TNPSC , UPSC, SSC, ரயில்வே தேர்வு என்று பலதரப்பட்ட தேர்வுகளுக்கு நிறைய பேர் தயாராகிக்கொண்டு இருப்பீர்கள். எல்லா தேர்வுகளிலும் பொதுவாக வரலாறு, புவியியல், அரசியல் அறிவியல், நடப்பு நிகழ்வுகள் இருக்கும். இது போன்ற பொதுவான படங்களை தினமும் கொஞ்சம் திருப்புதல் செய்ய ஏதுவாக நங்கள் தொகுத்து தர இருக்கிறோம். அந்த வகையில் இன்று நடப்பு நிகழ்வுகளை பற்றி பார்க்க இருக்கிறோம்.
Daily Job news & Education news - WhatsApp link
போட்டி தேர்வுகளை பொறுத்தவரை தேர்வர்கள், படிக்கும் பாடங்களில் மட்டும் அல்லது தினசரி தங்களை சுற்றி நடக்கும் விஷயங்களைப் பற்றியும் தெரிந்து வைத்திருக்கிறார்களா என்பதை சோதிப்பதற்காகவே தேர்வுகளில் குறிப்பிட்ட அளவிலான நடப்பு நிகழ்வுகள் கேட்கப்படுகின்றன. இந்த நடப்பு நிகழ்வுகளைப் பொறுத்தவரை ஒவ்வொரு தேர்வுக்கும் கேட்கப்படும் பகுதி மாறுபடும்.
TNPSC , UPSC, போன்ற தேர்வுகளுக்கு அரசியல் நடவடிக்கைகள், பொருளாதார நிகழ்வுகள், அரசின் திட்டங்கள், சமூக பிரச்சனைகள், சுற்றுசூழல் பிரச்சனைகள், புதிய கண்டுபிடிப்புகள் தான் முக்கியமானவை. அரசியல் நடவடிக்கைகள் என்றால் அரசு இயந்திரத்தில் நடக்கும் மாற்றங்கள், அரசியல் சாசனம் தொடர்பான செய்திகள் மட்டுமே முக்கியமானது. அரசியல் கட்சிகள் சார்ந்த செய்திகள் தேவை இல்லை.
Daily Job news & Education news - WhatsApp link
இப்போது ஒரு அமைச்சர் அவரது அவையில் இருந்து நீக்கப்படுகிறார் என்றால் அவர் எந்த அடிப்படையில் நீக்கப்படுகிறார்? மத்திய அரசின் உறுப்பினர் என்றால் சரத்து 102 அல்லது மாநில அரசின் உறுப்பினர் என்றால் சரத்து 191 அடிப்படியில் நீக்கப்பட்டாரா, அதற்கான தகுதிகள் மற்றும் நடைமுறைகள் என்ன என்பதை தெரிந்து கொள்வது தான் நாம் படிக்க வேண்டியது. கட்சி சார்ந்த கருத்துக்களை பற்றி யோசிக்க அவசியம் இல்லை.
மத்திய, மாநில, உள்ளாட்சி அமைப்புகள் எப்படி இயங்குகிறது, அதன் உறுப்பினர்கள் யார், நடப்பு ஆண்டில் இதில் நடந்த மாற்றங்கள் மற்றும் அது சார்ந்த அரசியல் அமைப்பு பிரிவுகள் பற்றி ஆழமாக படிக்க வேண்டும். விளையாட்டு, கலை சார்ந்த செய்திகள் எல்லாம் ssc , ரயில்வே தேர்வுகளில் கேட்கப்படும். செய்தியில் வந்த பிரபல கலைஞர்கள் மாறும் அவர்கள் துறை பற்றி தெரிந்திருத்தல் வேண்டும்.
Daily Job news & Education news - WhatsApp link
பொருளியலை பொறுத்தவரை மத்திய மற்றும் மாநில பட்ஜெட்டுகள் முக்கியமானது. எந்த துறைக்கு எவ்வளவு ஒதுக்கப்பட்ட புள்ளி விவரம் சரியான எண்களில் ஞாபகம் வைத்திருக்க அவசியம் இல்லை. அதற்கு பதிலாக எந்த எந்த துறையின் கீழ் என்னென்ன புதிய திட்டங்களை அரசு கொண்டு வந்துள்ளது, அதன் பெயர்கள் மற்றும் விபரங்களை தெரிந்துகொள்ள வேண்டும்.
இதை எங்கே இருந்து படிப்பது என்ற குழப்பம் ஏற்படும். தினசரி செய்தித்தாள்கள் தான் இதற்கு முக்கிய ஆதாரமாக இருக்கும். அது போக விருப்பம் இருந்தால் அரசின் அதிகாரபூர்வ செய்தி வெளியீட்டு https://pib.gov.in/indexd.aspx வலைத்தளத்தில் இருந்து அரசு சார்ந்த செய்திகளை எடுத்துக்கொள்ளலாம். அதன் பின் அதன் முக்கிய கூறுகளை விரிவாக படிக்க வேண்டும்.
அதே போல புவியியல் சார்ந்தும் நடப்பு நிகழ்வுகளில் இருந்து கேள்வி வரும். புவி அப்படியே தான் இருக்கும் அதில் எங்கிருந்து நடப்பு நிகழ்வு என்று கேட்கலாம். பிரதமர், முதல்வர், குடியரசு தலைவர், அல்லது மற்ற நாட்டின் முக்கிய தலைவர்கள் ஏதாவது 1 ஊருக்கு சுற்றுப்பயணம் மேற்கொண்டாலோ அல்லது அவர்களது உரையில் ஏதாவது இடத்தை பற்றி குறிப்பிட்டாலோ அது முக்கியத்துவம் பெரும். அப்போது அந்த இடத்தையும் அது சார்ந்த கலாச்சாரத்தையும் பற்றி படிக்க வேண்டும்.
தினசரி நடக்கும் நிகழ்வுகளைக் குறிப்பு எடுத்துக்கொண்டே வரவேண்டும். ஒரு சில செய்திகள் தொடர்ச்சியாக வரும் அதை ஒரே பக்கத்தில் வரிசையாக எழுதி வந்தால் தேர்வின் போது புரட்டி பார்க்க ஏதுவாக இருக்கும். எல்லா தேர்வுகளிலும் குறைந்தது 20% கேள்விகள் நடப்பு நிகழ்வுகளை சார்ந்தே வரும். அதனால் கவனம் தேவை.
