ஒருங்கிணைந்த பள்ளிக்கல்வி மாணவர்களிடையே அறிவியல் மனப்பான்மையையும் கணிதம் குறித்த அறிவையும் வளர்க்க எங்கும் அறிவியல் யாவும் கணிதம் (STEM) எனப்படும் அறிவியல் தொழில்நுட்பம் பொறியியல் மற்றும் கணிதம் சார்ந்த புதிய திட்டம் சார்பு
_001.jpg "STEM Project For 6,7,8th Students - Proceedings & Registering Procedure")
_002.jpg "STEM Project For 6,7,8th Students - Proceedings & Registering Procedure")
The activity instructions and worksheets presented here were developed by Illinois Valley Community College faculty and are based upon work supported by the National Science Foundation under grant # 0802505 . Any opinions , findings , and conclusions or recommendations expressed in this material are those of the IVCC faculty and do not necessarily reflect the views of the National Science Foundation.
STEM - Middle School Training Activities Handbook - Science- Download here
புதுச்சேரியில் 1 முதல் 12ம் வகுப்பு மாணவர்களுக்கு ஜூன் 23ம் தேதியும் தமிழகத்தில் 1 முதல் 10ம் வகுப்பிற்கு ஜூன் 13ம் தேதியும் 12ம் வகுப்பிற்கு ஜூன் 20ம் தேதியும் 11ம் வகுப்பிற்கு ஜூன் 27 முதல் பள்ளிகள் திறக்கப்படும் என்று பள்ளிக்கல்வித்துறை தெரிவித்துள்ளது. மேலும் 2022 – 2023 ம் கல்வியாண்டில் சனிக்கிழமைகளில் பள்ளிகள் இயங்காது என்றும் தெரிவிக்கப்பட்டுள்ளது.
தமிழகத்தில் 10,11,12ம் வகுப்பு மாணவர்களுக்கு இன்றுடன் பொதுத்தேர்வு முடிவடைய உள்ளது. நாளை முதல் அம்மாணவர்களுக்கு கோடை விடுமுறை தொடங்கவுள்ளது. ஏற்கனவே 1 – 9 வரையிலான வகுப்பு மாணவர்களுக்கு மே 13ம் தேதி முதல் கோடை விடுமுறை அளிக்கப்பட்டுள்ளது. இந்த விடுமுறைக்கு பிறகு 1 – 10 வகுப்புகளுக்கு ஜூன் 13ம் தேதி மீண்டும் பள்ளிகள் திறக்கப்படும் என்று பள்ளிக்கல்வித்துறை அறிவித்துள்ளது. மேலும் 12ம் வகுப்பு மாணவர்களுக்கு ஜூன் 20ம் தேதியும் 11ம் வகுப்பு மாணவர்களுக்கு ஜூன் 27ம் தேதியும் பள்ளிகள் திறக்கப்படும் என்று அறிவிக்கப்பட்டுள்ளது.
பள்ளிகள் திறக்கப்பட்ட பிறகு பல்வேறு திட்டங்களை செயல்படுத்த பள்ளிக்கல்வித்துறை திட்டமிட்டுள்ளது அதற்கான முன்னேற்பாடு பணிகளையும் அரசு மேற்கொண்டு வருகிறது. இந்நிலையில் தமிழகத்தை தொடர்ந்து புதுவையிலும் 1 முதல் 12ம் வகுப்புகளுக்கு ஜூன் 23ம் தேதி பள்ளிகள் திறக்கப்படும் என்று புதுவை கல்வித்துறை அமைச்சர் தெரிவித்துள்ளார். அங்கு 10, 11, 12-ம் வகுப்புகளுக்கு கடந்த 5ம் தேதி தொடங்கிய பொதுத் தேர்வுகள் தொடங்கியது. இந்த தேர்வுகள் இன்றுடன் முடிவடைய உள்ள நிலையில் நாளை (ஜூன் 1) முதல் விடைத்தாள் திருத்தும் பணி தொடங்க உள்ளது.
அதனை தொடர்ந்து 10ம் வகுப்பு தேர்வு முடிவுகள் 17ம் தேதி வெளியிடப்படும் என்று அறிவிக்கப்பட்டுள்ளது. மேலும் அன்றைய தினம் 11ம் வகுப்பு மாணவர் சேர்க்கை தொடங்கும் என்று கல்வி அமைச்சர் தெரிவித்துள்ளார். தற்போது அரசு பள்ளிகளில் பிற வகுப்புகளுக்கு மாணவர் சேர்க்கை நடைபெற்று வருவது குறிப்பிடத்தக்கது. வரும் 2022 – 2023 ம் கல்வியாண்டில் புதுச்சேரியில் சனிக்கிழமைகளில் பள்ளிகள் இயங்காது என்று கல்வித்துறை அமைச்சர் தெரிவித்துள்ளார். மேலும் பள்ளிகள் திறக்க பட்டவுடன் மாணவர்களுக்கு பாட புத்தகங்கள், சீருடைகள் வழங்கப்படும். அதே போல மாணவர்களுக்கான பேருந்துகள் இயக்கப்படும் என்றும் தெரிவிக்கப்பட்டுள்ளது.
தமிழகத்தில், 1 முதல் 9ம் வகுப்பு வரை 2022-23ம் கல்வியாண்டிற்கான வகுப்புகள் ஜூன் 13ம் தேதி துவங்கப்படும் என பள்ளிக்கல்வித்துறை அமைச்சர் அன்பில் மகேஷ் பொய்யாமொழி அறிவித்துள்ளார். தமிழக அரசு பள்ளிகளில் மாணவர் சேர்க்கை எப்போது தொடங்கும் என்பதை கல்வித்துறை அறிவித்துள்ளது.
