தமிழக பள்ளி மாணவர்களே லீவுக்கு ரெடியா???…, தொடர்ந்து 10 நாட்கள் விடுமுறை வருது!!

தமிழகத்தில் கோடை வெயிலின் தாக்கம் காரணமாக புதிய கல்வியாண்டுக்கான பள்ளிகள் அனைத்தும் 2 வாரங்கள் தாமதமாகவே திறக்கப்பட்ட நிலையில், தற்போது காலாண்டு தேர்வை எதிர்நோக்கி உள்ளது. இந்த காலாண்டு தேர்வுகளானது தமிழகத்தில் உள்ள அனைத்து அரசு மற்றும் அரசு உதவி பெறும் பள்ளிகளிலும் செப்டம்பர் மாத 2வது வாரத்தில் நடத்த திட்டமிடப்பட்டுள்ளது. இதில், 1 முதல் 3 ஆம் வகுப்பு மாணவர்களுக்கு செப்டம்பர் 22 ஆம் தேதியுடனும், 4 முதல் 12 ஆம் வகுப்பு மாணவர்களுக்கு செப்டம்பர் 14 ஆம் தேதி முதல் 27 ஆம் தேதி வரையிலும் காலாண்டு தேர்வு நடத்தப்பட உள்ளது.

இந்நிலையில், காலாண்டு விடுமுறை அறிவிப்பை பள்ளி கல்வித் துறை வெளியிட்டுள்ளது. அதாவது, 3 ஆம் வகுப்பு வரையிலான மாணவர்களுக்கு செப்டம்பர் 23 ஆம் தேதி முதல் அக்டோபர் 2 ஆம் தேதி வரையிலும் (10 நாட்கள்), 4 முதல் 12 ஆம் வகுப்பு மாணவர்களுக்கு செப்டம்பர் 28 ஆம் தேதி முதல் அக்டோபர் 2 ஆம் தேதி வரையிலும் (5 நாட்கள்) விடுமுறை அளிக்கப்பட உள்ளதாக அறிவிப்பு வெளியாகி உள்ளது.