10th Tamil Guide Unit 6.2 - பூத்தொடுத்தல்

10th Tamil Guide Unit 6.2 - பூத்தொடுத்தல்

இயல் 6.2. பூத்தொடுத்தல்

I. பலவுள் தெரிக.

1.மலர்கள் தரையில் நழுவும். எப்போது?

அள்ளி முகர்ந்தால்

தளரப் பிணைத்தால்

இறுக்கி முடிச்சிட்டால்

காம்பு முறிந்தால்

விடை : தளரப் பிணைத்தால்

II. சிறு வினா

1.நவீன கவிதையில் வெளிப்படும் நுண்மை உள்ளம், பூத்தொடுக்கும் நாட்டுப்புறப் பாடலில் வெளிப்படுகிறது. ஒப்பிட்டு எழுதுக.

இறுக்கி முடிச்சிட்டால்

காம்புகளின் கழுத்து முறியும்.

தளரப் பிணைத்தால்

மலர்கள் தரையில் நழுவும்.

வாசலில் மரணம் நிற்பதறிந்தும்

வருந்தாமல் சிரிக்கும்

இந்தப் பூவை

எப்படித் தொடுக்க நான்

- நவீன கவிதை

கையாலே பூவெடுத்தா – மாரிக்குக்

காம்பழுகிப் போகுமின்னு

விரலாலே பூவெடுத்தா – மாரிக்கு

வெம்பி விடுமென்று சொல்லி

தங்கத் துரட்டி கொண்டு – மாரிக்குத்

தாங்கி மலரெடுத்தார்

- நாட்டுப்புறப் பாடல்

விடை:-

நவின கவிதையில்

பூவின் மென்மை, அழகு, நளினத்தன்மை, எதற்கும் வருந்தாமல் சிரிக்கும் மலரைப்ப பெண்ணோடு ஓப்பிட்டுள்ளார்.

நாட்டுப்புறப் பாடலில்

பெண் தெய்வமாகிய மாரியோடு ஒப்பிட்டுப் பாடப்பட்டுள்ளது.

பூத்தொடுத்தல் – கூடுதல் வினாக்கள் 

I. கோடிட்ட இடங்களை நிரப்புக

1. ________________ மனித வாழ்விற்கு அழகூட்டுபவை

விடை : கலைகள்

2. கவிஞர் உமா மேகஸ்வரி ________________ மாவட்டத்தில் பிறந்தவர்.

விடை : மதுரை

3. கவிஞர் உமா மேகஸ்வரி ________________ வாழ்ந்து வருகிறார்.

விடை : தேனி மாவட்டம், ஆண்டிபட்டியில்

II. இலக்கணக் குறிப்பு

1. தளர –  பெயரச்சம்
2. இறுக்கி – வினையெச்சம்

III. பகுபத இலக்கணம்

1. இறுக்கி = இறுக்கு + இ

இறுக்கு – பகுதி

இ – வினையெச்ச விகுதி

2.  சிரிக்கும் = சிரி + க் + க் + உம்

சிரி – பகுதி

க் -சந்தி

க் – எதிர்கால இடைநிலை

உம் – செய்யும் என்னும் வாய்ப்பாட்டு வினைமுற்று விகுதி

IV. சிறு வினா

1. கலை எவற்றுடன் தன்னை பிணைத்து கொண்டுள்ளது?

அழகியல், மண்ணுயிர்கள் அனைத்தையும் தம் வாழ்வியல் சூழலுடன் பிணைத்து கொண்டுள்ளது

2. பூக்களை தொடுக்கும் போது இறுக்கி முடிச்சிடுவதாலும், தளரப் பினைப்பதாலும் நிகழ்வது என்ன?

பூக்களை தொடுக்கும் போது

இறுக்கி முடிச்சிடுவதால் காம்புகளின் கழுத்து முறியும்.

தளரப் பினைப்பதால் மலர்கள் தரையில் நழுவும்.

3. பூத்தொடுத்தல் என்னும் கவிதையில் பூவை என்ற சொல் யாரைக் குறிக்கிறது? அப் பூவைத் தொடுப்பது எப்படி?

பூவை என்ற சொல் பெண்ணைக் குறிக்கிறது.

மனமாகிய நுட்பமான நூலால் மட்டுமே தொடுக்க முடியும்.

4. கவிஞர் உமா மேகஸ்வரி படைத்துள்ள  கவிதைத் தாெகுதிகளை கூறுக

நட்சத்திரங்களின் நடுவே

வெறும் பாெழுது

கற்பாவை உள்ளிட்ட கவிதைத் தாெகுதிகளைப் படைத்துள்ளார்

5. கவிஞர் உமா மேகஸ்வரி பற்றி சிறு குறிப்பு வரைக

கவிஞர் உமா மேகஸ்வரி மதுரை மாவட்டத்தில் பிறந்தவர்.

தற்பாேது தேனி மாவட்டம் ஆண்டிபட்டியில் வாழ்ந்து வருகிறார்.

நட்சத்திரங்களின் நடுவே, வெறும் பாெழுது, கற்பாவை உள்ளிட்ட கவிதைத் தாெகுதிகளைப் படைத்துள்ளார்

கவிதை, சிறுகதை, புதினம் என்று பல தளங்களில் படைத்து வருகிறார்.

பலவுள் தெரிக

1.இந்தப் பூவைத்தொடுப்பது எப்படி? என்ற கவிதையை எழுதியவர்?

அ) உமா மகேஸ்வரி

ஆ) இரா. மீனாட்சி

இ) இந்திர பார்த்தசாரதி

ஈ) தாமரை

Answer:

அ) உமா மகேஸ்வர

2.கவிஞர் உமா மகேஸ்வரி எங்குப் பிறந்தார்?

அ) மதுரை

ஆ) திருநெல்வேலி

இ) சேலம்

ஈ) தேனி

Answer:

அ) மதுரை

3.உமா மகேஸ்வரி, தற்போது வாழ்ந்து வருகின்ற மாவட்டம் யாது?

அ) தேனி, ஆண்டிபட்டி

ஆ) மதுரை, அனுப்பானடி

இ) தஞ்சாவூர், வல்லம்

ஈ) திருச்சி, உறையூர்

Answer:

அ) தேனி, ஆண்டிபட்டி

Read More

10th Tamil Unit 6.3 - முத்துக்குமாரசாமி பிள்ளைத்தமிழ்

10th Tamil Unit 6.3. முத்துக்குமாரசாமி பிள்ளைத்தமிழ்

முத்துக்குமாரசுவாமி பிள்ளைத்தமிழ் 

-குமரகுருபரர்

ஆடுக செங்கீரை!

செம்பொ னடிச்சிறு கிங் கிணியோடு சிலம்பு கலந்தாடத்

    திருவரை யரைஞா ணரைமணி யொடு மொளி திகழரை வடமாடப்

பைம்பொ னசும்பிய தொந்தி யொடுஞ்சிறு பண்டி சரிந்தாடப்

    பட்ட நுதற்பொலி பொட்டொடு வட்டச் சுட்டி பதிந்தாடக் 

கம்பி விதம்பொதி குண்டல முங்குழை காது மசைந்தாடக்

     கட்டிய சூழியு முச்சியு முச்சிக் கதிர்முத் தொடுமாட 

வம்பவ எத்திரு மேனியு மாடிட ஆடுக செங்கீரை 

    ஆதி வயித்திய நாத புரிக்குக னாடுக செங்கீரை*

-செங்கீரைப் பருவம், பா.எண்.8

பாடலின் பொருள்

    திருவடியில் அணிந்த சிறு செம்பொன் கிண்கிணிகளோடு சிலம்புகளும் சேர்ந்து ஆடட்டும். இடையில் அரைஞாண் மணியோடு ஒளிவீசுகின்ற அரைவடங்கள் ஆடட்டும். பசும்பொன் என ஒளிரும் தொந்தியுடன் சிறுவயிறு சரிந்தாடட்டும். பட்டம் கட்டிய நெற்றியில் விளங்குகின்ற பொட்டுடன் வட்டவடிவான சுட்டி பதிந்தாடட்டும். கம்பிகளால் உருவான குண்டலங்களும் காதின் குழைகளும் அசைந்தாடட்டும்.

    உச்சிக் கொண்டையும் அதில் சுற்றிக் கட்டப்பட்டுள்ள ஒளிமிக்க முத்துகளோடு ஆடட்டும். தொன்மையான வைத்தியநாதபுரியில் எழுந்தருளிய முருகனே! செங்கீரை ஆடி அருள்க! இவற்றுடன் அழகிய பவளம் போன்ற திருமேனியும் ஆட, செங்கீரை ஆடுக.

I. சொல்லும் பொருளும்

1. பண்டி – வயிறு
2. அசும்பிய – ஒளிவீசுகிற
3. முச்சி – தலையுச்சிக் காெண்டை

II. இலக்கணக் குறிப்பு

1. குண்டலமும்  குழைகாதும் – எண்ணும்மை
2. ஆடுக – வியங்கோள் வினைமுற்று
3. கட்டிய – பெயரெச்சம்
4. வட்டச் சுட்டி – குறிப்பு பெயரெச்சம்

III. பகுபத உறுப்பிலக்கணம்

பதிந்து = பதி + த் (ந்) + த் + உ

• பதி – பகுதி
• த் – சந்தி
• ந் – ஆனது விகாரம்
• த் – இறந்தகால இடைநிலை
• உ – வினையெச்ச விகுதி

செங்கீரைப் பருவம்

செங்கீரைச்செடி காற்றில் ஆடுவது போன்று குழந்தையின் தலை 5-6 ஆம் மாதங்களில் மென்மையாக அசையும். இப்பருவத்தைச் செங்கீரைப் பருவம் என்பர். இப்பருவத்தில் குழந்தை தன் இருகை ஊன்றி, ஒருகாலினை மடக்கி, மற்றொரு காலை நீட்டி தலைநிமிர்ந்தும் முகமசைந்தும் ஆடும்.

அணிகலன்கள்

• சிலம்பு, கிண்கிணி – காலில் அணிவது 
• அரைநாண் – இடையில் அணிவது 
• சுட்டி – நெற்றியில் அணிவது 
• குண்டலம், குழை – காதில் அணிவது
• சூழி – தலையில் அணிவது

IV. சிறு வினா

1. வைத்தியநாதபுரி முருகன் குழந்தையாக அணிந்திருக்கும் அணிகலன்களுடன் செங்கீரை ஆடிய நயத்தை விளக்குக.

வைத்தியநாதபுரி முருகன் செங்கீரை ஆடும் அழகு

கிண்கிணி:-

கால்களில் அணிந்திருந்த சிறு செம்பொன் கிண்கிணிகளோடு சிலம்புகளும் சேர்ந்து ஆடின.

அரைஞான் மணி:-

இடையில் அரைஞாண் மணியோடு ஒளி வீசுகின்ற அரை வட்டங்கள் ஆடின.

சிறு வயிறு:-

பசும்பொன் என ஒளிரும் தொந்தியுடன் சிறு வயிறு சரிந்தாடியது.

நெற்றிச் சுட்டி:-

பட்டம் கட்டிய நெற்றியில் பொட்டுடன் வட்ட வடிமான சுட்டி பந்தாடியது.

குண்டலங்கள்:-

கம்பிகளால் உருவான குண்டலங்களும் காதின் குழுகளும் அசைந்தாடின.

உச்சிக் கொண்டை:-

உச்சிக் கொண்டை அதில் சுற்றிக் கட்டுப்பட்டுள்ள ஒளியுள் முத்துகளோடு ஆடியது.

ஆடுக:-

வைத்திய நாதபுரி முருகனே! செங்கீரை ஆடி அருள்புரிவாயாக

பவளம் போன்ற உன் திருமேனி ஆட, செங்கீரை ஆடுக.