தமிழகத்தில் கொரோனா காலத்தில் பல நிறுவனங்கள் மூடப்பட்டன. மேலும் மாணவர்களின் நலன் கருதி ஆன்லைன் மூலம் பாடங்கள் நடத்தப்பட்டன. இதற்கிடையில் பொதுமுடக்கத்தால் ஏராளமானோர் பொருளாதார நெருக்கடியை சந்தித்தால் பலரும் தங்களது குழந்தைகளை அரசு பள்ளிகள் மற்றும் அரசு உதவி பெறும் பள்ளிகளில் சேர்த்தனர். அதற்கு ஏற்றவாறு தமிழக அரசும் பல விதமான சலுகைகள் மற்றும் நன்மைகளை அளித்தது. இந்நிலையில் தமிழகத்தில் 2 ஆண்டுகளுக்கு பிறகு நடப்பு கல்வி ஆண்டில் பள்ளி மாணவர்களுக்கு ஆண்டு இறுதித்தேர்வுகள் கட்டாயம் நடைபெறும் என கல்வித்துறை உறுதி அளித்தது.
ஆனால், நடப்பு கல்வி ஆண்டில் பள்ளி நேரடி வகுப்புகள் தாமதமாக தொடங்கியதால், பொதுத் தேர்வுகள் இம்மாதம் இறுதி வரை நடைபெற்றது. அதன்படி, 12ம் வகுப்புக்கு பொதுத்தேர்வு மே மாதம் 5ம் தேதி தொடங்கி 28ஆம் தேதியுடன் நிறைவு பெற்றது. அதேபோல், 11ம் வகுப்பு மாணவர்களுக்கு மே மாதம் 9ம் தேதி ஆரம்பித்து 31ம் தேதி வரையும், 10ம் வகுப்புக்கு மே மாதம் 6ம் தேதி தொடங்கி 30ம் தேதி வரையிலும் தேர்வு நடைபெற்றது. மேலும் அனைத்து வகை பள்ளிகளிலும் 1 முதல் 9ம் வகுப்பு வரை ஆண்டு இறுதித்தேர்வு முடிந்து 14ந் தேதி முதல் கோடை விடுமுறை விடப்பட்டுள்ளது. இந்நிலையில் அடுத்த கல்வி ஆண்டிற்கான மாணவர் சேர்க்கை தனியார் பள்ளிகளில் முடிவடைந்த நிலையில், அரசு பள்ளிகளில் மாணவர் சேர்க்கை தொடங்க உள்ளது.
அதன்படி வருகின்ற ஜூன் 13ஆம் தேதி முதல் மாணவர் சேர்க்கை தொடங்கும் என தகவல் வெளியாகியுள்ளது. அடுத்த கல்வி ஆண்டிற்கான அனைத்து வகுப்பு மாணவர்களுக்கும் சேர்க்கை நடைபெற உள்ளது. தமிழகத்தில் 1ம் வகுப்பு முதல் 10ஆம் வகுப்பு மாணவர்களுக்கு வருகின்ற ஜூன் 13ம் தேதியும், 11 ஆம் வகுப்பு மாணவர்களுக்கு ஜூன் 27ஆம் தேதியும், 12 ஆம் வகுப்பு மாணவர்களுக்கு ஜூன் 20ஆம் தேதியும் பள்ளிகள் திறக்கப்பட உள்ளதாகவும், அதே நாளில் மாணவர் சேர்க்கை நடைபெறும் எனவும் அரசுத்துறை சார்பாக தெரிவித்துள்ளது.
2 ஆண்டுகள் முன்பு ஓய்வு பெறும் வயது 60ஆக மாற்றப்பட்டது .
அந்த வகையில் பல அரசுத் துறைகளைச்சேர்ந்த அரசு ஊழியர்கள் ஓய்வு பெறுகின்றனர் .
தமிழகத்தில் அறிவித்தபடி கடந்த 21ம் தேதி அன்று குரூப் 2,2ஏ தேர்வு நடைபெற்று முடிவடைந்துள்ளது. இதனை தொடர்ந்து குரூப் 4 & VAO தேர்வு வருகிற ஜூலை 24ம் தேதி அன்று நடைபெற உள்ளது. இத்தேர்வுக்கு எப்படி பாட வாரியாக படிக்கலாம் என்பதை பற்றி பார்ப்போம்.
.jpeg)
தமிழகத்தில் கடந்த 2 ஆண்டுகளாக கொரோனா காரணமாக அனைத்து போட்டித்தேர்வுகளும் நடத்தப்படவில்லை. இதனால் தேர்வுக்கு தயாராகி கொண்டிருந்தவர்கள் மிகவும் பாதிப்படைந்தனர். தற்போது கொரோனா பரவல் குறைந்ததை தொடர்ந்து கடந்த 2 ஆண்டுகளுக்கு பிறகு TNPSC தேர்வுக்கான அறிவிப்புகள் ஒன்றன்பின் ஒன்றாக வெளியாகி வருகிறது. மேலும் குரூப் 4 & VAO தேர்வு வருகிற ஜூலை 24ம் தேதி அன்று நடத்த உள்ளதாகவும் இதன் மூலமாக 7000க்கும் மேற்பட்ட பணியிடங்கள் நிரப்பப்பட உள்ளதாகவும் தெரிவிக்கப்பட்டுள்ளது.
இத்தேர்வுக்கு 10ம் வகுப்பு தேர்ச்சி போதும் என்பதால் தமிழகத்தில் இத்தேர்வுக்கு சுமார் 22 லட்சத்திற்கும் மேற்பட்டவர்கள் விண்ணப்பித்துள்ளனர். கடந்த 2 ஆண்டுகளுக்கு பிறகு இத்தேர்வு நடைபெற உள்ளதால் தேர்வர்கள் மத்தியில் கடுமையான போட்டிகள் இருக்கும். அதனால் கட் ஆப் மதிப்பெண்கள் அதிகமாக எடுக்க வேண்டியிருக்கும். அதனால் தேர்வர்கள் எந்தெந்த பாடத்தில் இருந்து அதிக மதிப்பெண்கள் கேட்கப்பட்டிருக்கிறதோ அந்த பாடத்திட்டத்திற்கு அதிக முக்கியத்துவம் கொடுத்து படிக்க வேண்டும்.
