இன்ஜினியரிங் மாணவர் சேர்க்கை கவுன்சிலிங்கில், விளையாட்டு பிரிவு ஒதுக்கீட்டிற்கான சான்றிதழ் சரிபார்ப்பு, ஜூன் 5ல் துவங்குகிறது.
இதுகுறித்து, கவுன்சிலிங் கமிட்டி செயலர் பேராசிரியர் புருஷோத்தமன் வெளியிட்ட அறிவிப்பு:
இன்ஜினியரிங் மாணவர் சேர்க்கை கவுன்சிலிங்கில், விளையாட்டு வீரர்களுக்கான ஒதுக்கீட்டுக்கு விண்ணப்பித்த மாணவர்களுக்கு, முதற்கட்ட சான்றிதழ் சரிபார்ப்பு, ஜூன் 5 முதல் 14 வரை, அண்ணா பல்கலை வளாகத்தில் நடக்கும். இதற்கான கால அட்டவணை, www.tneaonline.org/ என்ற இணையதளத்தில் இடம் பெற்றுள்ளது.
மாணவர்கள் தங்களுக்கான நேரத்தில், நேரடியாக அசல் சான்றிதழ்களுடன் பங்கேற்க வேண்டும். சான்றிதழ்களின் இரண்டு நகல்களுடன், தேவையான படிவங்களையும் எடுத்து வர வேண்டும்.
விளையாட்டு வீரர் ஒதுக்கீடுக்கு மட்டுமே, சான்றிதழ் சரிபார்ப்பு நேரடியாக நடக்கும்; மற்றவர்களுக்கு ஆன்லைன் வழியே சரிபார்க்கப்படும்.
இவ்வாறு, அதில் கூறப்பட்டுள்ளது