I. கோடிட்ட இடங்களை நிரப்புக

1. சந்தத்துடன் உள்ள பாடலில் _____________ அதிகம் இருக்கும்.

விடை : உயிர்ப்பு

2. முத்துக்குமாரசாமி பிள்ளைத் தமிழை இயற்றியவர் _____________ .

விடை : குமரகுருபரர்

3. முத்துக்குமாரசாமி பிள்ளைத் தமிழ் _____________ ஒன்று.

விடை : 96 வகைச் சிற்றிலக்கியங்களுள்

4. குமரகுருபரின் காலம் _____________  நூற்றாண்டு ஆகும்

விடை : 17-ம்

II. சிறு வினா

1. செங்கீரைப் பருவனம் குறிப்பு வரைக

செங்கீரைச் செடி காற்றில் ஆடுவது போன்று குழந்தையின் தலை 5-6ம் மாதங்களில் மென்மையாக அசையும். இப்பருவத்தை செங்கீரைப் பருவம் என்பர்.

இப்பருவத்தில் குழந்தை தன் இருகைகளை ஊன்றி, ஒரு காலினை மடக்கி, மற்றொரு காலினை நீட்டி தலை நிமிர்ந்தும் முகமசைந்தும் ஆடும்.

2. குமரகுருபரர் குறிப்பிடும் அணிகலன்களும், அணியப்படும் இடங்களையும் கூறுக.

அணிகலன்கள் அணியப்படும் இடம்

சிலம்பு காலில் அணிவது

கிணகிணி காலில் அணிவது

அரை நாண் இடையில் அணிவது

சுட்டி நெற்றியில் அணிவது

குணடலம் காதில் அணிவது

குழை காதில் அணிவது

சூழி தலையில் அணிவது

3. முத்துக்குமாரசுவாமி பிள்ளைத் தமிழ் சிறு குறிப்பு வரைக

முத்துக்குமாரசாமி பிள்ளைத்தமிழினை குமரகுருபரர் இயற்றினார்.

96 வகைச் சிற்றிலக்கியங்களுள் ஒன்று.

இதில் இறைவனையாே, தலவரையாே, அரசனையாே பாட்டுடைத் தலைவராகக் காெண்டு, அவரைக் குழந்தையாகக் கருதிப் பாடுவர்.

பாட்டுடைத் தலைவரின் செயற்கரிய செயல்களை எடுத்தியம்புகிறது.

பத்துப் பருவங்கள் அமைத்து, பருவத்திற்குப் பத்துப்பாடல் என நூறு பாடல்களால் இது பாடப்பெறும்.

இது ஆண்பாற் பிள்ளைத்தமிழ், பெண்பாற் பிள்ளைத்தமிழ் என இரு வகையாகப் பாடப்பெறும்.

4. குமரகுருபரர் சிறு குறிப்பு வரைக

குமரகுருபரரின் காலம் 17ஆம் நூற்றாண்டு.

இவர் தமிழ், வடெமாழி, இந்துஸ்தானி ஆகிய மாெழிகளில் புலமை மிக்கவர்

கந்தர் கலிெவண்பா, மீனாட்சி அம்மை பிள்ளைத்தமிழ், மதுரைக் கலம்பகம்,

சகலகலா வல்லிமாலை, நீதிநெறி விளக்கம், திருவாரூர் மும்மணிக்காேவை முதலான நூல்களை இயற்றியுள்ளார்.

5. ஆண்பாற் பிள்ளைத்தமிழின் கடைசி மூன்று பருவங்கள் யாவை?

ஆண்பாற் பிள்ளைத்தமிழ் (கடைசி மூன்று பருவம்) – சிற்றில், சிறுபறை, சிறுதேர்

6. பெண்பாற் பிள்ளைத்தமிழின் கடைசி மூன்று பருவங்கள் யாவை?

பெண்பாற் பிள்ளைத்தமிழ் (கடைசி மூன்று பருவம்) – கழங்கு, அம்மானை, ஊசல்

7. இருபாலருக்கும் பாெதுவான பருவங்கள் யாவை?

இருபாலருக்கும் பாெதுவான பருவங்கள் – காப்பு, செங்கீரை தால், சப்பாணி, முத்தம், வருகை, அம்புலி.

கூடுதல் வினாக்கள்

பலவுள் தெரிக

1.முத்துக்குமாரசாமி பிள்ளைத்தமிழை இயற்றியவர்?

அ) குமரகுருபரர்

ஆ) இராமலிங்க அடிகள்

இ) தாயுமானவர்

ஈ) செயங்கொண்டார்

Answer:

அ) குமரகுருபரர்

2.செங்கீரைப்பருவம் பிள்ளைத்தமிழில் எத்தனையாவது பருவம்?

அ) இரண்டு

ஆ) நான்கு

இ) ஐந்து

ஈ) ஒன்று

Answer:

அ) இரண்டு

3.குமரகுருபரரின் காலம்…………… ஆம் நூற்றாண்டு.

அ) 16

ஆ) 17

இ) 18

ஈ) 19

Answer:

ஆ) 17

4.குமரகுருபரர் அறிந்திராத மொழியைக் கண்டறிக.

அ) தமிழ்

ஆ) வடமொழி

இ) இந்துஸ்தானி

ஈ) மலையாளம்

Answer:

ஈ) மலையாளம்

5.குமரகுருபரர் இயற்றாத நூலைக் கண்டறிக.

அ) கந்தர் கலிவெண்பா

ஆ) நீதிநெறி விளக்கம்

இ) மதுரைக் கலம்பகம்

ஈ) திருக்காவலூர்க் கலம்பகம்

Answer:

ஈ) திருக்காவலூர்க் கலம்பகம்

6.மீனாட்சியம்மை பிள்ளைத்தமிழ், சகலகலாவல்லி மாலை, திருவாரூர் மும்மணிக்கோவை முதலான நூ ல்களை இயற்றியவர்.

அ) குமரகுருபரர்

ஆ) இராமலிங்க அடிகள்

இ) தாயுமானவர்

ஈ) ஞானியாரடிகள்

Answer:

அ) குமரகுருபரர்

7.சிற்றிலக்கியங்களின் வகைகள்……………

அ) 16)

ஆ) 64

இ) 96

ஈ) 108

Answer:

இ) 96

8.பிள்ளைத்தமிழில் இடம் பெறும் பருவங்கள் ……………

அ) 8

ஆ) 10

இ) 12

ஈ) 7

Answer:

ஆ) 10

9.பொருத்திக் காட்டுக :

i) அரை நாண் – 1. தலையில் அணிவது

ii) சுட்டி – 2. காதில் அணிவது

iii) குண்டலம், குழை – 3. நெற்றியில் அணிவது

iv) சூழி – 4. இடையில் அணிவது

அ) 4, 3, 2, 1

ஆ) 3, 4, 1, 2

இ) 4, 2, 1, 3

ஈ) 1, 2, 4, 3

Answer:

அ) 4, 3, 2, 1

10.ஆண்பாற் பிள்ளைத் தமிழுக்குப் பொருந்தாத பருவத்தைக் கண்டறிக.

அ) சிற்றில்

ஆ) சிறுபறை

இ) சிறுதேர்

ஈ) ஊசல்

Answer:

ஈ) ஊசல்

11.பெண்பாற் பிள்ளைத் தமிழுக்குப் பொருந்தாத பருவத்தைக் கண்டறிக.

அ) கழங்கு

ஆ) அம்மானை

இ) ஊசல்

ஈ) சிற்றில்

Answer:

ஈ) சிற்றில்

12.பிள்ளைத்தமிழில் இருபாலருக்கும் பொதுவான பருவங்கள் ……………

அ) 6

ஆ) 7

இ) 8

ஈ) 10

Answer:

ஆ) 7

13.பிள்ளைத் தமிழில் இருபாலருக்கும் இடையே வேறுபடும் பருவங்கள் ……………

அ) 6

ஆ) 3

இ) 7

ஈ) 5

Answer:

ஆ) 3

14.காற்றில் ஆடுவது போன்று மிகவும் மென்மையாகக் குழந்தை ஆடும் பருவம்

அ) காப்பு

ஆ) செங்கீரை

இ) தால்

ஈ) சப்பாணி

Answer:

ஆ) செங்கீரை

15.செங்கீரைப் பருவத்தில் குழந்தையின் தலை அசைந்தாடும் மாதம் எது?

அ) 3 – 4

ஆ) 5 – 6

இ) 7 – 8

ஈ) 9 – 10

Answer:

ஆ) 5 – 6

16.கிண்கிணி என்ற அணிகலன் அணியும் இடம் ……………

அ) காலில்

ஆ) இடையில்

இ) நெற்றியில்

ஈ) காதில்

Answer:

அ) காலில்

17.குண்டலமும், குழைகாதும், ஆடுக. இச்சொற்களுக்கான இலக்கணக் குறிப்பைக் கண்டறிக.

அ) எண்ணும்மை, வினையெச்சம்

ஆ) எண்ணும்மை, வியங்கோள் வினைமுற்று

இ) முற்றும்மை, வினையெச்சம்

ஈ) உம்மைத்தொகை, வியங்கோள் வினைமுற்று

Answer:

ஆ) எண்ணும்மை, வியங்கோள் வினைமுற்று

18.‘பதிந்து’ என்னும் சொல்லைப் பிரிக்கும் முறை ……………

அ) பதி + த்(ந்) + த் + உ

ஆ) பதி + த் + த் + உ

இ) பதி + த் + ந் + உ

ஈ) பதிந்து + உ

Answer:

அ) பதி+த்(ந்)+த்+உ

19.குமரகுருபரர் எவ்விறைவனைச் செங்கீரை ஆடுமாறு வேண்டுகிறார்?

அ) சுவாமி மலை முருகன்

ஆ) வைத்தியநாத முருகன்

இ) திருக்கழுக்குன்ற முருகன்

ஈ) திருச்செந்தூர் முருகன்

Answer:

ஆ) வைத்தியநாத முருகன்

20.“கம்பி விதம்பொதி குண்டல முங்குழை காது மசைந்தாடக் கட்டிய சூழியு முச்சியு முச்சிக் கதிர்முத் தொடுமாட” – என்ற அடிகளில்

இடம்பெற்றுள்ள இலக்கிய நயங்கள் ……………

அ) மோனை, இயைபு

ஆ) மோனை, எதுகை

இ) எதுகை, இயைபு

ஈ) இயைபு, முரண்

Answer:

அ) மோனை, இயைபு

21.‘சிறு பண்டி சரிந்தாடப்’ என்பதில் ‘பண்டி’ என்பதன் பொருள் ……………

அ) வயிறு

ஆ) பெருக்கம்

இ) தலை

ஈ) சுருக்கம்

Answer:

அ) வயிறு

Read More

10th Tamil Guide Unit 6.4 - கம்பராமாயணம்

10th Tamil Guide Unit 6.4

இயல் 6.4. கம்பராமாயணம்

பால காண்டம் – ஆற்றுப் படலம்

தா துகு சோலை தோறுஞ் சண்பகக் காடு தோறும்

போ தவிழ் பொய்கை தோ றும் புதுமணற் றடங்க டோறும்

மா தவி வேலிப் பூக வனம்தொ றும் வயல்க டோறும்

ஓதிய வுடம்பு தோறு முயிரென வுலாய தன்றே. (31)

– கம்பர்

பாடலின் பொருள்

    மகரந்தம் சிந்துகின்ற சோலைகள், மரம் செறிந்த செண்பகக் காடுகள், அரும்புகள் அவிழ்ந்து மலரும் பொய்கைகள், புதுமணல் தடாகங்கள், குருக்கத்தி, கொடி வேலியுடைய கமுகந்தோட்டங்கள், நெல்வயல்கள் இவை அனைத்திலும் பரவிப் பாய்கிறது சரயுஆறு.அது,ஓர் உயிர் பல உடல்களில் ஊடுருவி உலாவுவது போல் பல இடங்களில் பாய்கிறது.