1. குரூப் 4 தேர்வுக்கு தமிழ்மொழித்தகுதி தேர்வு என்பதால் முதலில் 6 முதல் 10ம் வகுப்பு வரை உள்ள தமிழ் பாடப் புத்தகங்களை படிக்க வேண்டும். அதன்பின்னர் நேரம் இருந்தால் 11,12ம் வகுப்பு பாடப் புத்தகங்களை படிக்க வேண்டும்.
2. அடுத்ததாக கணித பாடத்தில் 25 மதிப்பெண்கள் பெற வேண்டும். கணித பாடத்திட்டத்தில் தலைப்பின் கீழ் வரும் வினாக்களை ஒவ்வொரு நாளாக பயிற்சி செய்து உங்களை தயார்ப்படுத்த வேண்டும்.
3. இதையடுத்து பொது அறிவு பகுதியை படிக்கும்போது அறிவியல், வரலாறு, புவியியல், அரசியலமைப்பு உள்ளிட்ட பாடங்களுக்கு அதிக முக்கியத்துவம் கொடுத்து படிக்க வேண்டும். மேலும் பள்ளி புத்தகத்தில் பெட்டிச் செய்தி, அடைப்புக்குறிக்குள் உள்ள தகவல்கள், ஹைலைட் செய்யப்பட்ட தகவல்கள் உள்ளிட்டவைகளை நன்றாக படித்து கொள்ள வேண்டும்.
4. புவியியல் பாடப்பிரிவை படிக்கும் போது இந்திய வரைபடம், தமிழ்நாடு வரைபடம் உள்ளிட்டவை அருகில் வைத்து கொண்டு இடங்களை பார்த்து படித்தால் தேர்வு எழுதும்போது நினைவுக்கு வரும். இது உங்களை அதிக கட் ஆப் மதிப்பெண்களை எடுக்க வைக்க பேருதவியாக இருக்கும்.
5. இறுதியாக நடப்பு நிகழ்வுகளுக்கு நாள்தோறும் செய்தித்தாள்களை படிக்க வேண்டும். மேலும் பாடத்திட்டத்திற்கு ஏற்றவாறு செய்திகளை கண்டறிந்து படிக்க வேண்டும்.
பள்ளி மாணவர்கள் அனைவரும் இரண்டு ஆண்டுகளுக்குப் பிறகு இந்த ஆண்டு தான் பொதுத் தேர்வை முடித்துவிட்டு கோடை விடுமுறையில் இருக்கின்றனர். புதுச்சேரி மாநிலத்தில் கோடை விடுமுறை முடிந்து ஒன்று முதல் 10 மற்றும் 12 ஆம் வகுப்பு மாணவர்களுக்கு ஜூன் 23ஆம் தேதி முதல் அடுத்த கல்வி ஆண்டு துவங்கும் என பள்ளி கல்வித்துறை அறிவித்துள்ளது.
 |
| 1 முதல் 10 மற்றும் 12, ஆம் வகுப்புகளுக்கு ஜூன் 23 பள்ளிகள் திறப்பு – கல்வித்துறை அறிவிப்பு... |
கடந்த இரண்டு ஆண்டுகளாகவே கொரோனா பரவலின் காரணமாக பள்ளி மற்றும் கல்லூரி மாணவர்களுக்கு ஆன்லைன் மூலமாக தான் வகுப்புகள் நடைபெற்று கொண்டிருந்தது. மேலும் இரண்டு ஆண்டுகளும் மாணவர்களுக்கு பொதுத்தேர்வு எதுவும் நடத்தப்படாமல் அனைவரும் தேர்ச்சி என அறிவிக்கப்பட்டது. இதனைத் தொடர்ந்து கொரோனா பரவல் குறைந்துள்ள வேளையில் பழையபடி மீண்டும் மாணவர்களுக்கு வகுப்புகள் துவங்கப்பட்டு நேரடி வகுப்புகள் நடத்தப்பட்டு வந்தன.
மேலும் இரண்டு ஆண்டுகளுக்கு பிறகு கட்டாயமாக இந்த ஆண்டு அனைத்து மாணவர்களுக்கும் பொதுத் தேர்வு நடத்தப்படும் என அறிவிக்கப்பட்டிருந்தது. இந்த கொரோனாவின் காரணமாக ஆன்லைன் வகுப்பில் மாணவர்களுக்கு சரியாக பாடங்கள் எதுவும் நடத்தப்படவில்லை. இதனால் மாணவர்களின் சிரமத்தை குறைக்க 35% வரைக்கும் பாடத்திட்டங்கள் குறைக்கப்பட்டன. குறைக்கப்பட்ட பாடத்திட்டங்களில் இருந்து மட்டுமே கேள்விகள் கேட்கப்படும் என அறிவிக்கப்பட்டிருந்தது. அதன்படி அனைத்து பள்ளி மாணவர்களும் பொதுத்தேர்வு முடித்துவிட்டு கோடைவிடுமுறையில் இருக்கின்றனர்.
இந்த கொரோனா காலகட்டத்தில் மாணவர்களின் கல்வித் திறன் குறைந்த காரணத்தினால் பல மாநிலங்களில் பள்ளிகளில் கோடை விடுமுறை குறைக்கப்பட்டுள்ளது. மேலும் கடந்த சில ஆண்டுகளை விட இந்த ஆண்டு வெயிலின் தாக்கம் அதிகமாக இருப்பதாலும் பல மாநிலங்களில் ஆன்லைன் மூலமாகவும் வகுப்புகள் நடைபெற்று கொண்டிருக்கிறது. தமிழகத்தில் மே 13ஆம் தேதி முதல் ஜூன் 12-ஆம் தேதி வரை உள்ள 30 நாட்களுக்கு கோடை விடுமுறை என அறிவிக்கப்பட்டுள்ளது. அதன்படி புதுச்சேரி மாநிலத்தில் ஒன்று முதல் பத்தாம் வகுப்பு வரை பயிலும் மாணவர்கள் மற்றும் 12 ஆம் வகுப்பு பயிலும் மாணவர்களுக்கு ஜூன் 22 வரை கோடை விடுமுறை விடப்பட்டுள்ளது. கோடை விடுமுறை முடிந்து ஜூன் 23 ஆம் தேதி பள்ளிகள் திறக்கப்படும் என பள்ளி கல்வித்துறை அறிவித்துள்ளது.
