பள்ளி காலை வழிபாட்டுச் செயல்பாடுகள் - 05.07.22
திருக்குறள்
அதிகாரம்:வெஃகாமை
திருக்குறள்:176
அருள்வெஃகி யாற்றின்கண் நின்றான் பொருள்வெஃகிப்
பொல்லாத சூழக் கெடும்.
விளக்கம்:
அருளை விரும்பி அதனை அடைவதற்கான வழியில் செல்பவன், தவறிப்போய்ப் பிறர் பொருளை விரும்பிப் பொல்லாத செயலில் ஈடுபட்டால் கெட்டழிந்து விடுவான்.
பழமொழி
One man's meat is another man's poison
ஒருவருக்குக் கொண்டாட்டம் ; மற்றவருக்குத் திண்டாட்டம்
இரண்டொழுக்க பண்புகள்
1. எனது நோட்டில் உள்ள காகிதம் அல்லது பேப்பர் கிழிக்க மாட்டேன்.
2 காகிதம் கிழித்தால் எனது இருப்பிடம் அசுத்தம் ஆவது மட்டும் அல்ல மரங்களை அழிக்கவும் அது மறைமுகமாக ஏதுவாகி விடும்
பொன்மொழி
அணு அளவும் பிறரை ஏமாற்றாமல் வாழ்பவனை கடவுளுக்கு நிகராக உலக மக்கள் மதிப்பர்.
- பாரதிதாசன்
பொது அறிவு
1.இந்தியாவின் மிக உயரிய ராணுவ விருது எது?
பரம் வீர் சக்ரா
2.பரம்வீர் சக்ரா விருது கடைசியாக எப்பொழுது யாருக்கு வழங்கப்பட்டது
6 ஜூலை 1999 - மேஜர் விக்ரம் பாத்ரா
தினம் ஒரு பாரம்பரிய உணவுப் பொருளின் மகத்துவம்
பனைவெல்லம்
1. இதில் பொட்டாஷியம், சோடியம், கால்ஷியம், பாஸ்பரஸ், மற்றும் ஜின்க் ஆகும்.வெல்லத்தில் மினரல்ஸும் அதிகம் இருப்பதால் சத்துணவாக இது அமைந்துள்ளது. இதில் மேக்னிஷியம் இருப்பதால் நரம்பு மண்டலத்தை உறுதிப்படுத்தும், தசைகளை ரிலாக்ஸ் செய்யும்.
2. எலுமிச்சைச் சாறு பிழிந்து அதில் வெல்லத்தை தட்டிப் போட்டு பருகினால் உடனடியாக சோர்வு நீங்கி உடல் புத்துணர்ச்சி அடையும்.
3. பொதுவாக அஸ்கா சர்க்கரை உட்கொள்ளும்போது அதிலுள்ள சத்துப் பொருட்கள் உடனடியாக உடலில் சேர்ந்துவிடும். ஆனால் வெல்லம் சத்துக்களை உடலில் தேக்கி வைத்து தேவைப்படும் போது தகுந்த பயனை அளிக்கும்.
4. சித்த மருத்துவத்தில் சில வியாதிகளுக்கு மருந்து தயாரிக்க வெல்லத்தைப் பயன்படுத்துவார்கள்.
English words and Meaning
Legible. தெளிவான
Semifinal. அரையிறுதி
Punishment தண்டனை
Hitch முடிச்சு, தடை
Corporeal உடல்வருத்தும். தண்டனை
அறிவியல் விந்தைகள்
வெப்பம்
* மனித வாழ்வில் மிக முக்கியமானது வெப்பம் ஆகும்.
*இது ஒரு ஆற்றல். இதன் முக்கிய மூலம் நீங்கள் நினைத்தது போல சூரியன் தான்
* ஒரு பொருளில் உள்ள மூலக்கூறுகள் அல்லது அணுக்கள் அசையும் போது வெப்பம் உருவாகிறது. அசைவு அதிகரிக்கும் போது வெப்பம் அதிகரிக்கும்
* வெப்ப நிலை என்பது எவ்வளவு வேகமாக மூலக்கூறுகள் அசைகின்றன என்பது பொறுத்தது ஆகும்.