பாலகாண்டம் – நாட்டுப்படலம்

(இயற்கை கொலுவீற்றிருக்கும் காட்சியைப் பெரிய கலைநிகழ்வே நடப்பதான தோற்றமாகக் கம்பன்கவி காட்டுகிறது.)

தண்டலை மயில்க ளாடத் தாமரை விளக்கந் தாங்கக் 

கொண்டல்கண் முழவி னேங்கக் குவளை கண் விழித்து நோக்கத்

தெண்டிரை யெழினி காட்டத் தேம்பிழி மகர யாழின் 

வண்டுக ளினிது பாட மருதம்வீற் றிருக்கு மாதோ.* (35)

பாடலின் பொருள்

    குளிர்ந்த சோலைகளில் மயில்கள் அழகுற ஆட, விரிதாமரை மலர்கள், ஏற்றிய விளக்குகள் போல் தோன்ற, சூழும் மேகங்கள் மத்தள ஒலியாய் எழ, மலரும் குவளை மலர்கள் கண்கள் விழித்துப் பார்ப்பதுபோல் காண, நீர் நிலைகள் எழுப்பும் அலைகள் திரைச்சீலைகளாய் விரிய, மகர யாழின் தேனிசைபோல் வண்டுகள் ரீங்காரம் பாட மருதம் வீற்றிருக்கிறது.

பாலகாண்டம் – நாட்டுப்படலம்

(ஒன்றின் இருப்பால் இன்னொன்று அடையாளப்படுத்தப்படுகிறது என்ற மெய்யியலைக்கொண்டு, ஒரு நாட்டின் பெருமையைப் புலப்படுத்தும் கம்பனின் உத்தி போற்றத்தக்கது.)

வண்மை யில்லையோர் வறுமை யின்மையாற்

நிண்மை யில்லையோர் செறுந ரின்மையால்

உண்மை யில்லைபொய் யுரையி லாமையால்

வெண்மை யில்லைபல் கேள்வி மேவலால் (84)

    கோசல நாட்டில் வறுமை சிறிதும் இல்லாததால், கொடைக்கு அங்கே இடமில்லை; நேருக்குநேர் போர் புரிபவர் இல்லாததால், உடல் வலிமையை எடுத்துக்காட்ட வாய்ப்பில்லை; பொய்மொழி இல்லாமையால், மெய்மை தனித்து விளங்கவில்லை; பல வகைக் கேள்விச் செல்வம் மிகுந்து விளங்குவதால் அங்கு அறியாமை சிறிதும் இல்லை.

அயோத்தியா காண்டம் – கங்கைப்படலம்

(இராமனுடைய மாநிற மேனியை வருணிக்கும் கம்பன், மை, மரகதம் என்றெல்லாம் உவமை சொல்லி, நிறைவாகச் சொல்ல இயலவில்லை என்பதை ‘ஐயோ’ என்ற சொல்லில் வைப்பதன் வாயிலாக அதை இயன்றதாக்குகிறான்.)

வெய்யோனொளி தன்மேனியின் விரிசோதியின் மறையப்

பொய்யோவெனு மிடையாளொடு மிளையானொடும் போனான்

மையோமர கதமோமறி கடலோமழை முகிலோ

ஐயோவிவன் வடிவென்பதொ ரழியாவழ குடையான்.* (1926)

பாடலின் பொருள்

    பகலவன் பட்டொளி இராமனின் நீலமேனி ஒளியில் பட்டு இல்லையெனும்படி மறைந்துவிட, இடையே இல்லையெனும்படியான நுண்ணிய இடையாள் சீதையொடும், இளையவன் இலக்குவனொடும் போனான். அவன் நிறம் மையோ ? பச்சைநிற மரகதமோ? மறிக்கின்ற நீலக் கடலோ? கார்மேகமோ? ஐயோ! ஒப்பற்ற அழியாத அழகினை உடைய வடிவு கொண்டவன் இராமன்.

I. பலவுள் தெரிக.

1.கோசல நாட்டில் கொடை இல்லாத காரணம் என்ன?

நல்ல உள்ளம் உடையவர்கள் இல்லாததால்

ஊரில் விளைச்சல் இல்லாததால்

அரசன் கொடுங்கோல் ஆட்சி புரிவதால்

அங்கு வறுமை இல்லாததால்

விடை : அங்கு வறுமை இல்லாததால்

II. சிறு வினா

1.உறங்குகின்ற கும்பகன்ன ’எழுந்திராய் எழுந்திராய்’

காலதூதர் கையிலே ’உறங்குவாய் உறங்குவாய்’

கும்பகன்னனை என்ன சொல்லி எழுப்புகிறார்கள்? எங்கு அவனை உறங்கச் சொல்கிறார்கள்?

• கும்பகருணனே உம்முடைய பொய்யான வாழ்வு எல்லாம் இன்றிலிருந்து இறங்கத் தொடங்கி விட்டது. அதனைக் காண்பதற்கு எழுந்திடுவாய் என்று சொல்லி எழுப்பினார்கள்.
• வில்லைப் பிடித்த காலனுக்குத் தூதரானவர் கையிலே படுத்து உறங்கச் சொல்கிறார்கள்.

III. சிறு வினா

1,‘கடற்கரையில் உப்புக் காய்ச்சுதல் நடைபெறுகிறது; மலைப் பகுதிகளில் மலைப் பயிர்களும் நிலப் பகுதிகளில் உழவுத் தொழிலும் நடைபெறுகின்றன.’ காலப்போக்கில் பல மாற்றங்கள் நிகழ்ந்த போதிலும், பண்டைத் தமிழரின் திணைநிலைத் தொழில்கள் இன்றளவும் தொடர்வதையும் அவற்றின் இன்றைய வளர்ச்சியையும் எழுதுக.

நிலம் தொழில் /                     உணவுப்பபயிர் இன்றைய வளர்ச்சி

குறிஞ்சி மலை நெல், திணை நெல், தேன், கிழங்கு ஏற்றுமதிப் பொருள்களாக இருக்கின்றன. நாட்டு மருத்துவத் துறையில் தேன் முக்கிய பங்கு வகிக்கிறது.

மருதம் செந்நெல், வெண்ணெல் உலக நாடுகளுக்கு ஏற்றுமதி செய்யப்படுகிறது. பெரும்பாலான மக்களின் உணவுப் பொருளாக இருப்பதால் அதிகமாகப் பயிரிடப்படுகிறது.

நெய்தல் உப்பு, மீன் மீன்களைப் பதப்படுத்தும் தொழிற்சாலைகள் மிகுதியாகி உள்ளன. இத் தொழிற்சாலைகள் மூலம் பலருக்கு வேலைவாய்ப்பு அளிக்கிறது. இங்கு பதப்படுத்தப்பட்ட மீன்கள் பல்வேறு நாடுகளுக்கு ஏற்றுமதி செய்யப்படுகிறது. இதைப் போலவே உப்பளங்களில் உள்ள உப்பு சுத்திகரிக்கப்பபட்டு ஏற்றுமதி செய்யப்படுகிறது.

IV. நெடு வினா

1.சந்தக் கவிதையில் சிறக்கும் கம்பன் என்ற தலைப்பில் இலக்கிய உரை எழுதுக.

அன்பும் பண்பும் குணச்சித்திரமும் கொண்ட தலைவர் அவர்களே! தேர்ந்தெடுத்த பூக்களைப் போன்று வரிசை தொடுத்து அமர்ந்திருக்கும் ஆன்றோர்களே! அறிஞர் பெருமக்களே! வணக்கம். இயற்கை கொலு வீற்றிருக்கும் காட்சியைப் பெரிய கலைநிகழ்வே நடப்பதான தோற்றமாகக் கம்பன் காட்டும் கவி… தண்டலை மயில்கள் ஆட…

இவ்வுரையைத் தொடர்க!

“தண்டலை மயில்களாட தாமரை விளக்கத் தாங்கக்,

கொண்டல்கண் முழவினேங்க குவளைக்கண் விழித்து நோக்க,

தெண்டிரை யெழினி காட்டத், தேம்பிழி மகரயாழின்

வண்டுகளி னிதுபாட மருதம்வீற்றி ருக்கும்மாதோ.”

தண்டல மயில்கள் ஆட என்னும் பாடலில் கம்பரின் கவித்திறம்,

சோலையை நாட்டிய மேடையாகவும்

மயிலை நடன மாதராகவும்

குளங்களில் உண்டான அலைகளைத் திரைச்சீலையாகவும்

தாமரை மலரை விளக்காகவும்

மேகக்கூட்டங்களை மத்தளமாகவும்

வண்டுகளின் ஓசையை யாழின் இசையாகவும்

பார்வையாளர்களைக் குவளைமலர்களாகவும் சித்தரித்து

தன் கவித்திறனைச் சான்றாக்குகிறார்.

இந்தப் பாடலில் கம்பனின் சொல்லாட்சி மாண்புறச் செய்கின்றன. கம்பனின் கவித்திறம், தான் சொல்ல வந்ததை விளக்க கையாண்ட உத்திகள் அனைத்தையும் நாம் நினைத்து பார்த்தால் கம்மன் தமிழுக்கு கிடைத்த வரம் எனலாம்.

படைப்பாளி தான் வாழ்ந்த காலத்தில் மட்டுமல்லாது, தான் வீழ்ந்த பின்னரும் வாழ்கின்றான் என்றால் மிகையாகாது. அந்த வகையில் கம்பன் இன்றும் தன் சந்தக் கவிதையோடு வாழ்ந்து வருகிறான்.

“காலமெனும் ஆழியிலும்

காற்றுமழை ஊழியிலும் சாகாது

கம்பனவன் பாட்டு, அது

தலைமுறைக்கு அவன் எழுதி வைத்த சீட்டு”

எனக் கண்ணதாசன் கம்பனைப் பாடுகிறார். இது அவரது கவித்திறனுக்குச் சான்று.

கம்பன் கவிதை எழுதுவதற்கு முன்னர் அவன் ரசிக்கிறான். ரசித்ததை அனுபவித்து, அதனுள் கரைந்து விடாமல் படிக்கும் வாசகனை உள்ளே இழுத்து வருகிறான். தன் ஒவ்வொரு வார்த்தையிலும் ஓசை நயத்தை உருவாக்குிறான். தம்மை உச்சிக்கு கொண்டு சேர்க்கிறான்.

உதாரணமாக

தாடகை என்ற அரக்கியைக் கம்பர் உருவாக்குகிறார்.

” இறைக்கடை துடித்த புருவங்கள் எயிறு என்னும்

பிறைக்கிடை பிறக்கிட மடித்த பிலவாயன

மறக்கடை அரக்கி” என எவ்வளவு அழகாக தன் கவித்திறனைப் பதிவு செய்கிறார்.

கம்பனின் கவிதை மூலம் பெறும் இன்பங்கள் எத்தனையோ அதில் ஒன்று சந்தம், ஓசை தரும் இன்பம் ஒரு கோடி இன்பம் என்பதற்கு எற்ப,

கம்பர் கங்கை காண் படலத்தில்

“ஆழ நெடுந்திரை ஆறு கடந்து இவர் போவாேரோ

வேழ நெடும் படை……….”

எனத் தொடங்கும் பாடல் உலக்கையால் மாறி மாறி இடிக்கும் ஒத்த ஒசையில் அமைந்த சந்தம் இடிக்கும் காட்சியைக் கம்பர் கண்முன் எழுப்புகிறார்.

“உறங்குகின்ற கும்பகன்ன! வுங்கண் மாய வாழவெ லாம்

இறங்குகின்றது! இன்று காண்! எழுந்திராய்! எழுந்திராய்!