விடைத்தாள் திருத்தும் முகாம்களில் மதிப்பெண் சரிப்பாரிப்பு அலுவலர்களாக பாடத்தில் நிபுணத்துவம் பெற்ற பாட ஆசிரியர்களை நியமனம் செய்ய முகாம் அலுவலர்களுக்கான கூட்டத்தில் தெரிவிக்கப்பட்டது ஆனால் சில முகாம்களில் தலைமையாசிரியர்களை மதிப்பெண் சரிப்பார்ப்பு அலுவலர்களாக நியமிக்கப்பட்டுள்ளதாக தெரியவருகிறது தற்சமயம் 2022-2023 ஆம் கல்வியாண்டிற்கான பள்ளிகள் திறப்பு 13.03.20222 அன்று என அறிவிப்பு வெளியாகியுள்ள நிலையில், பள்ளிகளில் மாணவர்கள் சேர்க்கை மற்றும் அதன் தொடர்பான பணிகளை தலைமையாசிரியர்கள் மேற்கொள்ள வேண்டியுள்ளதால் தலைமையாசிரியர்களை முகாம் பணிகளில் இருந்து உடன் விடுவிக்குமாறு கேட்டுக்கொள்ளப்படுகிறது.
+2 வகுப்பு பொதுதேர்வில் வேதியியல் பாடத்தில் 2 கேள்விகளுக்கு போனஸ் மதிப்பெண் வழங்கப்படும் என அரசு தேர்வுகள் இயக்கம் தெரிவித்துள்ளது. பகுதி 1-ல் கேள்வி எண் 9 அல்லது கேள்வி எண் 5-ஐ எழுதிய மாணவர்களுக்கு முழு மதிப்பெண் வழங்கப்படும் எனவும் பகுதி 2-ல் கேள்வி எண் 29-ஐ எழுதிய மாணவர்களுக்கு முழு மதிப்பெண் வழங்கப்படும் எனவும் அரசு தேர்வுகள் இயக்கம் தெரிவித்துள்ளது.
தமிழகத்தில் தற்போது 1 ஆம் வகுப்பு முதல் 9 ஆம் வகுப்பு மாணவர்களுக்கு கோடை விடுமுறை அளிக்கப்பட்டுள்ளது. இதனை தொடர்ந்து பள்ளி திறப்பதற்கான தேதியும் பள்ளி கல்வித்துறை அறிவிப்பை வெளியிட்டுள்ளது. அதனால் பள்ளி திறப்பதற்கான முன்னேற்பாடுகள் குறித்து ஆசிரியர் சங்கங்களுடன் பள்ளிக்கல்வித்துறை ஆலோசனை மேற்கொள்ள உள்ளதாக திட்டமிட்டுள்ளது.
தமிழகத்தில் கொரோனா பரவல் காரணமாக நடப்பு கல்வியாண்டு தாமதமாக தொடங்கப்பட்டது. அத்துடன் இந்த ஆண்டு பொதுத்தேர்வு கட்டாயம் நடத்தப்படும் என்று பள்ளிக்கல்வித்துறை இந்த ஆண்டுக்கான தேர்வு கால அட்டவணையை வெளியிட்டது. மேலும் நடப்பு ஆண்டில் நேரடி வகுப்புகள் குறைவாக நடைபெற்றதால் மாணவர்களின் சுமையை குறைக்க பொதுத்தேர்வுக்கான பாடத்திட்டங்கள் குறைக்கப்பட்டது. அதனால் பொதுத்தேர்வுக்கான பாடத்திட்டங்கள் நடத்தி முடிக்க வேண்டும் என்று சனிக்கிழமைகளில் கூட வகுப்புகள் நடத்தப்பட்டது.
இது மாணவர்களுக்கு மனச்சுமையை அதிகப்படுத்தியது. அதனால் இந்த கல்வியாண்டு விரைவில் தொடங்கப்பட வேண்டும் என்று தமிழ்நாடு ஆசிரியர் சங்கம் அரசுக்கு கோரிக்கை வைத்தனர். அதன்படி இது தொடர்பாக பள்ளிக்கல்வித்துறை அறிவிப்பை வெளியிட்டுள்ளது. இந்த அறிவிப்பில், இதில் 1 முதல் 10ம் வகுப்பு மாணவர்களுக்கு ஜூன் 13ம் தேதி முதல் பள்ளிகள் திறக்கப்படும் என்றும் 12ம் வகுப்பு மாணவர்களுக்கு ஜூன் 20ம் தேதி முதல் பள்ளிகள் தொடங்கப்பட உள்ளதாக அறிவிக்கப்பட்டுள்ளது. இதே போன்று 11ம் வகுப்பு மாணவர்களுக்கு ஜூன் 27ம் தேதி அன்று அடுத்த கல்வியாண்டு தொடங்கப்படும் என்று அறிவிக்கப்பட்டுள்ளது.
மானுட மாற்றத்தின் ஆணிவேர்களான ஆசிரியர்களைச் சிறப்பிக்கும் வகையில் ஊடகத் துறையில் சமூக அக்கறையோடு திகழும் “புதிய தலைமுறை” குழுமம், "கனவு ஆசிரியர்" அமைப்போடு இணைந்து “புதிய தலைமுறை ஆசிரியர் விருது “ என்ற பெயரில் ஒவ்வொரு ஆண்டும் ஆசிரியர்களுக்கு விருது வழங்கிச் சிறப்பித்து வருகிறது.