*வெப்ப நிலை அளக்க ஃபாரன்ஹீட், செல்சியஸ் மற்றும் கெல்வின் என்று மூன்று அலகுகள் உள்ளன.
Some important abbreviations for students
* HTML - Hyper Text Markup Language
* HUDCO - Housing and Urban Development Corporation
நீதிக்கதை
ஒரு பிச்சைக்காரன் உணவுக்காக வீடு வீடாக அலைந்தான். அவன் மிகவும் அசிங்கமாக, கிழிந்த உடைகளோடு, சிக்குப் பிடித்த தலைமுடியோடு இருந்தான். ஒரு பழைய கோணிப் பையே அவனுக்கு உடமையாக இருந்தது.
ஒவ்வொரு வீடாகப் போய் பார்த்து விட்டு எதுவும் கிடைக்காவிட்டால் தனக்குள் அந்த வீட்டைப் பற்றி சொல்லிக் கொள்வான். ஒரு வீட்டின் முன்னே போய் சொன்ன வார்த்தைகள்; “வீடு மிகப் பெரியது. ஆனால் இங்குள்ளவர்களுக்குப் பணம் நிறைய இருந்தும் திருப்தி இல்லை. அவர்கள் எப்போதும் அதிகமாகவே எதிர்பார்க்கிறார்கள். கடைசியில் அவர்கள் பேராசையால் எல்லாவற்றையும் இழப்பார்கள்…”
இன்னொரு வீட்டுக்குப் போனான். உணவு கிடைக்கவிலை. “இந்த வீட்டில் உள்ளவன் கோடீஸ்வரன். ஆனால் இருக்கிற பணத்தில் திருப்தியடையாமல் அவற்றை இரட்டை மடங்காக்க சூதாடினான். கடைசியில் எல்லாவற்றையும் இழந்தான். எனக்கோ கொஞ்சப் பணம் கிடைத்தால் போதும். திருப்தி கொள்வேன். அதிக ஆசைப் படமாட்டேன்!” என்று அந்த பிச்சைக்காரன் சொன்னதும் அதிர்ஷ்ட தேவதை அவன் முன்னே தோன்றியது.
“நான் உனக்கு உதவப் போகிறேன். நீ உன்னுடைய கோணிப்பையைப் பிடி. நான் அதனுள்ளே தங்க நாணயங்கள் போடுவேன். உனக்கு எவ்வளவு வேண்டுமோ பெற்றுக் கொள்”.
பிச்சைக்காரன் அதிர்ஷ்ட தேவதையைப் பார்த்தான். அதன் கரங்களில் தங்க நாணயங்கள் நிறைய இருந்தன. உடனே அவன் கோணிப்பையை விரித்தான். அப்போது அதிர்ஷ்ட தேவதை சொல்லியது: “கோணிப்பைக்குள் விழுகின்ற நாணயங்கள் தங்கமாக இருக்கும். அவை நிலத்தில் விழுந்தால் தூசியாகி விடும். இது எனது எச்சரிக்கை…”
பிச்சைக்காரன் மிகுந்த மகிழ்ச்சியோடு இருந்தான். அதிர்ஷ்ட தேவதை மீண்டும் எச்சரித்தது. அதன் பிறகு பிச்சைக்காரனின் கோணிப்பைக்குள் தங்க நாணயங்களைக் கொட்டியது. கோணிப்பை நிரம்பியதும் தேவதை தங்க நாணயங்களைக் கொட்டுவதை நிறுத்தியது. “உன் கோணிப்பையில் இருக்கிற நாணயங்கள் உன்னை அரசனை விட பணக்காரனாக்கும். அது போதும்தானே?” என்றது அதிர்ஷ்ட தேவதை. “போதாது. இன்னும் வேண்டும்” என்றான் பிச்சைக்காரன்.