கறங்கு போல வில்பிடித்த கால தூதர் கையிலே,

உறங்குவாய், உறங்குவாய்! இனிக் கிடந்து உறங்குவாய்!”

மேற்சொன்ன கவிதைகளை உற்று நோக்கும்போது சந்தக் கவிதையில் சிறகடித்து பறக்கும் தமிழ் நெடிய உலகில் கம்பனைத் தவிர வேறு யாருமில்லை என்பதை அறிய முடிகிறது.

 கம்பராமாயணம் – கூடுதல் வினாக்கள் 

I. கோடிட்ட இடங்களை நிரப்புக

1. கம்பர் இராமனது வரலாற்றைத் தமிழில் வழங்கி _____________ எனப் பெயரிட்டார்.

விடை : “இராமாவதாரம்”

2. இராமாவதாரம் _____________ என வழங்கப்பெறுகிறது.

விடை : கம்பராமாயணம்

3. கம்பராமாயணப் பாடல்கள் _____________ மிக்கவை.

விடை : சந்தநயம்

4. கம்பர் சாேழ நாட்டுத் _____________ சார்ந்தவர்;

விடை : திருவழுந்தூரைச்

5. கம்பர் _____________ ஆதரிக்கப் பெற்றவர்;

விடை : திருெவண்ணெய்நல்லூர் சடையப்ப வள்ளலால்

II. சிறு வினா

1. கம்பனின் பெருமையை சுட்டும் தொடர்கள் யாவை?

கல்வியில் பெரியவர் கம்பர்

கம்பன் வீட்டுக் கட்டுத்தறியும் கவிபாடும்

விருத்தம் என்னும் ஒண்பாவிற்கு உயர் கம்பன்

2. கம்பர் இயற்றிய நூல்கள் யாவை?

சரசுவதி அந்தாதி

சடகோபர் அந்தாதி

திருக்கை வழக்கம்

ஏரெழுபது

சிலை எழுபது

3. கம்பராமாயணம் குறிப்பு வரைக

இராமனது வரலாற்றைக் கூறும் நூல்.

கம்பர் தான் எழுதிய நூலுக்கு இராமவதாரம் எனப் பெயரிட்டார்

ஆறு காண்டங்களை உடையது

சந்த நயம் மிக்கது

4. கம்பர் சிறு குறிப்பு வரைக

“கல்வியில் பெரியவர் கம்பர்”, “கம்பன் வீடுக்கட்டுத்தறியும் கவிபாடும் போன்ற முதுமொழிக்கு உரியவர்

சோழ நாட்டுத் திருவழுந்தூரைச் சார்ந்தவர்.

திருவெண்ணெய்நல்லூர் சடையப்ப வள்ளலால் ஆதரிக்கப் பெற்றவர்.

விருத்தம் என்னும் ஒண்பாவிற்கு உயர் கம்பன் என்று புகழ் பெற்றவர்

சரசுவதி அந்தாதி, சடகோபர் அந்தாதி, திருக்கை வழக்கம், ஏரெழுபது, சிலை எழுபது முதலியன கம்பர் இயற்றிய நூல்கள் ஆகும்

பலவுள் தெரிக

1.பாலகாண்டம் ஆற்றுப்படலத்தில் குறிப்பிடப்பட்டுள்ள ஆறு எது?

அ) சரயு ஆறு

ஆ) கங்கை ஆறு

இ) நர்மதை ஆறு

ஈ) யமுனை ஆறு

Answer:

அ) சரயு ஆறு

2.கீழ்க்காண்பனவற்றுள் கொடி வகையைச் சேர்ந்தது எது?

அ) செண்பகம்

ஆ) கமுகு

இ) குருக்கத்தி

ஈ) கொன்றை

Answer:

இ) குருக்கத்தி

3.கம்பர் இராமாயணத்திற்கு இட்ட பெயர் எது?

அ) இராமகாதை

ஆ) இராமாயணம்

இ) கம்பராமாயணம்

ஈ) இராமாவதாரம்

Answer:

ஈ) இராமாவதாரம்

4.பொருந்தாத இணையைத் தேர்ந்தெடு.

அ) பாலகாண்டம் – ஆற்றுப்படலம், நாட்டுப்படலம்

ஆ) அயோத்தியா காண்டம் – கங்கைப் படலம், கங்கை காண் படலம்

இ) யுத்தகாண்டம் – கும்பகருணன் வதைப் படலம்

ஈ) சுந்தர காண்டம் – குகப் படலம்

Answer:

ஈ) சுந்தர காண்டம் – குகப் படலம்

5.‘கம்பன் இசைத்த கவியெல்லாம் நான்’ என்று பெருமைப்படுபவர் …………….

அ) பாரதியார்

ஆ) பாரதிதாசன்

இ) கண்ண தாசன்

ஈ) கம்பதாசன்

Answer:

அ) பாரதியார்

6.கம்பர் பிறந்த ஊர் …………….

அ) திருவழுந்தூர்

ஆ) திருக்கடையூர்

இ) திருவாரூர்

ஈ) திருவெண்காடு

Answer:

அ) திருவழுந்தூர்

7.கம்பராமாயணத்திலுள்ள காண்டங்கள்…………….

அ) ஆறு

ஆ) ஏழு

இ) எட்டு

ஈ) ஒன்பது

Answer:

அ) ஆறு

8.கம்பர் பிறந்த நாடு …………….

அ) பாண்டிய நாடு

ஆ) சோழ நாடு

இ) சேரநாடு

ஈ) பல்லவ நாடு

Answer:

ஆ) சோழ நாடு

9.சடையப்ப வள்ளலின் ஊர் …………….

அ) தென்காசி

ஆ) திருவெண்ணெய் நல்லூர்

இ) திருநெல்வேலி

ஈ) திருவழுந்தூர்

Answer:

ஆ) திருவெண்ணெய் நல்லூர்

10.‘விருத்தம் என்னும் ஒண்பாவிற்கு உயர் கம்பன்’ என்று புகழப்பட்டவர் …………….

அ) புகழேந்தி

ஆ) செயங்கொண்டார்

இ) கம்பர்

ஈ) ஒட்டக்கூத்தர்

Answer:

இ) கம்பர்

11.கம்பர் இயற்றாத நூலைக் கண்டறிக.

அ) சரசுவதி அந்தாதி

ஆ) பதிற்றுப் பந்தாதி

இ) திருக்கை வழக்கம்

ஈ) ஏரெழுபது

Answer:

ஆ) பதிற்றுப் பந்தாதி

12.சடையப்ப வள்ளலால் ஆதரிக்கப் பெற்ற புலவர் …………….

அ) கம்பர்

ஆ) புகழேந்தி

இ) ஒட்டக்கூத்தர்

ஈ) ஔவையார்

Answer:

அ) கம்பர்

13.உறங்குகின்ற கும்பகன்ன! என்னும் பாடல் இடம் பெற்றுள்ள காண்டம் …………….படலம்…………….

அ) யுத்த காண்டம், கும்பகருணன் வதைப் படலம்

ஆ) பாலகாண்டம், நாட்டுப்படலம்

இ) பாலகாண்டம், ஆற்றுப்படலம்

ஈ) அயோத்தியா காண்டம், கங்கைப் படலம்

Answer:

அ) யுத்த காண்டம், கும்பகருணன் வதைப் படலம்

14.‘தாதுகு சோலைதோறுஞ்’ – என்று ஆற்றின் அழகை வர்ணிக்கும் கம்பராமாயணத்தின் காண்டம் எது? படலம் எது?

அ) பாலகாண்டம், நாட்டுப்படலம்

ஆ) பாலகாண்டம், ஆற்றுப்படலம்

இ) அயோத்தியா காண்டம், கங்கைப் படலம்

ஈ) யுத்த காண்டம் கும்பகருணன் வதைப்படலம்

Answer:

ஆ) பாலகாண்டம், ஆற்றுப்படலம்

15.ஓர் உயிர் பல உடல்களில் ஊடுருவி உலாவுவது போல பாயும் நதியாகப் பாலகாண்டத்தில் குறிப்பிடப்படுவது …………….

அ) சரயு

ஆ) யமுனை

இ) பிரம்மபுத்திரா

ஈ) கங்கை

Answer:

அ) சரயு

16.“தண்டலை மயில்களாட” – என்று இயற்கை கொலுவீற்றிருக்கும் காட்சியைப் பெரிய கலை நிகழ்வே நடப்பதால் தோற்றமாகக் கம்பன் எடுத்தியம்பும் காண்டம்…………….

அ) பாலகாண்டம், நாட்டுப்படலம்

ஆ) பாலகாண்டம், ஆற்றுப்படலம்

இ) அயோத்தியா காண்டம், கங்கைப்படலம்

ஈ) யுத்த காண்டம் கும்பகருணன் வதைப்படலம்

Answer:

அ) பாலகாண்டம், நாட்டுப்படலம்

17.‘வண்மையில்லை’ என்ற கம்பனின் பாடலால் அறியப்படுவது…………….

அ) ஒன்றின் இருப்பால் இன்னொன்று அடையாளப்படுகிறது என்பதை

ஆ) பலவற்றின் இருப்பால் சிலவற்றைக் காண இயலாமல் போவதை

இ) அல்வழி நல்வழி அறிதல்

ஈ) இயற்கைக் காட்சிகளை மனிதர்களோடு ஒப்பிடல்

Answer:

அ) ஒன்றின் இருப்பால் இன்னொன்று அடையாளப்படுகிறது என்பதை

18.‘ஆழ நெடுந்திரை ஆறு கடந்து இவர் போவா ரோ?

வேழ நெடும் படை கண்டு விலங்கிடும் வில் ஆளோ?’ இப்பாடலில் அமைந்த நயங்கள் யாவை?

அ) எதுகை

ஆ) மோனை

இ) முரண்

ஈ) அந்தாதி

Answer:

அ) எதுகை

19.பொருத்திக் காட்டுக.

i) தாதுகு சோலை – 1. ஆற்றுப்படலம்

ii) தண்டலை மயில்களாட – 2. நாட்டுப்படலம்

iii) வெய்யோன் ஒளி – 3. கங்கைப்படலம்

iv) ஆழ நெடுந்திரை – 4. கங்கை காண் படலம்

அ) 1, 2, 3, 4

இ) 2, 3, 4, 1

ஆ) 4, 3, 2, 1

ஈ) 1, 4, 3, 2

Answer:

அ) 1, 2, 3, 4

Read More

10th Tamil Guide Unit 6.5 - பாய்ச்சல்

10th Tamil Guide Unit 6.5

இயல்  6.5 பாய்ச்சல்

1.உங்கள் தெருக்களில் கண்டு மகிழ்ந்த பகல் வேடக் கலைஞர்களைப் போல வேடமிட்டு ஆடல் நிகழ்த்திக் காட்டுக.

Answer:

(மாணவர் செயல்பாடு)

2.மேடைக் கலைஞர்களும் பகல் வேடக் கலைஞர்களும் எதிர் கொள்ளும் இடர்பாடுகள் குறித்து வகுப்பறையில் விவாதிக்க.

Answer:

ஆசிரியர் :

மாணவர்களே! மேடைக் கலைஞர்களும் பகல் வேடக் கலைஞர்களும் எதிர் கொள்ளும் இடர்பாடுகள் குறித்து உங்களது கருத்து என்ன?

மாணவர் குழு – 1:

ஒப்பனைக்குப் பயன்படுத்திக் கொள்ளும் அலங்காரப் பொருட்கள் ஒவ்வாமையை ஏற்படுத்தும் சலங்கைகள் காலில் குத்துவதற்கு வாய்ப்புள்ளது. வித்தைகளைக் காட்டும் போது சில விபத்துகள் நேர வாய்ப்புள்ளது.