ஆசிரியர்களை மதித்து அவர்களின் நற்செயல்களை ஊக்கப்படுத்தும் சமூகம் தம்மைத் தாமே சிறப்பித்துக் கொள்கிறது. அந்த வகையில் ஒரு மாணவனின் முழுமையான மேம்பாட்டிற்காகவும், சமூகத்தின் வளர்ச்சிக்காகவும் சிறந்த பங்களிப்பை ஆற்றி வரும் ஆசிரியர்களுக்கு உயர்ந்த விருதை வழங்கி உலகிற்கு அடையாளப்படுத்தும் முயற்சியே “புதிய தலைமுறை ஆசிரியர் விருது”.
அரசு, அரசு உதவி பெறும், மெட்ரிக் ஆகிய மூன்று வகைப் பள்ளிகளிலும் பணிபுரியும் ஆசிரியர்கள் இதற்குத் தகுதியானவர்கள், தொடக்க, நடுநிலை, உயர்நிலை மற்றும் மேல்நிலைப் பள்ளிகளில் பணிபுரியும் அனைத்து ஆசிரியர்களும் , தலைமை ஆசிரியர்களும் இதற்குப் பொருத்தமானவர்களே.
விருதுக்கான விண்ணப்பம் மற்றும் விருது பிரிவுகள் இத்துடன் இணைக்கப்பட்டுள்ளன. தகுதியானவர்கள் விண்ணப்பத்தில் உள்ள விவரங்களைப் பூர்த்தி செய்து அனுப்ப வேண்டும். விருதுக்குத் தகுதியானவர்களைப் பிறரும் பரிந்துரை செய்யலாம்.விண்ணப்பத்தோடு சான்றுகளை இணைத்து அனுப்ப வேண்டும். புகைப்படங்கள், வீடியோ குறுந்தகடுகள், ஊடக வெளியீடுகள்,சான்றிதழ்கள் இணைத்து தொகுத்து அனுப்பலாம்.
விருதுக்குத் தேர்ந்தெடுப்பவர்களைப் பற்றிய தரவுகள் அனைத்தும் தக்க சான்றுகளோடு ஒளி-ஒலிக் காட்சிகளாக “புதிய தலைமுறை” ஊடக குழுவினரால் தயாரிக்கப்பட்டு விருது வழங்கும் விழாவில் மேடையில் திரையிடப்படும். நடுவர்களாக சமூகத்தின் பல்துறை சாதனையாளர்கள் மற்றும் கல்வியாளர்கள் அடங்கிய குழு நியமிக்கப்பட்டுள்ளது. நடுவர்களின் முடிவே இறுதியானது.
விண்ணப்பங்கள் வந்து சேர வேண்டிய கடைசி நாள் : 20.06.2022
மேலும் தகவல்களுக்கு - 9840106949, 8056007208
கல்வியாண்டு தொடக்கத்தில் மாணவர்களை நல்வழிப் படுத்தும் செயல்பாடுகள் நடைபெற வேண்டும் என தமிழ்நாடு மேல்நிலைப் பள்ளி தொழிற்கல்வி ஆசிரியர்கள் சங்கம் தமிழக அரசுக்கு வேண்டுகோள் விடுத்துள்ளது. இது குறித்து அச்சங்கத்தின் கடலூர் மாவட்ட செயலாளர்
1. சமீப காலமாக மாணவர்கள் பல்வேறு ஒழுங்கீன செயல்களில் செயல்படுவது முற்றிலும் தவிர்க்கப் பட வேண்டும்.
2. வகுப்பு வாரியாக பெற்றோர் ஆசிரியர் கூட்டங்களை நடத்தப் பட வேண்டும்.
3. தொடக்கத்தில் ஒரு மாதத்திற்கு அடிப்படை கல்வி மட்டுமே போதிக்கப் பட வேண்டும்.
4. மாணவர்களை நல்வழிப் படுத்தும் நீதி போதனை வகுப்புகள் நடத்தப்பட வேண்டும்.
5. நீண்ட நாட்களாக தவிர்க்கப் பட்டு வரும் உடற்பயிற்சி வகுப்புகள் விளையாட்டு மைதானங்களில் நடைபெற வேண்டும்.
6. கையெழுத்தை மேம்படுத்தும் நோக்கத்தில் கையெழுத்துப் பயிற்சி வழங்கப்பட வேண்டும்.
7. செல் போன், விலை உயர்ந்த பொருட்கள் பள்ளிக்கு கொண்டு வருவதற்கு தடை உத்தரவு பிறப்பிக்க வேண்டும்.
8. பள்ளி அருகில் புகையிலை மற்றும் போதை பொருட்கள் விற்பவர்களை கண்டறிந்து தண்டணை வழங்க வேண்டும்.
9. சீரான சிகை அலங்காரம், சீருடை முதலானவற்றை கட்டாயப்படுத்த வேண்டும்.
10. பெற்றோர்களிடம் உறுதிமொழிப் படிவம் பெற்று பள்ளிகளில் கோப்பில் வைக்க வேண்டும்.
11. மாணவர்கள் இருசக்கர மோட்டார் வாகனம் இயக்க தடை விதிக்க வேண்டும்.
12. மாணவர்களின் தினசரி இருவேளையும் பள்ளிக்கு வருவதை உறுதி செய்து மதிப்பெண் வழங்க வேண்டும்.
13. இலவச பாடநூல்கள் அனைத்து மாணவர்களுக்கும் வழங்கப்பட்டுள்ளதை உறுதி செய்யவேண்டும்.
14. மாணவர்களிடையே தேர்வு பயத்தை போக்க மாதந்தோறும் சிறு தேர்வுகள் நடத்தப்பட வேண்டும்.
15. ஆய்வு அலுவலர்கள் மூன்று மாதங்களுக்கு ஒருமுறை பள்ளிகளை பார்வையிட்டு மாணவர்கள் மற்றும் ஆசிரியர்கள் குறைகளை கேட்டறிந்து அவைகளை நிவர்த்தி செய்ய நடவடிக்கை மேற்கொள்ள வேண்டும்
என தெரிவிக்கப்பட்டுள்ளது.