அதிர்ஷ்ட தேவதை மேலும் சில தங்க நாணயங்களைக் கொடுத்து விட்டு சொன்னது, “உன் கோணிப்பை இதற்கு மேல் தாங்காது”. பிச்சைக்காரன் சொன்னான்… “இன்னும் கொஞ்சம் வேண்டும்”…”. அதிர்ஷ்ட தேவதை மேலும் தங்க நாணயங்கள் சிலவற்றைக் கொடுத்துவிட்டு நிறுத்தியது.
“உன் கோணிப்பை கிழியப் போகிறது…”. பிச்சைக்காரன் மறுத்தான். “இல்லை… நீ இன்னும் கொஞ்சம் நாணய்ங்களைப் போடு! என் கோணிப்பை தாங்கும்…” மறு வினாடி கோணிப்பை கிழிந்தது. அதனுள் இருந்த நாணயங்கள் கீழே விழுந்து தூசியாகின. அதிர்ஷ்ட தேவதையும் மறைந்தது. பிச்சைக்காரன் திகைத்துப் போய் நின்றான்.
இன்றைய செய்திகள் - 05.07.22
★மருத்துவ மேற்படிப்பு மாணவர் சேர்க்கையில் நடைபெற்ற முறைகேடு தொடர்பாக சிபிசிஐடி நடத்தி வரும் விசாரணைக்கு தடை விதிக்க சென்னை உயர் நீதிமன்றம் மறுத்து விட்டது.
★வேலைவாய்ப்பு, உயர் கல்விக்கு உத்தரவாதம் தரும் டி.காம். படிப்பு: பாலிடெக்னிக் கல்லூரிகளில் குறைந்த கட்டணத்தில் பயில அழைப்பு.
★ஆதிச்சநல்லூரில் மத்திய தொல்லியல் துறை சார்பில் நடைபெறும் அகழாய்வுப் பணியில் சுண்ணாம்பு மற்றும் செங்கலால் கட்டப்பட்ட சுவர் கண்டுபிடிக்கப் பட்டுள்ளது.
★சென்ற நிதி ஆண்டில் வங்கி மோசடிகள் பாதியாகக் குறைந்துள்ளன. 2020-21 நிதி ஆண்டில் வங்கிகளில் பதிவான மோசடித் தொகை ரூ.1.05 லட்சம் கோடி யாக இருந்தது. 2021-22 நிதி ஆண்டில் பதிவான மோசடித் தொகை ரூ.41,000 கோடி ஆகும்.
★இலங்கையில் நேற்று பள்ளிகள் தொடங்கவிருந்த நிலையில் எரிபொருள் தட்டுப்பாடு காரணமாக மேலும் ஒரு வாரத்திற்கு விடுமுறை அறிவிக்கப்பட்டுள்ளது.
★மகளிா் உலகக் கோப்பை ஹாக்கி போட்டியில் இந்தியா தனது முதல் ஆட்டத்தை இங்கிலாந்துடன் 1-1 என்ற கோல் கணக்கில் டிரா செய்தது.
★விம்பிள்டன் டென்னிஸ் - ஜோகோவிச், சின்னர் காலிறுதிக்கு முன்னேற்றம்.
★2-வது இன்னிங்சில் அரைசதம்- 69 ஆண்டுகால சாதனையை முறியடித்தார் ரிஷப் பண்ட்.
Today's Headlines
★ Madras High Court has refused to stay the investigation conducted by CBCIT regarding the malpractice in the admission of medical students.
★ D. Com guarantees jobs and higher education. There is a call to study D. Com in Polytechnic colleges with low fees.
★ A wall made of lime and brick has been discovered in the excavation work being done by the Central Archeology Department at at Adhichanallur.
★Bank frauds have halved in the last financial year. In the financial year 2020-21, the amount of fraud reported in banks was Rs.1.05 lakh crore. The amount of fraud reported in the financial year 2021-22 is Rs 41,000 crore.
★Sri Lanka has announced another week of holiday due to fuel shortage while schools were about to start yesterday.
★ India drew 1-1 with England in their first Women's Hockey World Cup match.
★Wimbledon Tennis - Djokovic advances to Sinner quarterfinals.
★Rishabh Pant broke the 69-year-old record of fifty in the 2nd innings.