மாணவர் குழு – 2 :

எத்தொழில் செய்யினும் வருமான நோக்குடன் செய்யப்படுகிறது. நிகழ்கலை கலைஞர்கள் வருமானம் ஈட்டுவதையே முதன்மையாகக் கொண்டவர்கள். உழைப்பதனால் வரும் வருமானம் மகிழச்சியைக் கொடுக்கும் போது, ஏற்படும் பிரச்சனைகளைச் சமாளித்துக் கொள்ள வேண்டியதுதான்.

ஆசிரியர் :

எத்தொழில் ஆயினும் வெவ்வேறு விதமான பிரச்சனைகளை எதிர்கொள்ள வேண்டும். இவ்வுலகில் நாம் வாழும் வாழ்க்கை நாடகத்தில் நடிகர்களாக இருக்கும் கலைஞர்கள் சந்திக்கும் இடர்பாடுகள் வேறு மாதிரியானவை.

கோமாளிகளாக நடிக்கும் கலைஞர்கள் பிறரின் கேலிக் கூத்துக்கு ஆளாகின்றனர். தங்களுக்குரிய சோகங்கள் எதுவாக இருந்தாலும் அதனை வெளிப்படுத்தாது மக்களை மகிழ்விக்க நினைக்கும் கலைஞர்கள் உயர்ந்தவரே.

கூடுதல் வினாக்கள்

பலவுள் தெரிக

1.பாய்ச்சல் என்னும் சிறுகதை எந்தத் தொகுப்பில் இடம் பெற்றுள்ளது?

அ) சா. கந்தசாமியின் கதைகள்

ஆ) தக்கையின் மீது நான்கு கண்கள்

இ) சுடுமண் சிலைகள்

ஈ) தொலைந்து போனவர்கள்

Answer:

ஆ) தக்கையின் மீது நான்கு கண்கள்

2.பாய்ச்சல் என்னும் சிறுகதையின் ஆசிரியர் ………….

அ) ஜெயகாந்தன்

ஆ) சா. கந்தசாமி

இ) ஜெயமோகன்

ஈ) அகிலன்

Answer:

ஆ) சா. கந்தசாமி

3.சா. கந்தசாமியின் மாவட்டம் …………………….. ஊர்……………………

அ) நாகப்பட்டினம், மயிலாடுதுறை

ஆ) தஞ்சாவூர், படைத்தலைவன்குடி

இ) திருச்சி, உறையூர்

ஈ) திருவாரூர், வலங்கைமான்

Answer:

அ) நாகப்பட்டினம், மயிலாடுதுறை

4.சா. கந்தசாமி எந்தக் குறும்படத்திற்கு அனைத்துலக விருதைப் பெற்றுள்ளார்?

அ) தொலைந்து போனவர்கள்

ஆ) சூர்ய வம்சம்

இ) சாந்தகுமாரி

ஈ) சுடுமண் சிலைகள்

Answer:

ஈ) சுடுமண் சிலைகள்

5.சா. கந்தசாமிக்கு எழுத்துலகில் புகழைப் பெற்றுத் தந்த புதினம் ……………….

அ) சாயாவனம்

ஆ) சூர்ய வம்சம்

இ) சாந்தகுமாரி

ஈ) தொலைந்து போனவர்கள்

Answer:

அ) சாயாவனம்

6.பொருத்திக் காட்டுக. (சா. கந்தசாமியின் படைப்புகள்)

i) தக்கையின் மீது நான்கு கண்கள் – 1. சாகித்திய அகாதெமி விருது

ii) விசாரணைக் கமிஷன் – 2. புதினம்

iii) சுடுமண் சிலைகள் – 3. அனைத்துலக விருது

iv) சூர்ய வம்சம் – 4. சிறுகதைத் தொகுப்பு

அ) 4, 1, 3, 2

ஆ) 4, 3, 2, 1

இ) 3, 4, 2, 1

ஈ) 2, 1, 3, 4

Answer:

அ) 4, 1, 3, 2

7.பாய்ச்சல் கதையில் இடம் பெறுபவர் …………………

அ) அனுமார்

ஆ) இராமன்

இ) வாலி

ஈ) இராவணன்

Answer:

அ) அனுமார்

8.சா. கந்தசாமியின் சாகித்ய விருது பெற்ற நூல்………………

அ) சூர்யவம்சம்

ஆ) சாந்தகுமாரி

இ) சாயாவனம்

ஈ) விசாரணைக் கமிஷன்

Answer:

ஈ) விசாரணைக் கமிஷன்

நெடுவினா

1.சா. கந்தசாமியின் ‘பாய்ச்சல்’ கதையில் வரும் ‘அனுமார்’ என்ற கலைஞனின் கலைத்திறனை விளக்குக. (அல்லது) அனுமார் ஆட்டம் குறித்து பாய்ச்சல் கதையின் வாயிலாக சா. கந்தசாமி கூறுவன யாவை?

Answer:

முன்னுரை:

புதின எழுத்துகளால் தனது புகழைத் தமிழ் உலகில் முத்திரைப் பதித்து சாகித்திய அகாதெமி விருதுபெற்ற சா. கந்தசாமியின் ‘பாய்ச்சல்’ கதையில் வரும் அனுமார் கலைஞனின் கலைத்திறனைப் பற்றி இக்கட்டுரையில் காண்போம்.

தெருமுனை:

தெருமுனையில் தினந்தோறும் எத்தனையோ கலைகள் நடைபெற்றுக் கொண்டிருக்கின்றன. நடுத்தர மக்களை நம்பி தங்கள் வாழ்வாதாரத்தைப் பெருக்கிக் கொள்ள அனுமார் வேடமிட்டு ஒருவன் அனைவரையும் மகிழ்விக்கிறான்.

திறமைகள்:

குரங்குபோல ஓடிவந்தான். இரண்டு கால்களையும் மாறிமாறி தலையில் அடித்து வேகமாகக் கைகளை வீசி நடந்தான். கொஞ்சம் தூரம் சென்று கடையில் இருந்த வாழைத்தாரிலிருந்து பழங்களைப் பறித்து அருகில் இருந்தவர்களுக்கெல்லாம் கொடுத்து தானும் ஒரு பழம் சாப்பிட்டான்.

பக்க வாத்தியம்:

சதங்கை மேளம், தாளம், நாதசுரம் ஒலிக்க அதற்கு ஏற்றாற்போல் குறுக்கும் நெடுக்குமாகப் பாய்ந்தோடினான். நீண்ட வாலை மேலே சுழற்றி தரையில் அடித்து புழுதியைக் கிளப்பினான்.

அனுமார் ஆட்டம்:

இசைக்கேற்ப ஆடியவன் தன்னையே மறந்து கைகளை மார்போடு அணைத்துக் கொண்டான். தான் உண்மை அனுமாராக மாறியதை எண்ணி ‘கீச் கீச்’ என்று கத்திக்கொண்டே பந்தக்காலைப் பற்றிக்கொண்டு மேலே ஏறினான்.

திடீரென மேளமும் நாதசுரமும் ஒலிக்கத் தொடங்கியபோது கூட்டம் திகைத்தது. கண்மூடி கண் திறப்பதற்குள் அனுமார் கீழே குதித்தார். வாலில் பெரிய தீப்பந்தம் கண்டு கூட்டம் பின்வாங்கியது.

அனுமார் கால்களைத் தரையில் அடித்து உடம்பைக் குலுக்கினார். நெருப்பு அலைபாய்ந்தது. கைகளைத் தட்டிக் குட்டிக்கரணம் போட்டான். கூட்டம் பாய்ந்தோடியது. அனுமார் தன் கம்பீரமான தோற்றத்தோடு நின்று சிரித்தார். கூட்டமும் அமைதியானது.

அனுமார் அருகில் அழகு வரல்:

அனுமாரால் வாலை வெகு நேரமாகச் சுமக்க முடியாததால் அழகு கையில் கொடுத்துவிட்டு நடக்க ஆரம்பித்தான். வாலைத் தூக்கிக் கொண்டு அழகுவாலும் ஓட முடியவில்லை. வெட்கத்தோடு வாலைப் போட்டுவிட்டு வெளியேறினான்.

காரில் வந்தவர் ஹாரன் அடிக்க ஒருவன் காரை மறித்தான். அனுமார் எரிச்சலுற்று அவனை வாலால் பின்னுக்கு இழுத்தான். கார் முன்னே வந்து அனுமாருக்குப் பணம் கொடுக்க அனுமார் வாங்காமல் மேளக்காரனைப் பார்க்க மேளக்காரன் வாங்கி மடியில் வைத்துக் கொண்டான்.

ஆற்றங்கரை ஓரம்:

ஆட்டமில்லாமல் அனுமார் நடக்க ஆரம்பித்தபோது கூட்டம் குறைய ஆரம்பித்தது. மேளக்காரன் தவுலைக் கீழே இறக்கி வைத்தான். ஆட்டம் முடிந்தது என்று தீர்மானம் செய்து கூட்டம் முற்றிலும் கலைந்தது. அனுமார் வாயால் மூச்சுவிட்டு ஆலமரத்தில் சாய்ந்துகொண்டார்.

மேளக்காரன் பணத்தைப் பங்கு போட்டுப் பிரித்துக் கொடுத்தான். அனுமார் அதை வாங்கிக் கொண்டு ஆற்றங்கரையோரமுள்ள கோயில் தூணில் சாய்ந்துகொண்டு அனுமார் உட்கார்ந்தார்.

முடிவுரை:

இக்கதையில் கூட்டத்தினரை மகிழ்விக்க வந்த அனுமாரின் ஆட்டத்தைக் கண்டு மயங்கி அனுமாரைப் போலத் தானும் ஆடினான் அழகு. அனுமாரோடு ஒன்றிப் போனான். கலைக் கலைக்காகவே என்பதுபோல ஒரு கலைஞன் இன்னொரு கலைஞனை உருவாக்க முடியும் என்பதை ‘பாய்ச்சல்’ கதையில் வரும் அனுமார் மூலம் அறியமுடிகிறது.

Read More

10th Tamil Guide Unit 6.6 - அகப்பொருள் இலக்கணம்

10th Tamil Guide Unit 6.6

இயல் 6.6. அகப்பொருள் இலக்கணம்

I. பலவுள் தெரிக.

1. குளிர் காலத்தைப் பொழுதாகக் கொண்ட நிலங்கள் …………..

முல்லை, குறிஞ்சி, மருத நிலங்கள்

குறிஞ்சி, பாலை, நெய்தல் நிலங்கள்

குறிஞ்சி, மருதம், நெய்தல் நிலங்கள்

மருதம், நெய்தல், பாலை நிலங்கள்

விடை : குறிஞ்சி, மருதம், நெய்தல் நிலங்கள்

II. குறு வினா

1. காட்டில் விளைந்த வரகில் சமைத்த உணவு மழைக்கால மாலையில் சூடாக உண்ணச் சுவை மிகுந்திருக்கும். இத்தொடரில் அமைந்துள்ள முதற்பொருள், கருப்பொருள்களை வகைப்படுத்தி எழுதுக.

முதற்பொருள்

நிலம்        -     

காடு              -           முல்லை

பொழுது

பெரும்பொழுது - கார்காலம்             

சிறுபொழுது – மாலை

கருப்பொருள்

உணவு வரகு, சாமை

2. கீழ்வரும் தொடர்களில் பொருந்தாத கருப்பொருளைத் திருத்தி எழுதுக.

உழவர்கள் மலையில் உழுதனர்.

முல்லைப் பூச் செடியைப் பார்த்தவாறே பரதவர் கடலுக்குச் சென்றனர்.