The activity instructions and worksheets presented here were developed by Illinois Valley Community College faculty and are based upon work supported by the National Science Foundation under grant # 0802505 . Any opinions , findings , and conclusions or recommendations expressed in this material are those of the IVCC faculty and do not necessarily reflect the views of the National Science Foundation.
ஜூன் 1 ஆம் தேதி முதல் இல்லம் தேடிக் கல்வி திட்டத்தின் அடுத்தக் கட்டமாக வாசிக்கும் திறனை மேம்படுத்தும் ரீடிங் மாரத்தான் நடைபெற உள்ளது.
இது Read Along செயலி மூலம் நடைபெறுகிறது. செயலி பதிவிறக்கம் மற்றும் பயன்பாடு குறித்து கீழே உள்ள லிங்கில் விரிவாக கொடுக்கப்பட்டுள்ளது.
How to download and use Google Read Along Mobile App detailed explanation - Download here
Step 1: Download Read Along App ( play store)
பிளஸ் 2 பொதுத்தோ்வுகள் சனிக்கிழமையுடன் நிறைவடைந்தன. திட்டமிட்டபடி ஜூன் 23-ஆம் தேதி தோ்வு முடிவுகள் வெளியிடப்படும் எனத் தெரிவிக்கப்பட்டுள்ளது.
தமிழகத்தில் மாநிலப் பாடத்திட்டத்தில் பிளஸ் 2 மாணவா்களுக்கான பொதுத்தோ்வு கடந்த மே 5-ஆம் தேதி தொடங்கி நடைபெற்று வந்தது. தமிழ், கணிதம், வேதியியல், வணிகவியல், இயற்பியல், பொருளியல், புள்ளியியல் உள்பட முக்கிய பாடங்களுக்கான தோ்வுகள் முடிந்துவிட்டன. கடந்த 3 வாரமாக நடத்தப்பட்டு வந்த பிளஸ் 2 பொதுத்தோ்வு சனிக்கிழமையுடன் நிறைவு பெற்றது. இறுதி நாளில் தொழிற் படிப்புகளுக்கான தோ்வுகள் நடத்தப்பட்டன. இந்தத் தோ்வு எளிமையாக இருந்ததாக மாணவா்கள் தெரிவித்தனா்.
பொதுத்தோ்வு முடிந்ததை அடுத்து பெரும்பாலான பள்ளிகளில் பிரிவுபசார விழாக்கள் நடைபெற்றன. மாணவா்கள் வருத்தம் கலந்த மகிழ்ச்சியுடன் பள்ளியை விட்டு விடைபெற்று சென்றனா். இதையடுத்து பிளஸ் 2 விடைத்தாள் திருத்துதல் பணிகள் ஜூன் 1 முதல் 8-ஆம் தேதி வரை நடத்தப்படவுள்ளன. இதில் சுமாா் 46 ஆயிரம் முதுநிலை ஆசிரியா்கள் ஈடுபடவுள்ளனா். தொடா்ந்து மதிப்பெண் பதிவேற்றம் உட்பட பணிகளை முடித்து ஏற்கெனவே திட்டமிட்டபடி தோ்வு முடிவுகள் ஜூன் 23-ஆம் தேதி வெளியிடப்பட உள்ளதாக பள்ளிக் கல்வித் துறை அதிகாரிகள் தெரிவித்தனா்
.jpeg)
தேசிய இயற்பியல் ஆய்வகம் (CSIR – NPL) தற்போது Scientist பணிக்கு என காலிப்பணியிடங்கள் நிரப்ப உள்ளதாக அறிவிப்பு வெளியிட்டுள்ளது. இப்பணிக்கு என பல்வேறு பிரிவின் கீழ் மொத்தமாக 25 காலிப்பணியிடங்கள் ஒதுக்கப்பட்டிருக்கிறது. இப்பணிக்கு திறமை வாய்ந்த நபர்கள் விண்ணப்பிக்க அழைக்கப்படுகிறார்கள். மேலும் இப்பணி பற்றிய விவரங்களை முழுமையாக படித்துவிட்டு, இப்பணிக்கு விருப்பமுள்ளவர்கள் இறுதி நாளுக்கு முன்னதாக தங்களின் பதிவுகளை செய்து பயனடையுமாறு கேட்டுக் கொள்கிறோம்.
நிறுவனம். -National Physical Laboratory (CSIR – NPL)
பணியின் பெயர் -Scientist
பணியிடங்கள் - 25
விண்ணப்பிக்க கடைசி தேதி -30.05.2022
விண்ணப்பிக்கும் முறை - Offline
தற்போது வெளியான தேசிய இயற்பியல் ஆய்வக அறிவிப்பில், Scientist பணிக்கு என பல்வேறு பிரிவின் கீழ் மொத்தமாக 25 காலிப்பணியிடங்கள் ஒதுக்கப்பட்டிருக்கிறது.
இப்பணிக்கு விண்ணப்பதாரர்கள் அரசு அல்லது அரசால் அங்கீகரிக்கப்பட்ட பல்கலைக்கழகங்கள் அல்லது கல்லூரிகள் அல்லது கல்வி நிலையங்களில் விண்ணப்பிக்கும் பணிக்கு தகுந்த Instrumentation / Electronic Engineering / Mechanical Engineering / Electrical engineering / Electronic & communication engineering / computer engineering / computer science / IT / computer application போன்ற பாடப்பிரிவில் M.Sc / M.E / M.Tech / Ph.D போன்றவற்றில் பட்டம் பெற்றவர்கள் மட்டுமே விண்ணப்பிக்க முடியும்.
