருகிறது. குறிப்பாக அமெரிக்கா, பிரேசில், இந்தியா, ரஷ்யா உள்ளிட்ட நாடுகளில் கொரோனா தொற்று பரவலால் மக்கள் கடுமையாக பாதிக்கப்பட்டுள்ளனர்.

கொரோனா வைரஸ் பரவலை தடுக்க, நாடு முழுவதும் கடந்த மார்ச் 24-ஆம் தேதி முதல் ஊரடங்கு அமல்படுத்தப்பட்டுள்ளது. தற்போது இருக்கும் ஊரடங்கு உத்தரவு ஆகஸ்ட் 31-ம் தேதி வரை நீட்டிக்கப்பட்டுள்ளது. இதனால் பள்ளி, கல்லூரி, பல்கலைக்கழகங்கள் திறப்பதில் தொடர்ந்து சிக்கல் நீடித்து வருகிறது.

இதனிடையே, தற்போதுள்ள சூழ்நிலையில் பள்ளிகளை திறக்க வாய்ப்பில்லை என்றும், கொரோனா தொற்று குறைந்ததும், பெற்றோர்களின் கருத்துக்களை கேட்டபின்னர் முதலமைச்சர் எடப்பாடி பழனிசாமி முடிவெடுப்பார் என பள்ளிக்கல்வித்துறை அமைச்சர் செங்கோட்டையன் தெரிவித்திருந்தார்.

இந்நிலையில், டிசம்பர் மாதம் வரை பள்ளி, கல்லூரிகள் திறக்க வாய்ப்பில்லை என மத்திய உள்துறை செயலாளர் தெரிவித்துள்ளார். மனிதவள மேம்பாட்டிற்கான நாடாளுமன்ற நிலைக் குழு கூட்டத்தில் மத்திய உயர்கல்வித்துறை செயலாளர் இந்த தகவலை தெரிவித்துள்ளார்.

Read More

அம்மா கவிதை

 

#என்னுயிர்_அன்னையே

**********************************************

கோயில் எதற்கு

தெய்வங்கள் எதற்கு

நடமாடும் தெய்வம்

நீ என்னோடு இருக்கையிலே..!

பசி தூக்கம் தனை மறந்து

உயிர் நோகும் வலி மறந்து 

ஈரைந்து திங்கள்

இன்பமுடன் எனைச்

சுமந்து ஈன்றவளே..!

நான் செய்த

பெருந் தவத்தால்

எந்தன் அன்னையானவளே..!

என் மகளுக்கும் 

அன்னையாகி 

அரவணைத்துக் காப்பவளே..!

நிழலாக எனைத் தொடர்ந்து  

நித்தம் என்னை ஆள்பவளே..!

கலங்கரை விளக்கமென 

நல்வழிகாட்டி நிற்பவளே..!

எந்தன் தன்னம்பிக்கையின்

தாரக மந்திரம் நீதானம்மா..!

 நீயின்றி நானில்லையம்மா..! 

எத்தனை ஜென்மங்கள் 

எனக்கிருந்தாலும்

நீயே என் தாயாகி

என்னைக் காத்திடும் 

வரம் கொடுத்திடம்மா..!

அம்மா என்னும் 

அழகிய கவிதையே..!

என்றென்றும் என்னுயிர் நீயே..!

              I LOVE YOU AMMA

                        *ரேணுகா ஸ்டாலின்*

Read More

12th Tamil - unit-1 , இயல்-1 -உயிரினும் ஓம்பப்படும்

Read More