• உழவர்கள் வயலில் உழுதனர்.
• நெய்தல் பூச்செடியை பார்த்தவாறே பரதவர்கள் கடலுக்குச் சென்றனர் (அல்லது) தாழைப்பூச்செடியைப் பார்த்தவாரே பரதவர்கள் கடலுக்குச் சென்றனர்.
• முல்லை பூச்செடியைப் பார்த்தவாறே இடையகர்கள் காட்டுக்குச் சென்றனர்

 அகப்பொருள் இலக்கணம் – கூடுதல் வினாக்கள் 

1. பொருள் இலக்கணம் பற்றி எழுதுக

பொருள் என்பது ஒழுக்கமுறை. நம் தமிழர் பல்லாயிரம் ஆண்டுகளுக்கு முன்பே

வாழ்வியலை அகம், புறம் என வகுத்தார்கள். இதனைப் பொருள் இலக்கணம் விளக்குகிறது

2. அகத்திணை என்றால் என்ன?

அன்புடைய தலைவன் தலைவி இடையிலான உறவுநிலைகளைக் கூறுவது அகத்திணை.

3. அன்பின் திணைகள் யாவை?

குறிஞ்சி, முல்லை, மருதம், நெய்தல், பாலை என்பனவே அன்பின் ஐந்திணைகளாகும்.

4. ஐந்திணைகளுக்கு உரியன யாவை?

முதற்பொருள், கருப்பொருள், உரிப்பொருள் ஆகியன ஐந்திணைகளுக்கு உரியன.

5. முதற்பொருள் எனப்படுவது யாது?

நிலமும் பொழுதும் முதற்பொருள் எனப்படும்.

6. ஐவகை நிலங்கள் யாவை? அதன் அமைவிடங்கள் யாவை?

குறிஞ்சி – மலையும் மலைசார்ந்த இடமும்

முல்லை – காடும் காடு சார்ந்த இடமும்

மருதம் – வயலும் வயல் சார்ந்த இடமும்

நெய்தல் – கடலும் கடல்சார்ந்த இடமும்

பாலை – சுரமும் சுரம் சார்ந்த இடமும்.

7. பொழுது எத்தனை வகைப்படும்?

பொழுது, பெரும்பொழுது, சிறுபொழுது என இருவகைப்படும்.

8. பெரும்பொழுதின் கூறுகள் யாவை?

ஓராண்டின் ஆறு கூறுகள்

கார்காலம் – ஆவணி, புரட்டாசி

குளிர்காலம் – ஐப்பசி, கார்த்திகை

முன்பனிக் காலம் – மார்கழி, தை

பின்பனிக் காலம் – மாசி, பங்குனி

இளவேனிற் காலம் – சித்திரை, வைகாசி

முதுவேனிற் காலம் – ஆனி, ஆடி

9. சிறுபொழுது யாவை?

(ஒரு நாளின் ஆறு கூறுகள்)

காலை – காலை 6 மணி முதல் 10 மணி வரை

நண்பகல் – காலை 10 மணி முதல் 2 மணி வரை

எற்பாடு – பிற்பகல் 2 மணி முதல் 6 மணி வரை

மாலை – மாலை 6 மணி முதல் இரவு 10 மணி வரை

யாமம் – இரவு 10 மணி முதல் இரவு 2 மணி வரை

வைகறை – இரவு 2 மணி முதல் காலை 6 மணி வரை

10. ஐந்திணையும் பொழுதுகளைம் கூறுக

திணை பெரும்பொழுது சிறுபொழுது

குறிஞ்சி குளிர்காலம், முன்பனிக்காலம் யாமம்

முல்லை கார்காலம் மாலை

மருதம் ஆறு பெரும்பொழுதுகள் வைகறை

நெய்தல் ஆறு பெரும்பொழுதுகள் எற்பாடு

பாலை இளவேனில், முதுவேனில், பின்பனி  நண்பகல்

11. ஐந்திணைகளின் தெய்வங்கள் பற்றி எழுதுக

குறிஞ்சி – முருகன்

முல்லை – திருமால்

மருதம் – இந்திரன்

நெய்தல் – வருணன்

பாலை – கொற்றவை

12. ஐந்திணைகளின் மக்கள் பற்றி எழுதுக

குறிஞ்சி – வெற்பன், குறவர், குறத்தியர்

முல்லை – தோன்றல், ஆயர். ஆய்ச்சியர்

மருதம் – ஊரன், உழவர், உழத்தியர்

நெய்தல் – சேர்ப்பன், பரதன், பரத்தியர்

பாலை – எயினர், எயிற்றியர்

13. ஐந்திணைகளின் உணவு பற்றி எழுதுக

குறிஞ்சி – மலைநெல், தினை

முல்லை – வரகு, சாமை

மருதம் – செந்நெல், வெண்ணெல்

நெய்தல் – மீன், உப்புக்குப் பெற்ற பொருள்

பாலை – சூறையாடலால் வரும் பொருள்

14. ஐந்திணைகளின் விலங்கு பற்றி எழுதுக

குறிஞ்சி –  புலி, கரடி, சிங்கம்

முல்லை – முயல், மான், புலி

மருதம் – எருமை, நீர்நாய்

நெய்தல் – முதலை, சுறா

பாலை – வலியிழந்த யானை

15. ஐந்திணைகளின் பூக்களினை பற்றி எழுதுக

குறிஞ்சி – குறிஞ்சி, காந்தள்

முல்லை – முல்லை, தோன்றி

மருதம் – செங்கழுநீர், தாமரை

நெய்தல் – தாழை, நெய்தல்

பாலை – குரவம், பாதிரி

16. ஐந்திணைகளின் மரங்களினை பற்றி எழுதுக

குறிஞ்சி – அகில், வேங்கை

முல்லை – கொன்றை, காயா

மருதம் – காஞ்சி, மருதம்

நெய்தல் –  புன்னை, ஞாழல்

பாலை –  இலுப்பை, பாலை

17. ஐந்திணைகளின் பறவைகள் பற்றி எழுதுக

குறிஞ்சி – கிளி, மயில்

முல்லை – காட்டுக்கோழி, மயில்

மருதம் – நாரை, நீர்க்கோழி, அன்னம்

நெய்தல் – கடற்காகம்

பாலை – புறா, பருந்து

18. ஐந்திணைகளின் ஊர் பற்றி எழுதுக

குறிஞ்சி – சிறுகுடி

முல்லை – பாடி, சேரி

மருதம் – பேரூர், மூதூர்

நெய்தல் – பட்டினம், பாக்கம்

பாலை – குறும்பு

19. ஐந்திணைகளின் நீர் பற்றி எழுதுக

குறிஞ்சி – அருவி நீர், சுனைநீர்

முல்லை – காட்டாறு

மருதம் – மனைக்கிணறு, பொய்கை

நெய்தல் – மணற்கிணறு, உவர்க்கழி

பாலை – வற்றிய சுனை, கிணறு

மொழியை ஆள்வோம்!

I. மொழிபெயர்க்க.

Koothu

Therukoothu is, as its name indicates, a popular form of theatre performed in the streets. It is performed by rural artists. The stories are derived from epics like Ramayana, Mahabharatha and other ancient puranas. There are more songs in the play with dialogues improvised by the artists on the spot. Fifteen to twenty actors with a small orchestra forms a koothu troupe. Though the orchestra has a singer, the artists sing in their own voices. Artists dress themselves with heavy costumes and bright makeup. Koothu is very popular among rural areas

தமிழாக்கம்

கூத்து

தெருக்கூத்து அதன் பெயருக்கு ஏற்றாற்போல் தெருவில் நடக்குமு் ஒரு மிகச்சிறந்த கலை. இதில் கிராப்புற கலைஞர்கள் பங்கேற்கிறார்கள். இதன் கதைகள் பழங்காவியமான இராமாயணம், மகாபாரதம் மற்றும் பழைய புராணங்களில் இருந்து எடுக்கப்படுகிறது. இதில் பழைய பாடல்களை உரையாடலுடன் கலைஞர்கள் உருவாக்குகிறார்கள். பதினைந்து முதல் இருபது கலைஞர்கள் சிறிய இசைக்குழுவாக சேர்ந்தது தான் தெருக்கூத்துக் கூட்டம். இசைக்குழுவில் பல பாடல்கள் இருந்தபோதும் கலைஞர்கள் தங்கள் குரலிலேயே பாடுவார்கள். கலைஞர்கள் மிகச் சிறந்த உடையலங்காரமும் ஒப்பனையும் செய்திருப்பபர். கிராமங்களில் கூத்து மிகவும் பிரபலமானது.

II. தொடர்களை அடைப்புக்குறிக்குள் குறிப்பிட்டுள்ளவாறு மாற்றுக.

1. அழைப்புமணி ஒலித்தது. கயல்விழி கதவைத் திறந்தார் (தனிச் சொற்றொடர்களைக் கலவைச் சொற்றொடராக மாற்றுக)

விடை : அழைப்புமணி ஒலித்ததால், கயல்விழி கதவைத் திறந்தார்

2. இன்னாசியார் புத்தகங்களை வரிசைப்படுத்தினார். அவற்றைப் புத்தக அடுக்கங்களில் அடுக்கிவைத்தார். புத்தகங்களைக் கேட்டவர்களுக்கு எடுத்துக்கொடுத்தார். (தொடர் சொற்றொடராக மாற்றுக.)

விடை : இன்னாசியார் புத்தகங்களை வரிசைப்படுத்தி அவற்றைப் புத்தக அடுக்கங்களில் அடுக்கி புத்தகங்களைக் கேட்டவர்களுக்கு எடுத்துக்கொடுத்தார்.

3. ஒயிலாட்டத்தில் குழுவினர் ஒரே நிறத் துணியை முண்டாசுபோலக் கட்டிக்கொண்டு, காலில் சலங்கை அணிந்துகொண்டு, கையில் ஒரு சிறுதுணியை இசைக்கேற்ப வீசியும் ஆடுவர். (தனிச் சொற்றொடர்களாக மாற்றுக.)

விடை : ஒயிலாட்டத்தில் குழுவினர் ஒரே நிறத் துணியை முண்டாசுபோலக் கட்டிக் கொள்வர். காலில் சலங்கை அணிவர். கையில் ஒரு சிறுதுணியை இசைக்கேற்ப வீசியும் ஆடுவர்.

4. கூத்துக் கலைஞர் பாடத் தொடங்கினார். கூடியிருந்த மக்கள் அமைதியாயினர். (கலவைச் சொற்றொடராக மாற்றுக.)

விடை : கூத்துக் கலைஞர் பாடத் தொடங்கியதால் கூடியிருந்த மக்கள் அமைதியாயினர்.

5. ஓடிக்கொண்டிருந்த மின்விசிறி சட்டென நின்றவுடன், அறையில் உள்ளவர்கள் பேச்சு தடைபட்டது.(தனிச் சொற்றொடர்களாக மாற்றுக.)

விடை : ஓடிக்கொண்டிருந்த மின்விசிறி சட்டென நின்றது. அறையில் உள்ளவர்கள் பேச்சு தடைபட்டது.

III. பிறமொழிச் சொற்களைத் தமிழ்ச்சொற்களாக மாற்றி எழுதுக

புதிர்

உங்களிடம் ஏழு கோல்டு பிஸ்கட் உள்ளது. அதில் ஒன்று மட்டும் எடை குறைவானது. உங்களிடம் உள்ள ஒரு தராசை இரு முறைகள் மட்டுமே யூஸ் பண்ணி வெயிட் குறைந்த கோல்டு பிஸ்கட்டைக் கண்டுபிடிக்கவும்.

விடை

தராசின் இரண்டு தட்டுகளிலும் மூன்று மூன்று கோல்டு பிஸ்கட்டுகளை வையுங்கள். இரண்டு தட்டுகளும் ஈக்வலாக இருந்தால், கையில் மிச்சம் உள்ள பிஸ்கட்டே வெயிட் குறைவானது. பட் ஆனால், ஒரு பக்க தராசுத் தட்டு உயர்ந்தால் அதில் உள்ள மூன்று பிஸ்கட்களில் ஒன்று வெயிட் குறைவானது. அந்த மூன்று பிஸ்கட்டுகளை மட்டும் எடுத்துவைத்துக்கொள்ளுங்கள். இரண்டு

தட்டுகளிலும் ஒரு ஒரு பிஸ்கட்டைப் போட்டு இதே எக்ஸ்பெரிமெண்ட்டை ரிப்பீட் செய்து ஆன்சரைக் கண்டுபிடியுங்கள்! ஆல் தி பெஸ்ட்!