23.05.2022 அன்றைய நாளின் படி, இப்பணிக்கு விண்ணப்பிக்கும் விண்ணப்பதாரர்களுக்கு அதிகபட்ச வயதாக 32 வயது நிர்ணயிக்கப்பட்டுள்ளது. எனவே விண்ணப்பதாரர்கள் கட்டாயம் 32 வயதுக்கு மிகாமல் இருக்க வேண்டும்.
இப்பணிக்கு தேர்வு செய்யப்படும் பணியாளர்களுக்கு மாதம் ரூ.1,16,398/- ஊதியமாக அளிக்கப்படும் என்று தெரிவித்துள்ளது.
இப்பணிக்கு விண்ணப்பிக்கும் விண்ணப்பதாரர்கள் தகுதியின் அடிப்படையில் Shortlist செய்யப்பட்டு நேர்காணல் மூலம் தேர்வு செய்யப்படுவார்கள். கூடுதல் விவரங்களுக்கு அறிவிப்பை பார்க்கவும்.
இப்பணிக்கு விண்ணப்பிக்க விருப்பமுள்ளவர்கள் உடனே விரைந்து அதிகாரபூர்வ தளத்தில் உள்ள ஆன்லைன் விண்ணப்பங்களை பூர்த்தி செய்து சமர்ப்பிக்கவும். மேலும் ஆன்லைன் மூலம் விண்ணப்பிக்க இன்றே (23.05.2022) இறுதி நாளாகும். அதன் பின் ஆன்லைன் விண்ணப்பங்களை பதிவிறக்கம் செய்து அத்துடன் தேவையான ஆவணங்களையும் இணைத்து அதிகாரப்பூர்வ அறிவிப்பில் பரிந்துரைக்கப்பட்ட வண்ணம் தயார் செய்து அறிவிப்பில் உள்ள முகவரிக்கு 30.05.2022 ம் தேதிக்கு வந்து சேரும்படி, தபால் அனுப்ப வேண்டும்.
வரும் ஜூன் 1 ஆம் தேதி முதல் ஜூன் 12ஆம் தேதி வரை இல்லம் தேடிக் கல்வி மையங்களில் வாசிக்கும் திறனை மேம்படுத்தும் ரீடிங் மாரத்தான் நடைபெற உள்ளது.
இதில் கலந்து கொள்ள என்ன செய்ய வேண்டும் என்று தெரியுமா?
Step 1 : Download google read along App from play Store
Step 2 : ரீடிங் மாரத்தானில் கலந்து கொள்ள Read Along டவுன்லோட் செய்யுங்கள்: https://play.google.com/store/apps/details?id=com.google.android.apps.seekh&referrer=inapp
Step 3: கூகுள் செயலி பயன்படுத்த அனுமதி அளியுங்கள்.
தமிழ் +English மொழியைத் தேர்ந்தெடுக்கவும்
Step 4: தியா சொல்லும் சொற்றொடரைப் படிங்யுங்கள்.
யார் இந்த தியா ?
Step 5: நூலகத்தை பார்வையிடுங்கள்.
உங்கள் குழந்தைகளுக்கான ஆச்சரியமூட்டும் கதைகள் காத்திருக்கின்றன.
Step 6: உங்களது வட்டாரத்திற்கான யூனிக் கோட் ஐ இங்கு பதிவு செய்ய வேண்டும்.
இது கட்டாயம்.
உங்கள் வட்டாரத்திற்கான யூனிக் கோட் தெரியுமா ? 🙄 Ex : TN332115
Step 8: Copy your block code from your district list.
Step 9: கூட்டாளர் குறியீடுகள் என்ற மெனுவை டைப் செய்யவும்.
Step 10: கூட்டாளர் சேர்த்தல் என்ற பட்டனை தட்டவும்.
தமிழகத்தில் 1 முதல் 8ம் வகுப்பு வரை பயிலும் மாணவர்களுக்கு அறிவியலும், கணிதமும் கற்பிக்கும் நோக்கில் எங்கும் அறிவியல் யாவும் கணிதம் என்ற புதிய திட்டம் கொண்டு வரப்பட்டுள்ளது. இத்திட்டம் குறித்த விவரங்களை ஆசிரியர்கள் எமிஸ் இணையதளத்தில் தெரிந்து கொள்ளலாம்.
தமிழகத்தில் கொரோனா தாக்கம் குறைந்து மீண்டும் பள்ளிகள் திறக்கப்பட்ட பிறகு பொதுத் தேர்வுகள் குறித்த அறிவிப்பு வெளியானது. பிறகு கால அட்டவணையின் படி கடந்த 5ம் தேதி 12ம் வகுப்புக்கு, 6ம் தேதி 10ம் வகுப்பிற்கு பொதுத்தேர்வு தொடங்கியது. அதே போல 1 – 9ம் வகுப்பு வரையிலான வகுப்பு மாணவர்களுக்கும் ஆண்டு இறுதி தேர்வு தொடங்கி நடைபெற்று முடிவடைந்தது. இதையடுத்து தற்போது கோடை விடுமுறை அறிவிக்கப்பட்டுள்ளது. ஜூன் 13ம் தேதி முதல் மீண்டும் பள்ளிகள் திறக்கப்படும் என்று பள்ளிக் கல்வித்துறை தெரிவித்துள்ளது. மேலும் 12ம் வகுப்பு மாணவர்களுக்கு ஜூன் 20ம் தேதியும், 11ம் வகுப்பு மாணவர்களுக்கு ஜூன் 27ம் தேதியும் பள்ளிகள் திறக்கப்படும் என்று அறிவிக்கப்பட்டுள்ளது.
