#டைம்பாஸ்_கிறுக்கல்
இந்த மாதத்தில் மட்டும்
ஏழெட்டு முறை
ஜாதகத்தை பார்த்தேன்
அதன் பயனாய் சாதகமாக
செவிகளில் விழுந்த வார்த்தைகள்
தொட்டதெல்லாம் துலங்கும் . . .
இதுவரையான என்
ஒட்டுமொத்த வாழ்நாளிலும்,
இதுபோல் ஓராயிரம் முறை
பார்த்து இருக்கிறேன்
ஒவ்வொரு முறையும்
தொட்டதெல்லாம் துலங்கும்
தொட்டதெல்லாம் துலங்கும்
இவ்வார்த்தைகள் தான்
என் செவிகளை வருடி
மனதுள் வியாபித்திருந்தது . . .
ஆயினும்,
என்னவோ!! தெரியவில்லை
எட்டுத் திக்கிலும்
எங்கெங்கு சென்றாலும்
தோல்வியின் துரத்தல்கள்
ஜான் ஏற முழம் வழுக்கும்
வாழ்க்கை . . .
காலம் கடந்து இப்போது புரிந்தது
அவ்வார்த்தைகள் யாவும்
நம்பிக்கையோடு வாழ்வைத்
தொடர்ந்து, அயர்ச்சியில்லா
முயற்சியோடு வாழ்வின்
தடைக் கற்களை தகர்த்தெறிந்து
முன்னேறுவதற்கான
படிக்கற்களை அமைத்துக்
கொள்ளும் சூத்திரம் என்று . . .
பரவாயில்லை . . .
இப்போதாவது புரிந்ததே
பெருமூச்சுடன் தொடர்கிறேன்
இனி என் முன்னேற்றத்தைத்
தடுக்க எவராலும் முடியாது
என்னை வெல்ல எமனாலும்
முடியாது . . .
(பலரும் உணர்ந்த உண்மை)
*ரேணுகா ஸ்டாலின்*