பிற மொழிச் சொல் தமிழ்ச்சொல்

1. காேல்டு – பிஸ்கெட் தங்கக்கட்டி
2. பிஸ்கட்-    கட்டி
3. எக்ஸ்பெரிமெண்ட் – சோதனை
4. ஆன்சரை –      விடையை, முடிவை
5. ஆல் தி பெஸ்ட்   –    எல்லாம் நல்லபடி முடியட்டும்.
6. ஈக்குவலாக   –      சமமாக
7. வெயிட் –   எடை
8. ரிப்பிட் – மறுமுறை, மறுபடி

மொழியோடு  விளையாடு

I. தொடரில் விடுபட்ட வண்ணங்களை உங்களின் எண்ணங்களால் நிரப்புக.

1. வானம் ____________ தொடங்கியது. மழைவரும்போலிருக்கிறது.

விடை : கருக்கத்

2. அனைவரின் பாராட்டுகளால், வெட்கத்தில் பாடகரின் முகம் ____________

விடை : சிவந்தது

3. ____________ மனம் உள்ளவரை அப்பாவி என்கிறோம்.

விடை : வெள்ளை

4. கண்ணுக்குக் குளுமையாக இருக்கும் ____________ புல்வெளிகளில் கதிரவனின் ____________ வெயில் பரவிக் கிடக்கிறது.

விடை : பச்சை / மஞ்சள்

5. வெயிலில் அலையாதே; உடல் ____________

விடை : கருத்துவிடும்

II. பொருத்தமானவற்றைச் சொற்பெட்டியில் கண்டு எழுதுக.

(தங்கும், மரம் வீடு, அவிழும், தயங்கும், மரவீடு, தோற்பாவை, விருது, தோற்பவை, கவிழும், விருந்து)

1. விரட்டாதீர்கள் – பறவைக்கு மரம் வீடு

வெட்டாதீர்கள் – மனிதருக்கு அவைதரும் மரவீடு

2. காலை ஒளியினில் மலரிதழ் அவிழும்

சோலைப் பூவினில் வண்டினம் தங்கும்

3. மலை முகட்டில் மேகம் தங்கும்  – அதைப்

பார்க்கும் மனங்கள் செல்லத் தயங்கும்

4. வாழ்க்கையில் தோற்பவை மீண்டும் வெல்லும் – இதைத்

தத்துவமாய்த் தோற்பாவை கூத்து சொல்லும்

5. தெருக்கூத்தில் நடிகருக்குக் கைதட்டலே விருது – அதில்

வரும்காசு குறைந்தாலும் அதுவேயவர் விருந்து

III. அகராதியில் காண்க.

1. தால்

தாலாட்டு

தாலு

நாக்கு

2. உழுவை

புலி

ஒருவகை மீன்

தும்பிலி

3. அகவுதல்

அழைத்தல்

ஆடல்

கூத்தாடல்

4. ஏந்தெழில்

மிக்க அழகு

மிக்க வனப்பு

5. அணிமை

சமீபம்

அருகு

நுட்பம்

நுண்மை

 நிற்க அதற்குத் தக… 

கலைச்சொல் அறிவோம்…

1. Aesthetics – அழகியல், முருகியல்
2. Terminology – கலைச்சொல்
3. Artifacts -கலைப் படைப்புகள்
4. Myth – தொன்மம்

கூடுதல் வினாக்கள்

பலவுள் தெரிக

1.கொடுக்கப்பட்டுள்ள விடைகளில் சரியான விடை வரிசையைத் தேர்ந்தெடு.

i) குறிஞ்சி – 1. பேரூர், மூதூர்

ii) முல்லை – 2. பட்டினம், பாக்கம்

iii) மருதம் – 3. சிறுகுடி

iv) நெய்தல் – 4. குறும்பு

v) பாலை – 5. பாடி, சேரி

அ) 3, 4, 1, 2, 5

ஆ) 4, 3, 1, 5, 2

இ) 3, 2, 5, 1, 4

ஈ) 3, 5, 1, 2, 4

Answer:

ஈ) 3, 5, 1, 2, 4

2.பொருத்தமான விடையைக் கண்டறிக.

i) குறிஞ்சி – 1. வற்றிய சுனை, கிணறு

ii) முல்லை – 2. மனைக்கிணறு, பொய்கை

iii) மருதம் – 3. காட்டாறு

iv) நெய்தல் – 4. அருவிநீர், சுனைநீர்

v) பாலை – 5. மணற்கிணறு, உவர்க்கழி

அ) 4, 3, 2, 5, 1

ஆ) 5, 4, 1, 2, 3

இ) 4, 3, 5, 1, 2

ஈ) 3, 4, 5, 2, 1

Answer:

அ) 4, 3, 2, 5, 1

3.பொருந்தாத இணையைக் கண்டறிக.

அ) முல்லை – வரகு, சாமை

ஆ) மருதம் – செந்நெல், வெண்ணெல்

இ) நெய்தல் – தினை

ஈ) பாலை – சூறையாடலால் வரும் பொருள்

Answer:

இ) நெய்தல் – தினை

4.முல்லை நிலத்திற்குரிய பெரும்பொழுதினைத் தேர்ந்தெடு.

அ) கார்காலம்

ஆ) குளிர்காலம்

இ) முன்பனி

ஈ) பின்பனி

Answer:

அ) கார்காலம்

5.ஐந்திணைகளுக்கு உரியன ……………

i) முதற்பொருள்

ii) கருப்பொருள்

iii) உரிப்பொருள்

அ) i – சரி

ஆ) ii – சரி

இ) மூன்றும் சரி

ஈ) iii – மட்டும் சரி

Answer:

இ) மூன்றும் சரி

6.பொருத்திக் காட்டுக.

i) குறிஞ்சி – 1. கடலும் கடல் சார்ந்த இடமும்

ii) முல்லை – 2. வயலும் வயல் சார்ந்த இடமும்

iii) மருதம் – 3. காடும் காடு சார்ந்த இடமும்

iv) நெய்தல் – 4. மலையும் மலை சார்ந்த இடமும்

அ) 4, 3, 2, 1

ஆ) 3, 4, 1, 2

இ) 4, 2, 3, 1

ஈ) 3, 4, 2, 1

Answer:

அ) 4, 3, 2, 1

7.மணலும் மணல் சார்ந்த இடமும் – எத்திணைக்குரியது?

அ) குறிஞ்சி

ஆ) முல்லை

இ) நெய்தல்

ஈ) பாலை

Answer:

ஈ) பாலை

8.பொழுது எத்தனை வகைப்படும்?

அ) இரு

ஆ) மூன்று

இ) நான்கு

ஈ) ஆறு

Answer:

அ) இரு

9.பொருத்திக் காட்டுக.

i) கார்காலம் – 1. மாசி, பங்குனி

ii) குளிர்காலம் – 2. மார்கழி, தை

iii) முன்பனிக்காலம் – 3. ஐப்பசி, கார்த்திகை

iv) பின்பனிக்காலம் – 4. ஆவணி, புரட்டாசி

அ) 4, 3, 2, 1

ஆ) 3, 4, 1, 2

இ) 4, 2, 3,1

ஈ) 3, 4, 2, 1

Answer:

அ) 4, 3, 2, 1

10.இளவேனிற் காலத்துக்குரிய மாதங்கள் ……………

அ) ஆவணி, புரட்டாசி

ஆ) சித்திரை, வைகாசி

இ) ஆனி, ஆடி

ஈ) மார்கழி, தை

Answer:

ஆ) சித்திரை, வைகாசி

11.ஆனி, ஆடி முதலான மாதங்கள் ……………

அ) கார்காலம்

ஆ) குளிர்காலம்

இ) இளவேனிற்காலம்

ஈ) முதுவேனிற்காலம்

Answer:

ஈ) முதுவேனிற்காலம்

12.பொருத்திக் காட்டுக.

i) காலை – 1. மாலை 6 மணி முதல் இரவு 10 மணி வரை

ii) நண்ப கல் – 2. பிற்பகல் 2 மணி முதல் 6 மணி வரை

iii) எற்பாடு – 3. காலை 10 மணி முதல் 2 மணி வரை

iv) மாலை – 4. காலை 6 மணி முதல் 10 மணி வரை

அ) 4, 3, 2, 1|

ஆ) 2, 1, 3, 4

இ) 4, 3, 1, 2

ஈ) 2, 1, 4, 3

Answer:

அ) 4, 3, 2, 1

13.இரவு 10 மணி முதல் இரவு 2 மணி வரை உள்ள சிறுபொழுது ……………

அ) எற்பாடு

ஆ) மாலை

இ) யாமம்

ஈ) வைகறை

Answer:

இ) யாமம்

14.வைகறைக்குரிய கால நேரம்……………

அ) இரவு 2 மணி முதல் காலை 6 மணி வரை

ஆ) காலை 6 மணி முதல் 10 மணி வரை

இ) காலை 10 மணி முதல் 2 மணி வரை

ஈ) இரவு 10 மணி முதல் இரவு 2 மணி வரை

Answer:

அ) இரவு 2 மணி முதல் காலை 6 மணி வரை

15.பொருத்திக் காட்டுக.

i) குறிஞ்சி – 1. கார்காலம்

ii) முல்லை – 2. குளிர்காலம், முன்பனிக்காலம்

iii) மருதம், நெய்தல் – 3. இளவேனில், முதுவேனில், பின்பனி

iv) பாலை – 4. ஆறு பெரும்பொழுதுகள்

அ) 2, 1, 4, 3

ஆ) 4, 1, 3, 2

இ) 4, 3, 1, 2

ஈ) 2, 4, 3, 1

Answer:

அ) 2, 1, 4, 3

16.நண்பகல் எத்திணைக்குரிய சிறுபொழுது?