இதுவும் உங்களுக்கு
1 -12 பள்ளிகள் திறப்பு -தொழிற்கல்வி ஆசிரியர்கள் அரசுக்கு வேண்டுகோள்
பள்ளிகள் திறக்கப்பட்ட பிறகு பல்வேறு திட்டங்களை செயல்படுத்த கல்வித்துறை முடிவு செய்துள்ளது. அதன் படி முதல் கட்டமாக காலை சிற்றுண்டி வழங்கும் திட்டம் கொண்டு வர திட்டமிடப்பட்டுள்ளது. அதனை தொடர்ந்து தற்போது தமிழ்நாட்டில் கல்வித்துறையில் மறுமலர்ச்சியை ஏற்படுத்துவதை நோக்கமாக கொண்டு பள்ளிக் கல்வித்துறை 6 முதல் 8 வகுப்பு வரை பயிலும் மாணவர்களுக்கு அறிவியல் மற்றும் கணிதத்தை திறம் பட கற்பிக்க அறிவியல் யாவும் கணிதம் என்ற புதிய திட்டம் கொண்டு வந்துள்ளது.
அதாவது அறிவியலையும், கணிதத்தையும் ஒரு குழந்தை சரியான முறையில் புரிந்து கொண்டால் அதன் கேள்வி கேட்கும் திறன் அதிகமாகும். இப்படி குழந்தைகளின் தர்க்கரீதியான சிந்தனைகளை வளர்த்தெடுக்கும் பணியிலுள்ள ஆசிரியர்களுக்கு ஓர் வாய்ப்பாக இத்திட்டம் உள்ளது. இது குறித்த அறிவிப்பினை முழுமையாக தெரிந்து கொள்ள 6, 7, 8ம் வகுப்புகளுக்கு கணிதம் கற்று தரும் ஆசிரியர்கள் திட்டம் குறித்த படிநிலைகளை எமிஸ் இணையதளத்தில் தெரிந்து கொள்ள அறிவுறுத்தப்பட்டுள்ளது. அறிவியல் தொழில்நுட்பம் பொறியியல் மற்றும் கணிதம் சார்ந்த எங்கும் அறிவியல் யாவும் கணிதம் திட்டம் குறித்து மாநில திட்ட இயக்குநர் சுற்றறிக்கை வெளியிட்டுள்ளார்.
தமிழகத்தில் கோடை விடுமுறைக்கு பிறகு 2022 – 2023ம் கல்வியாண்டில் பள்ளிகள் திறக்கப்படும் போது மாணவர்களுக்கு வழங்குவதற்காக இலவச பாடப் புத்தகங்கள் தயாராக உள்ளதாக அதிகாரிகள் தகவல் தெரிவித்துள்ளனர்.
தமிழகத்தில் பள்ளிகள் திறக்கப்பட்டு நேரடி வகுப்புகள் நடைபெற்று வருகிறது. இந்த நிலையில் பொதுத்தேர்வு நடத்த திட்டமிடப்பட்டு தேர்வுக்கான கால அட்டவணை வெளியிடப்பட்டுள்ளது. அதன்படி 10, 11, 12ஆம் வகுப்பு மாணவர்களுக்கான செய்முறைத் தேர்வுகள் நடத்தப்பட்டு அடுத்த கட்டமாக பொதுத் தேர்வுகள் நடந்து வருகிறது. 1 -9 ம் வரையிலான மாணவர்களுக்கு மே 13ம் தேதி வரை தேர்வு நடைபெறும் என்று தெரிவிக்கப்பட்டது. அதன்படி ஆண்டு இறுதி தேர்வுகள் நடத்தி முடிக்கப்பட்டுள்ளது. அம் மாணவர்களுக்கு மே 13 முதல் கோடை விடுமுறையும் அளிக்கப்பட்டுள்ளது. விடுமுறைக்கு பிறகு ஜூன் 13ம் தேதி மீண்டும் பள்ளிகள் திறக்கப்படும் என்றும் அறிவிக்கப்பட்டுள்ளது.
மேலும் 12ம் வகுப்பு மாணவர்களுக்கு ஜூன் 20ம் தேதியும் 11ம் வகுப்பு மாணவர்களுக்கு ஜூன் 27ம் தேதியும் பள்ளிகள் திறக்கப்படும் என்று அறிவிக்கப்பட்டுள்ளது. இந்த நிலையில் பள்ளிகள் திறப்பிற்கு பிறகு மாணவர்களுக்கு வழங்க இலவச பாட புத்தகங்கள் தயாராகி வருகிறது. அதன்படி 1 – 12ம் வகுப்பு வரை உள்ள மாணவர்களுக்கு 2022 – 2023ம் கல்வியாண்டில் வழங்கப்பட வேண்டிய இலவச பாடப்புத்தகங்களை தமிழ்நாடு பாடநூல் கழகம் மூலம் அச்சிடப்பட்டு, அந்தந்த கல்வி மாவட்டம் வாரியாக விநியோகிக்கும் பணி தீவிரமாக நடக்கிறது. தற்போது பொள்ளாச்சி கல்வி மாவட்டத்தில் அடுத்த கல்வி ஆண்டிற்கான இலவச பாடப் புத்தகம் தற்போது வரப்பெற்று தயார் நிலையில் இருப்பதாக அதிகாரிகள் தெரிவித்துள்ளனர்.
மேலும் அம்மாவட்டத்தில் ஆதிதிராவிடர் நல பள்ளிகளில் 6 முதல் 12ம் வகுப்பு வரை படிக்க உள்ள மாணவ, மாணவிகளுக்கு வழங்கப்படுவதற்கான, அனைத்து பாடத் திட்டங்களுக்கு உரிய புதிய புத்தகங்கள் வந்தடைந்துள்ளது. அதனை தொடர்ந்து ஊராட்சி ஒன்றியத்திற்குட்பட்ட துவக்க பள்ளி மற்றும் நடுநிலைப் பள்ளிகளில் 1ம் வகுப்பு முதல் 8ம் வகுப்பு வரை படிக்கும் மாணவர்களுக்கு வழங்கப்படவுள்ள பாடப் புத்தகங்கள் வந்துள்ளது. ஜூன் மாதம் பள்ளி திறப்பு அன்று முதல் நாளில் அனைத்து மாணவர்களுக்கும் இலவச பாட புத்தகம் வழங்கப்படும் என்று கல்வி அதிகாரிகள் கூறியுள்ளனர்.