அ) குறிஞ்சி

ஆ) முல்லை

இ) நெய்தல்

ஈ) பாலை

Answer:

ஈ) பாலை

17.பொருத்திக் காட்டுக.

i) குறிஞ்சி – 1. வைகறை

ii) முல்லை – 2. எற்பாடு

iii) மருதம் – 3. யாமம்

iv) நெய்தல் – 4. மாலை

அ) 3, 4, 1, 2

ஆ) 4, 3, 2, 1

இ) 1, 2, 3, 4

ஈ) 3, 2, 1, 4

Answer:

அ) 3, 4, 1, 2

18.திணைகளுக்குரிய தெய்வத்தைப் பொருத்திக் காட்டுக.

i) குறிஞ்சி – 1. கொற்றவை

ii) முல்லை – 2. வருணன்

iii) மருதம் – 3. இந்திரன்

iv) நெய்தல் – 4. திருமால்

v) பாலை – 5. முருகன்

அ) 5, 4, 3, 2, 1

ஆ) 4, 5, 2, 3,1

இ) 3, 2, 4, 5, 1

ஈ) 1, 2, 3, 4, 5

Answer:

அ) 5, 4, 3, 2, 1

19.திணைகளுக்குரிய மக்களைப் பொருத்திக் காட்டுக.

i) வெற்பன் – 1. குறிஞ்சி

ii) தோன்றல் – 2. முல்லை

iii) ஊரன் – மருதம்

iv) சேர்ப்ப ன் – 4. நெய்தல்

v) எயினர் – 5. பாலை

அ) 5, 4, 3, 2, 1

ஆ) 4, 5, 2, 3, 1

இ) 3, 5, 4, 1, 2

ஈ) 1, 2, 3, 4, 5

Answer:

ஈ) 1, 2, 3, 4, 5

20.பொருத்திக் காட்டுக.

i) புலி – 1. பாலை

ii) மான் – 2. நெய்தல்

iii) எருமை – 3. மருதம்

iv) முதலை – 4. முல்லை

v) வலியிழந்த யானை – 5. குறிஞ்சி

அ) 5, 4, 3, 2, 1

ஆ) 4, 5, 2, 3, 1

இ) 2, 1, 4, 5, 3

ஈ) 4, 2, 3, 1, 5

Answer:

அ) 5, 4, 3, 2, 1

21.பொருத்திக் காட்டுக.

i) குறிஞ்சி – 1. குரவம், பாதிரி

ii) முல்லை – 2. தாழை

iii) மருதம் – 3. தாமரை, செங்கழுநீர்

iv) நெய்தல் – 4. தோன்றி

v) பாலை – 5. காந்தள்

அ) 5, 4, 3, 2, 1

ஆ) 4, 5, 2, 1, 3

இ) 2, 3, 4, 1, 5

ஈ) 3, 1, 4, 2, 5

Answer:

அ) 5, 4, 3, 2, 1

22.பொருத்திக் காட்டுக.

i) குறிஞ்சி – 1. அகில், வேங்கை

ii) முல்லை – 2. கொன்றை, காயா

iii) மருதம் – 3. காஞ்சி

iv) நெய்தல் – 4. புன்னை , ஞாழல்

v) பாலை – 5. இலுப்பை

அ) 1, 2, 3, 4, 5

ஆ) 2, 3, 1, 5, 4

இ) 3, 4, 2, 1, 5

ஈ) 5, 4, 3, 2, 1

Answer:

அ) 1, 2, 3, 4, 5

23.பொருத்திக் காட்டுக.

i) குறிஞ்சி – 1. கடற்காகம்

ii) முல்லை – 2. காட்டுக் கோழி, மயில்

iii) மருதம் – 3. நாரை, நீர்க்கோழி, அன்னம்

iv) நெய்தல் – 4. கிளி, மயில்

v) பாலை – 5. புறா, பருந்து

அ) 4, 2, 3, 1, 5

ஆ) 5, 4, 3, 2, 1

இ) 4, 3, 1, 5, 2

ஈ) 3, 4, 2, 5, 1

Answer:

அ) 4, 2, 3, 1, 5

24.விளரி யாழ் எத்திணைக்கு உரியது?

அ) குறிஞ்சி

ஆ) மருதம்

இ) நெய்தல்

ஈ) பாலை

Answer:

இ) நெய்தல்

25.பொருத்திக் காட்டுக.

i) குறிஞ்சி – 1. துடி

ii) முல்லை – 2. மீன் கோட்பறை

iii) மருதம் – 3. மணமுழா

iv) நெய்தல் – 4. ஏறுகோட்பறை

v) பாலை-5. தொண்டகம்

அ) 5, 4, 3, 2, 1

ஆ) 4, 5, 2, 1, 3

இ) 3, 4, 5, 2, 1

ஈ) 3, 5, 1, 2, 4

Answer:

அ) 5, 4, 3, 2, 1

26.செவ்வழிப்பண், பஞ்சுரப்பண் முதலியனவற்றுக்குரிய திணைகள் முறையே

அ) நெய்தல், பாலை

ஆ) குறிஞ்சி, முல்லை

இ) மருதம், நெய்தல்

ஈ) மருதம், பாலை

Answer:

அ) நெய்தல், பாலை

27.முல்லை நிலமக்களின் உணவுப் பொருள்கள்

அ) வெண்நெல், வரகு

ஆ) மலைநெல், திணை

இ) வரகு, சாமை

ஈ) மீன், செந்நெல்

Answer:

இ) வரகு, சாமை

Read More

CBSE 10 & 12 ஆம் வகுப்பு மாணவர்களுக்கான பொதுத்தேர்வு முடிவுகள் எப்போது? அதிகாரப்பூர்வ அறிவிப்பு!

CBSE 10 & 12 ஆம் வகுப்பு மாணவர்களுக்கான பொதுத்தேர்வு முடிவுகள் எப்போது? அதிகாரப்பூர்வ அறிவிப்பு!

சிபிஎஸ்இ 10 மற்றும் 12 ஆம் வகுப்பு மாணவர்களுக்கான பொதுத்தேர்வு முடிவுகள் எப்போது வெளியாகும் என்பது குறித்தான அறிவிப்பு வெளியிடப்பட்டுள்ளது. மேலும், தேர்வு முடிவுகளை எவ்வாறு தெரிந்துகொள்வது என்பதற்குரிய முழு தகவலும் வெளியிடப்பட்டுள்ளது.

CBSE 10 & 12 ஆம் வகுப்பு மாணவர்களுக்கான பொதுத்தேர்வு முடிவுகள் எப்போது? அதிகாரப்பூர்வ அறிவிப்பு!

பொதுத்தேர்வு முடிவுகள்:

தமிழகத்தில் இரண்டு ஆண்டுகளுக்கு பிறகு சிபிஎஸ்இ 10 மற்றும் 12 ஆம் வகுப்பு மாணவர்களுக்கான பொதுத்தேர்வு நடைபெற்றது. அதாவது, 10 ஆம் வகுப்பு மாணவர்களுக்கு ஏப்ரல் 26 ஆம் தேதி முதல் மே 24 ஆம் தேதி வரை நடைபெற்றது மற்றும் 12 ஆம் வகுப்பு மாணவர்களுக்கு ஏப்ரல் 26 ஆம் தேதி முதல் ஜூன் 15 ஆம் தேதி வரை நடைபெற்றது. கொரோனா காலகட்டத்தில் மாணவர்களுக்கு சரியாக பாடங்கள் புகட்டாத காரணத்தினால் 10 மற்றும் 12 ஆம் வகுப்பு மாணவர்கள் பொதுத்தேர்வில் குறைந்தபட்சமாக 30% மதிப்பெண் பெற்றிருந்தாலே போதுமானது என அறிவிக்கப்பட்டிருந்தது.

இத்துடன், நாடு முழுவதும் 10 மற்றும் 12 ஆம் வகுப்பு பொதுத்தேர்வை கிட்டத்தட்ட 35 லட்சத்திற்கும் மேற்பட்ட மாணவ – மாணவிகள் எழுதியுள்ளனர். ஏற்கனவே, தமிழகத்தில் மாநில பாடத்திட்டத்தின் கீழ் பயின்ற 10 மற்றும் 12 ஆம் வகுப்பு மாணவர்களுக்கான பொதுத்தேர்வு முடிவுகள் கடந்த ஜூன் 20 ஆம் தேதி வெளியிடப்பட்டது. தேர்வு முடிவுகள் வெளியாகி அனைத்து பள்ளிகளிலும் முதலாமாண்டு மாணவர் சேர்க்கை நடைபெற்றுக் கொண்டிருக்கிறது. இந்நிலையில், சிபிஎஸ்இ 12 ஆம் வகுப்பு பொதுத்தேர்வு முடிவுகள் இன்னும் வெளியாகாத காரணத்தினால் கல்லூரிகள் திறக்கும் நாள் தள்ளிப்போய் கொண்டே இருக்கிறது.

இதனிடையே, 10 மற்றும் 12 ஆம் வகுப்பு மாணவர்களுக்கான பொதுத்தேர்வு முடிவுகள் குறித்தான அறிவிப்பு வெளியாகியுள்ளது. அதாவது, சிபிஎஸ்இ 10 ஆம் வகுப்பு மாணவர்களுக்கான பொதுத்தேர்வு முடிவுகள் வரும் ஜூலை 4 ஆம் தேதியும், 12 ஆம் வகுப்பு மாணவர்களுக்கான பொதுத்தேர்வு முடிவுகள் வரும் ஜூலை 12 ஆம் தேதியும் வெளியிடப்படும் எனவும் அறிவிக்கப்பட்டுள்ளது. தேர்வு முடிவுகளை மாணவர்கள் Digilocker செயலி மற்றும் digilocker.gov.in என்கிற இணையதள முகவரி பக்கத்தின் மூலமாக தெரிந்துகொள்ளலாம் என அறிவிக்கப்பட்டுள்ளது. மேலும், cbse.gov.in மற்றும் cbresults.nic.in இந்த இணையதள பக்கத்திற்கு சென்று மாணவர்களின் பதிவு எண் மற்றும் ரோல் எண்ணை பதிவு செய்தும்  மதிப்பெண்ணை அறிந்துகொள்ளலாம்.

Read More

Ennum Ezhuthum - July First Week Lesson Plan

Ennum Ezhuthum - July First Week Lesson Plan

ஜூலை மாதம் முதல் வாரத்திற்குரிய எண்ணும் எழுத்தும் LESSON PLAN ( FILLED FORMAT )

July Firs Week EE Lesson Plan - Download here...

July Month EE Lesson Plan - Download here

Read More

மாணவர்களுக்கான எண்ணும் எழுத்தும் Baseline Survey ஜூலை 4 முதல் 8 ஆம் தேதி வரை நடைபெற உள்ளது - தொடக்கக்கல்வி இயக்குநரின் செயல்முறைகள்

மாணவர்களுக்கான எண்ணும் எழுத்தும் Baseline Survey ஜூலை 4 முதல் 8 ஆம் தேதி வரை நடைபெற உள்ளது - தொடக்கக்கல்வி இயக்குநரின் செயல்முறைகள்!

Read More

TET தேர்வு எழுத விண்ணப்பித்தவர்கள், விண்ணப்பத்தில் திருத்தம் செய்ய வாய்ப்பு வழங்கப்பட்டுள்ளது

TET தேர்வு எழுத விண்ணப்பித்தவர்கள், விண்ணப்பத்தில் திருத்தம் செய்ய வாய்ப்பு வழங்கப்பட்டுள்ளது!

TET தேர்வு எழுத விண்ணப்பித்தவர்கள், விண்ணப்பத்தில் திருத்தம் செய்ய வாய்ப்பு வழங்கப்பட்டுள்ளது

Read More

Breaking : தற்காலிக ஆசிரியர்கள் நியமனம் - சென்னை உயர் நீதிமன்ற இடைக்கால ஆணையின் அடிப்படையில் திருத்திய வழிகாட்டு முறைகள் வழங்கி பள்ளிக் கல்வி ஆணையர் உத்தரவு!

Breaking : தற்காலிக ஆசிரியர்கள் நியமனம் - சென்னை உயர் நீதிமன்ற இடைக்கால ஆணையின் அடிப்படையில் திருத்திய வழிகாட்டு முறைகள் வழங்கி பள்ளிக் கல்வி ஆணையர் உத்தரவு!

பள்ளிக் கல்வி பள்ளிக் கல்வித் துறையின் செயல்படும் ஊராட்சி ஒன்றிய / நகராட்சி / அரசு தொடக்க / நடுநிலை / உயர்நிலை 1 மேல்நிலைப் பள்ளிகளில் 2022-23 - ம் கல்வியாண்டில் காலியாகவுள்ள இடைநிலை / பட்டதாரி / முதுகலை ஆசிரியர் பணியிடங்களை தற்காலிகமாக நிரப்புதல் - முன்னேற்பாடு நடவடிக்கை மேற்கொள்ள அறிவுரைகள் வழங்கியது - கடைப்பிடிக்க வேண்டிய வழிகாட்டு முறைகள் ( Guide lines ) சென்னை உயர்நீதிமன்ற இடைக்கால ஆணையின் அடிப்படையில் திருத்திய வழிகாட்டு முறைகள் தெரிவித்தல் – சார்பு பள்ளிக்கல்வி ஆணையரின் செயல்முறைகள். 

CoSE - Temporary Posts Appointment.pdf - Download here

Read More